अमेरिकामा कोरोनाविरुद्धको खोपमाथी राजनीति, चुनावअघि वितरण गर्ने तयारी
एजेन्सी । संयुक्त राष्ट्र अमेरिकाको निर्वाचन नजिकिएसँगै राष्ट्रपति डोनाल्ड ट्रम्प र उनका प्रतिस्पर्धी डेमोक्रेटिक उमेदवार जो बाइडेन एक-अर्काप्रति आक्रामक रुपमा प्रस्तुत भइरहेका छन् । कोरोना भाइरसविरुद्धको खोप विकास र वितरणका विषयमा पनि ट्रम्प र बाइडेनले एक-अर्कालाई आरोप लगाउनुका साथै आलोचनासमेत गरेका छन् ।
राष्ट्रपति ट्रम्पले कोरोनाविरुद्धको खोप नोभेम्बरअघि नै आउने संकेत गरेका छन् । उनले नोभेम्बरको निर्वाचनअघि नै कोरोनाविरुद्धको खोप उपलब्ध हुने बताउँदै डेमोक्रेटिक उमेदवार बाइडेनले ‘खोपविरुद्ध लापरबाही रुपमा अभिव्यक्ति’ दिइरहेको आरोप लगाएका छन् ।
जो बाइडेनले खोपका विषयमा राष्ट्रपति ट्रम्पले वैज्ञानिकहरुको कुरा सुनेको र यसको कार्यान्वयनको विषयमा पारदर्शी भएकामा आशंका व्यक्त गरेका छन् ।
अमेरिकामा विश्वमै सबैभन्दा बढी ६० लाखभन्दा बढी कोरोना भाइरस संक्रमित छन् । करिब एक लाख ९० हजारभन्दा बढी मानिसको कोरोना संक्रमणबाट मृत्यु भएको छ । कोरोना भाइरसकै कारण आर्थिक गिरावट आएको छ भने दुई अंकमा बेरोजगारी दर बढेको छ । नागरिकस्तरमा निराशा छाएको छ ।
यस्तो अवस्थामा एकमात्रै अस्त्रका रुपमा हेरिएको कोरोनाविरुद्धको खोप विकासको काम तीव्र रुपमा भइरहेको र सम्भवत: अक्टोबरमै खोप उपलब्ध हुने राष्ट्रपति ट्रम्पले सोमबार बताएका हुन् ।
गत साता अमेरिकी रोग नियन्त्रण तथा रोकथान केन्द्र (सीडीसी) ले पनि अमेरिकाका ५० वटै राज्यहरुलाई कोरोना भाइरसविरुद्धको खोप वितरणका आवश्यक तयारी गर्न आग्रह गरेका थिए । सीडीसीले अमेरिकी निर्वाचनको दुई दिनअघि १ नोभेम्बरमा कोरोनाविरुद्धको खोप वितरण गरिने दाबी गरेको थियो ।
हालसम्म कुनै पनि कोरोनाविरुद्धको खोपको मानव परीक्षणको चरण पार गरिसकेका छैनन् । अमेरिकी वैज्ञानिकहरुले खोप विकास र परीक्षण चरणमा जनस्वास्थ्य र सुरक्षाभन्दा पनि राजनीतिलाई बढी ध्यान दिइएकोप्रति चिन्ता व्यक्त गरेका छन् ।
डेमोक्रेट उमेदवारहरु जो बाइडेन र कमला ह्यारिसले बारम्बार खोप विकासमा जनस्वास्थ्यको विषयमा ध्यान नदिएको भन्दै ट्रम्पको आलोचना गरिरहेका छन् । उनीहरुले राष्ट्रपति ट्रम्पको विश्वसनीयतामाथि आशंका व्यक्त गरिरहेको बीबीसीले जनाएको छ ।
आइतबार डेमोक्रेटतर्फबाट उपराष्ट्रपति उमेदवार कमला ह्यारिसले खोप सुरक्षित भएको भन्दै प्रचार गरिएको राष्ट्रपति ट्रम्पको कुरामा विश्वास गर्नै नसकिने बताएकी थिइन् । त्यसैगरी राष्ट्रपति उमेदवार बाइडेनले ‘खोपमा राष्ट्रपति ट्रम्पले गरेको दाबीमा के जनताले विश्वास गर्न सक्छन् ?’ भन्दै प्रश्न गरेका थिए ।
