संसदमा नयाँ नक्साको बहस लम्बियो : मन्त्रिपरिषद् भोलि बस्ने
काठमाडौं । संसद बैठक लम्बिएपछि मन्त्रिपरिषद् बैठक भोलि मात्रै बस्ने भएको छ।
मंगलबारै अमेरिकी परियोजना एमसिसीबारे छलफलका लागि बस्ने भनिएको नेकपा सचिवालय बैठक पनि स्थगित भइसकेको छ। आजका लागि डाकिएको मन्त्रिपरिषद् बैठक बुधबारका लागि डाकिएको प्रधानमन्त्री केपी शर्मा ओलीका प्रेस सल्लाहकार सूर्य थापाले जानकारी दिएका छन्।
प्रतिनिधिसभाको बैठकमा नेपालको नयाँ नक्सालाई अनुसूचीमा समावेश गर्न पेश भएको ‘नेपालको संविधान (दोस्रो संशोधन) विधेयक, २०७७’ विधेयकमाथि रातिसम्म छलफल जारी छ। नयाँ नक्साबारेको छलफलका क्रममा प्रधानमन्त्री ओली पनि संसदमा आएका थिए। उनी केही समय संसदमा बसेर बालुवाटार फर्किसकेका छन्। बजेटमाथिको छलफल मंगबार सकिएको छ। अब बजेट पास गर्ने कार्यक्रम पनि भोलिको संसद बैठकमा राखिने भएको छ।
सरकारले जारी लकडाउनको मोडालिटी परिवर्तन गर्ने निर्णय गर्ने तयारी गरेको थियो। मोडालिटी बारे छलफल गर्न बुधबार बस्ने मन्त्रपरिषद् बैठकमा छलफल हुने भएको छ। यसअघि गत बिहीबार बसेको मन्त्रिपरिषद् बैठकले लकडाउनको मोडालिटी तयार पार्न उच्चस्तरीय समन्वय समितिलाई निर्देशन दिएको थियो। सरकारले गत चैत ११ गतेदेखि लकडाउन गर्दै आएको छ। लकडाउनले देशमा संकट बढ्दै गएपछि यसको मोडालिटी फेर्ने तयारी भइरहेको छ।
उपप्रधान तथा रक्षामन्त्री नेतृत्वको कोरोना रोकथाम तथा नियन्त्रण उच्चस्तरीय समितिले असार १ गतेदेखि चरणबद्ध लकडाउन खुकुलो बनाउने प्रस्ताव गरिसकेको छ। समितिले दुई-दुई हप्तामा मोडालिटी परिवर्तन गर्दै जनजीवन सहज बनाउने तयारी गरेको छ। समितिले असार १ पछि ६ चरणमा ७० दिनभित्र लकडाउन खुकुलो बनाउने प्रस्ताव गरेको छ। पहिलो चरणमा कृषि, दैनिक उपभोग्य सामाग्री वितरक केन्द्रहरु खोल्ने तयारी सरकारले गरेको छ। जेठ १७ गतेको मन्त्रिपरिषद बैठकले समितिलाई लकडाउनको नयाँ स्वरुप टुंगो लगाउने जिम्मा दिएको थियो। सरकारले लकडाउन खुकुलो बनाउने योजना नल्याएपछि काठमाडौं र अन्य स्थानका ब्यापारीले पसल खोलिरहेका छन्। लकडाउनकै बीचमा सडकमा गाडी बढ्न थालेका छन्।
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...