बदमासीको पराकाष्ठा ! राष्ट्रिय परीक्षा बोर्डको उत्तरपुस्तिका घरमै लगेर फेरि लेखियो
काठमाडाैँ २३, साउन । राष्ट्रिय परीक्षा बोर्डमा कतिसम्म लापरबाही र बदमासी हुन्छ भन्ने तथ्य सार्वजनिक भएको छ । बोर्डका कर्मचारीको मिलेमतोमा कक्षा ११ को उत्तरपुस्तिका घरमै लगेर लेखेको पाइएपछि अहिले प्रहरीले अनुसन्धान थालेको छ ।
०७४ साल जेठमा सञ्चालन भएको कक्षा ११ को परीक्षामा ललितपुरको डिएभी सुशील केडिया विश्व भारती उच्च माविका विद्यार्थीको उत्तरपुस्तिका बोर्डको कार्यालयबाट घरमा गरेर उत्तर लेखेर पुनः कार्यालयमा ल्याएको पाइएको हो ।
बोर्डका कर्मचारीको सहयोगमा डिएभी सुशील केडिया स्कुलकी एक छात्राको पाँच विषयको उत्तरपुस्तिका बोर्डको कार्यालयबाट बाहिर लगेर नयाँ उत्तर लेखेर पुनः कार्यालयमा ल्याएको पाइएको हो ।
विज्ञान विषयको फिजिक्स, केमेस्ट्रि, म्याथ, जुलोजी र बोट्नी विषयको कोडिङ र डिकोडिङ भएको उत्तरपुस्तिका कार्यालयबाट लगेर लेखाएर कार्यालयमै ल्याइएको थियो । उत्तरपुस्तिकाको बाहिरको कभर परिवर्तन गरी पाँच विषयको उत्तर बाहिरबाट लेखाएर ल्याइएको थियो ।
अनुसन्धान गर्दै प्रहरी
परीक्षा बोर्डमा पुगिसकेको उत्तरपुस्तिका घरमा ल्याएर त्यसको बाहिरी कभरबाहेक अरु परिवर्तन गरी पुन उत्तर लेखेर कार्यलयमा पुर्याएको यस घटनाको ललितपुर प्रहरीले छानविन गरिरहेको छ । महानगरिय प्रहरी परिसर ललितपुरका प्रवक्ता डिएसपी नरेन्द्र चन्दले घटनाको अनुसन्धान भइरहेको बताए । उनले तीन जनालाई पक्राउ गरी अनुसन्धान भइरहेको बताए । उनले भने–‘३ जना विरुद्ध मुद्दा चलिरहेको छ, उनीहरु अहिले धरौटीमा रिहा भएका छन् । यसमा अरुको पनि संलग्नता छ कि छैन भन्ने विषयमा अनुसन्धान भइरहेको छ ।’
कार्यालयमा आइसकेको उत्तरपुस्तिका बाहिर लगेर लेखाइएको सूचना आएपछि बार्ड बैठकले नै प्रहरीलाई छानविन गर्न जिम्मा लगाएको थियो । बोर्डका पदाधिकारीले उत्तरपुस्तिका काण्डबारेमा जानकारी पाएपछि केही समय अघि तत्कालिन परीक्षा नियन्त्रक डम्बर बतासलाई परीक्षा नियन्त्रकबाट सरुवा गरेको छ । बोर्डका एक कार्यालय सहयोगीलाई प्रहरीले पक्राउ गरी अनुसन्धान गरिरहेको छ भने तत्कालिन परीक्षा नियन्त्रक बतासको लापरबाही देखिएको भन्दै बयान लिएको छ । स्रोतका अनुसार केहि अन्य अभियुक्तहरु फरार रहेका छन् ।
यसरी भएको थियो घटना
घटनाको अनुसन्धान जारी रहेको भन्दै प्रहरीले परीक्षक र अभियुक्तको नाम खुलाएको छैन । ती परीक्षार्थीको उत्तर पुस्तिका अरु विद्यार्थीको भन्दा फरक देखेर कार्यालयमा रिपोर्ट गरेपछि बोर्डले छानविन समिति गठन गरेको थियो ।
ति विद्यार्थीको अङ्ग्रेजी बाहेक सबै उत्तरपुस्तिका शंकास्पद पाइएपछि छानविन समितिले सम्बन्धीत विद्यार्थीलाई बोलाएर सोधपुछ पनि गरेको थियो । विद्यार्थीको बयानले शंकास्पद बनाइरहेका बेला विद्यार्थीले कपीमा नलेखिकन छोडेको र पछि अरुले लेखिदिएको बयान दिएपछि झनै संकास्पद भएको बोर्डका एक कर्मचारीले बताए । ती विद्यार्थीको रिजल्ट पनि रद्ध भएको छ । बोर्डले छानविनका लागि प्रहरीलाई जिम्मा लगाएको छ । ती विद्यार्थीले कक्षा ११ को परीक्षा पुनः दिएकी छन् ।
Comments
अरु समाचार
-
नेपाल प्रहरीका ४१ एसपीको सरुवा (सूचीसहित)
काठमाडौं । सरकारले केही प्रहरी उपरीक्षकहरुको सरुवा गरेको छ । नेपाल प्रहरीका ४१ जना प्रहरी उपरीक्षक (एसपी) को सरुवा गरेको...
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...