काठमाडौंका ११० सहित उपत्यकामा १३४ जनामा कोरोना संक्रमण

समाचार

- न्युज-नेपाल

काठमाडौं । काठमाडौं उपत्यकामा मंगलबार १३४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो चौबीस घण्टामा काठमाडौं उपत्यकामा १३४ संक्रमित थपिएका हुन् ।

“काठमाडौंका ११० जना, ललितपुरका १६ जना र भक्तपुरका ८ जनामा कोरो संक्रमण देखिएको छ,” उनले भने । उनका अनुसार राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंका २८ जना ललितपुरका एकजना र भक्तपुरका चारजना संक्रमित थपिएका छन् ।

शुक्रराज ट्रपिकल तथा सरुवा रोग अस्पतालमा गरिएको परीक्षणमा भक्तपुरका दुई र काठमाडौंका २० जना संक्रमित थपिएका छन् । त्यसैगरी पाटन अस्पतालमा गरिएको परीक्षणमा काठमाडौं आठ र ललितपुरका आठजनामा कोरोना भाइरसको संक्रमण देखिएको उनले बताए ।

वीर अस्पतालमा गरिएको परीक्षणमा काठमाडौंका तीनजनामा कोरोना देखिएको उनले जानकारी दिए ।
त्रिवि शिक्षण अस्पतालमा गरिएको परीक्षणमा काठमाडौंमा १३ र भक्तपुरमा एकजना र ललितपुरमा एक जना संक्रमित थपिएको उनले जानकारी दिए ।

उनका अनुसार नेपाल प्रहरी अस्पतालमा गरिएको परीक्षणमा काठमाडौंमा पाँच संक्रमित थपिएका छन् । स्टार अस्पताल सानेपामा गरिएको परीक्षणमा काठमाडौंका १४ र ललितपुरका एकजनामा संक्रमण भेटिएको गौतमले जनाए ।

विध ल्याब ललितपुरमा गरिएको परीक्षणमा काठमाडौंका दुई र ललितपुरका दुईजना संक्रमित थपिएको पनि उनले बताए । वीरेन्द्र अस्पतालमा गरिएको परीक्षणमा काठमाडौंका तीनजनामा संक्रमण देखिएको छ ।

नेपाल मेडिकल कलेजमा गरिएको परीक्षणमा काठमाडौंका दुई, ह्याम्स अस्पतालमा गरिएको परीक्षणमा काठमाडौंका आठजना र ललितपुरका एकजना, नेपाल-कोरिया अस्पतालमा गरिएको परीक्षणमा काठमाडौंका चार र भक्तपुरका एकजनामा संक्रमण देखिएको छ ।

प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा ललितपुरका दुईजनामा कोरोना संक्रमण देखिएको मन्त्रालयले जनाएको छ ।