“कोरोना संक्रमण सुरु भएदेखि नै राष्ट्रपति ट्रम्पले धेरै दाबी गर्दै आएका छन् । तर, कुनै पनि सत्यसावित भएका छैनन् । के मानिसहरुले सुरक्षित खोप पाउँछन् भन्ने विषयमा मलाई चिन्ता लागिरहेको छ,” पेन्सलभानियामा गरिएको सम्बोधनमा सोमबार बाइडेनले भने ।
उनले थपे, “यदि खोप राम्रो छ भने भोलि नै लगाउँदै पनि समस्या छैन । खोप आउँछ र अमेरिकी जनताहरु सुरक्षति हुन्छन् र खोपकै कारण मैले निर्वाचनमा पराजित हुनुपर्छ भने पनि मलाई समस्या छैन । म त्यो खोप सुरक्षति होस् भन्ने चाहन्छु । हामीलाई खोप चाहिएको छ र चाँडै चाहिएको छ । तर, वैज्ञानिकहरुले भनेका कुराहरु सुन्नुपर्छ ।”
मत सर्वेक्षणहरुमा बाइडेनलाई पछ्याइरहेका राष्ट्रपति ट्रम्पले ह्वाइट हाउसमा आयोजित पत्रकारसँगको ब्रिफिङका क्रममा बाइडेनलाई ‘मूर्ख’ र उपराष्ट्रपति उमेदवार ह्यारिसलाई “कंग्रेसमा सबैभन्दा बढी लिब्रल… र मेरो विचारमा उनी प्रतिस्पर्धाका लागि योग्य नभएको” उल्लेख गरे ।
राष्ट्रपति ट्रम्पले ‘उनीहरु (बाइडेन र ह्यारिस) ले मुलुकलाई ध्वस्त बनाउने’ र ‘मुलुकको अर्थतन्त्रलाई ध्वस्त बनाउने’ बताएका छन् । राष्ट्रपति ट्रम्पले भने, “दुवैजनाले खोपका विषयमा दिएका अभिव्यक्ति फिर्ता लिएर माफी माग्नुपर्छ ।”
राष्ट्रपति ट्रम्पले पत्रकार सम्मेलनकै क्रममा पत्रकारलाई प्रश्न सोध्ने बेला मास्क हटाउनसमेत आग्रह गर्दै अर्को महिना खोप तयार हुने बताएका हुन् । “हामीसँग चाँडै एउटा खोप हुनेछ, सम्भवत: एकदम विशेष मितिभन्दा अघि पनि ।”
राष्ट्रपति ट्रम्पले जनवरीअगाडि ३० करोड डोज भण्डार गर्न चाहेकोसमेत बताएका छन् । खोप विकासको आशामा सयौं बिलियन डलर लगानी गरिएकोसमेत उनले बताए । उनले भने, “सामान्य अवस्थामा वर्षौं लाग्ने खोप यति छोटो समयमै विकास हुँदै छ ।”
अमेरिकाका वरिष्ठ संक्रामक रोग विशेषज्ञ डा. एन्थोनी फाउसीले अक्टुबरमा खोप आउनु त्यति सजिलो नभए पनि ‘असम्भव’ भने नभएको बताएका छन् । खाद्य तथा औषधि प्रशासनका स्टिफन ह्यानले यदि जोखिममुक्त हुन्छ र लाभदायक भए ‘क्लिनिकल परीक्षण’ अघि नै स्वीकृति दिन ‘उचित’ भएको बताएका छन् ।
तर, ह्वाइट हाउस र पाँच शीर्ष औषधि कम्पनीहरूका कार्यकारीहरूले खोपको सुरक्षा र प्रभावकारितामा कुनै सम्झौता नहुने स्पष्ट पारेका छन् ।
एसोसिएटेड प्रेसका अनुसार अमेरिकामा तीनवटा खोपको परीक्षण अन्तिम चरणमा छ । हरेक खोप तीन साताको ‘ग्याप’ मा ३० हजार व्यक्तिहरुलाई लगाइनेछ र कोरोना भाइरस संक्रमणबारे पहिलो सातादेखि दुई वर्षसम्म खोपको ‘साइड इफेक्ट’ बारे निरीक्षण गरिनेछ ।
Comments
अरु समाचार
-
रुसी र चिनियाँ सदाका लागि दाजुभाइ हुन्ः राष्ट्रपति पुटिन
काठमाडौं । रुसी राष्ट्रपति भ्लादिमिर पुटिनले आफ्नो दुई दिने चीन भ्रमणको समापन दिनमा दुई देशबीचको सम्बन्धको उच्च प्रशंसा गर्दै रुसी...
