अमेरिकाको चीनसँगको व्यापार युद्ध चर्कियोः चीनियाँ उत्पादनमा दुई सय अर्ब डलरको नयाँ ट्यारिफ
एजेन्सि । चीनसँगको व्यापार युद्धलाई एक कदम अघि बढाउँदै अमेरिकाले चीनियाँ उत्पादनमा पुनः दुई सय अर्ब डलरको नयाँ ट्यारिफ लगाएको छ ।
यो आयात शुल्क पाँच हजारबढी वस्तुमा लागु हुनेछ । अमेरिकाले यसअघि पनि चीनियाँ सामानमा आयात शुल्क लगाइसकेको छ तर एकैपटक अत्यधिक शुल्क लगाइएको यो पहिलो घटना हो ।
यसमा ह्यान्डब्याग, चामल र कपडा समावेश गरिएका छन् तर केही वस्तु जस्तै घडी, प्ले पेनलगायतलाई यसमा समावेश गरिएको छैन । यद्यपी, यी वस्तुमा पनि चाँडै नै शुल्क लगाइने सम्भावना छ ।
सुरुमा अमेरिकाले काठबाट बनेको फर्निचरमा आयात शुल्क लगाएको थिएन तर यसपटक भने यसमा पनि शुल्क लगाइएको छ । यसले चीनका साथै अमेरिकाको फर्निचर बजारमा असर पुर्याउने बताइएको छ ।
यता चीनले अमेरिकाले यदि आयात शुल्क लगाए आफूहरुले जवाफी कारवाही गर्ने चेतावनी दिइसकेको छ ।
यसअघि चीनका विदेश मन्त्रालयका प्रवक्ता गेन्ग शुआंगे यदि अमेरिकाले नयाँ आयात शुल्क लगाए चीन पनि आफ्नो हितको रक्षा गर्नका लागि बाध्य हुने बताएका थिए ।
उनले भनेका थिए, ‘यो व्यापार युद्धले कसैलाई पनि फाइदा हुनेछैन । हामीले सधैं व्यापारका मुद्धालाई कुराकानीमार्फत सुल्झाउनु ठिक भएको बताउँदै आएका छौं त्यो पनि एक–अर्कामाथि विश्वास गरेर मान–सम्मानका साथ ।’
चीनलाई दिइयो मौकाः अमेरिका
नयाँ आयात शुल्क सेप्टेम्बर २४ तारिखदेखि लागु हुनेछ जसलाई सुरुवातमा १० प्रतिशत शुल्क लगाइने भने अर्को वर्षको सुरुवातमा त्यो बढेर २५ प्रतिशत हुनेछ ।
राष्ट्रपति डोनल्ड ट्रम्पले यो नयाँ ट्यारिफ चीनको व्यापार गर्ने अनुचित तरिकाको जवाफमा भएको बताएका छन् ।
ट्रम्पका अनुसार अमेरिका परिवतर्न गर्नका लागि स्पष्ट छ र चीनलाई अमेरिकासँग उचित तरिकाले व्यापार गर्ने हरेक मौका दिएको छ ।
उनी भन्छन्, ‘तर अहिलेसम्म चीनले आफ्नो व्यापार नीति परिवर्तन गर्न इच्छा देखाएको छैन ।’
दुबै देशले पहिले नै एक–अर्कामाथि पाँच सय अर्ब डलरको सामानमाथि शुल्क लगाइसकेको छ । यसले अन्तर्राष्ट्रिय बजारमा समेत असर पुर्याउने छ ।
ट्रम्पले यदि चीनले यसको जवाफमा कुनै कदम उठाए आफूहरु अर्को चरणको आयात शुल्क लगाउने दिशामा अघि बढ्ने र दुई सय ६७ अर्ब डलरको चीनियाँ उत्पादनमा शुल्क लगाउने चेतावनी दिएका छन् ।
दुई सय ६७ अर्ब डलरको चीनियाँ उत्पादमाथि शुल्कको अर्थ चीनबाट आयात गरिने लगभग सबै उत्पादन यो दायरामा आउनेछन् ।
Comments
अरु समाचार
-
सुनको मूल्य तोलामा रु दुई हजारले वृद्धि
काठमाडौं । स्थानीय बजारमा पहेँलो धातुको मूल्य तोलामा रु दुई हजारले वृद्धि भएको छ । नेपाल सुनचाँदी व्यवसायी महासङ्घका अनुसार...
-
आइटी क्षेत्रलाई सरकारले प्राथमिकतामा राख्न जरूरी छ : अध्यक्ष ढकाल
काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले आइटी क्षेत्रलाई सरकारले प्राथमिकतामा राख्न जरुरी रहेको बताएका छन्। बिहीबार काठमाडौंमा...
-
नेतृत्वले जोखिम मोल्नुपर्ने अवस्था आएको छ : अर्थमन्त्री पुन
काठमाडौँ । अर्थमन्त्री वर्षमान पुनले आगामी आर्थिक वर्षको बजेट निर्माण सम्बन्धमा पूर्वप्रशासक र अर्थ क्षेत्रका विज्ञसँग परामर्श गरेका छन् ।...
-
श्रमिकको समस्या समाधान गर्न सरकारले सुरु गर्यो ‘श्रमाधान’ सेवा
काठमाडौं । श्रमिकका विभिन्न समस्या, गुनासो र जिज्ञासालाई समाधान र सुधार गर्ने उद्देश्यसहित सरकारले श्रमाधान सेवाको थालनी गरेको छ ।...
-
आईएमई ग्रुप र पीटी पीएलएन नुसन्तराबीच साझेदारी, ऊर्जा परियोजना सम्झौतामा हस्ताक्षर
काठमाडाैं । आईएमई ग्रुप र इन्डोनेसियाको पीटी पीएलएन नुसन्तरा कम्पनीले नेपालमा ऊर्जा परियोजनाहरूको विकासमा साझेदारी गर्ने भएका छन् । आईएमई...
-
नौ महिनामा एक अर्ब ७८ करोड राजस्व सङ्कलन
काठमाडौं । आन्तरिक राजस्व कार्यालय धनगढीले चालु आवका नौ महिनामा रु एक अर्ब ७८ करोड ९८ लाख राजस्व सङ्कलन गरेको...
-
विकासका उपलब्धि जोगाउन सार्थक सहयोगका लागि उपप्रधानमन्त्री यादवकाे जोड
काठमाडौँ, १८ वैशाखः उपप्रधानमन्त्री एवं स्वास्थ्य जनसङ्ख्यामन्त्री उपेन्द्र यादवले स्वास्थ्य क्षेत्रमा नेपालले हासिल गरेका उपलब्धिलाई जोगाइराख्न संयुक्त राष्ट्रसङ्घलगायत अन्तर्राष्ट्रिय विकास...
-
नेपालमै विद्युतीय गाडी उत्पादन गर्न चिनियाँ कम्पनीसँग सम्झौता (फोटोफिचर)
विराटनगर। कोशी एन के मोटर्स स्वदेशमै बिजुली गाडीहरुको उत्पादनका लागि स्थापना भएको कम्पनी हो । चाइनाको विश्वबिख्यात बस निर्माता कम्पनी...
-
विराटनगरमा विद्युतीय गाडी उत्पादन गर्न कोशी एनके मोटर्स र चिनियाँ कम्पनीबीच सम्झौता
विराटनगर । विराटनगरमा कोशी एनके मोटर्सले विद्युतीय गाडी उत्पादन गर्ने भएको छ । चिनियाँ कम्पनीसँगको साझेदारीमा एनके मोटर्सले विद्युतीय गाडी...