-
भारतमा चट्याङले १२ को मृत्यु
काठमाडौं । भारतको पूर्वी राज्य पश्चिम बङ्गालमा बिहीबार चट्याङ पर्दा कम्तीमा १२ जनाको मृत्यु हुनुका साथै अन्य धेरै घाइते भएको...
-
जनकपुर–जयनगर रेल्वे सेवा तीन दिनसम्म बन्दरहने
जलेश्वर । भङ्गहा–जनकपुर–जयनगर रेल्वे सेवा आउँदो शनिबारदेखि तीन दिनसम्मको लागि बन्द रहने भएको छ ।नेपाल रेल्वे कम्पनी लिमिटेडका प्रबन्ध सञ्चालक...
-
स्लोभाक प्रधानमन्त्री फिकोमाथि भएको आक्रमण कायरतापूर्ण कार्य: प्रधानमन्त्री मोदी
काठमाडौं । भारतका प्रधानमन्त्री नरेन्द्र मोदीले स्लोभाकियाका प्रधानमन्त्री रोबर्ट फिकोमाथि भएको गोली प्रहारलाई ‘कायरतापूर्ण र डरलाग्दो कार्य’ भएको निन्दा गर्दै...
-
रुसी राष्ट्रपति भ्लादिमिर पुटिन चीन भ्रमणमा
काठमाडौं । रुसी राष्ट्रपति भ्लादिमिर पुटिन आफ्नो दुई दिने राजकीय भ्रमणका लागि चीन आइपुग्नुभएको सिएनएनले जनाएको छ । मस्को र...
-
राष्ट्रपति पुटिन चीन भ्रमणमा
काठमाडौं । रुसी राष्ट्रपति भ्लादिमिर पुटिन आफ्नो दुई दिने राजकीय भ्रमणका लागि चीन आइपुग्नुभएको सिएनएनले जनाएको छ । मस्को र...
-
स्लोभाकियाका प्रधानमन्त्रीमाथि गोली प्रहार
काठमाडौं । स्लोभाकियाका प्रधानमन्त्री रोबर्ट फिकोमाथि गोली प्रहार गरिएको छ । बीबीसीका अनुसार प्रधानमन्त्री फिको गाडीमा बस्न जाने बेलामा उनीमाथि...
-
खार्किभ क्षेत्रका केही भागबाट युक्रेनी सेना फिर्ता
काठमाडौं । गत सातादेखि रूसी सेना सीमातर्फ अगाडि बढ्दै बस्तीहरूमा आक्रमण सुरु गरेपछि युक्रेनले पूर्वी खार्किभ क्षेत्रका धेरै गाउँ नजिकै...
-
नोबेल पुरस्कार विजेता साहित्यकार एलिस मुनरोको निधन
काठमाडौं ।नोबेल पुरस्कार विजेता लेखक एलिस मुनरोको निधन भएको छ । कथ्य–शैलीका कारण द क्यानडियन चेखब का रूपमा समेत परिचित...