देशभर कांग्रेसको प्रदर्शन हुँदै, कहाँ–कहाँ सम्बोधन गर्दैछन् मुख्य नेता ?
काठमाडौं । प्रमुख प्रतिपक्ष नेपाली कांग्रेसले आज देशभर सरकारविरुद्ध प्रदर्शन गर्दैछ ।
केन्द्रीय पदाधिकारी बैठकले मुख्य नेताहरुले सम्बोधन गर्ने स्थान तोके पनि केन्द्रीय सदस्यहरु विभिन्न जिल्लाका निमन्त्रणमा त्यहाँ पुगेका छन् । सभापति शेरबहादुर देउवा मकवानपुरको सभालाई सम्बोधन गर्न हेटौँडा पुगेका छन् भने वरिष्ठ नेता रामचन्द्र पौडेलले काठमाडौंको सभालाई शान्ति बाटिकामा सम्बोधन गर्ने कार्यक्रम छ । उपसभापति विमलेन्द्र निधिले भक्तपुरको सभालाई सम्बोधन गर्दैछन् ।
महामन्त्री डा. शशांक कोइराला मोरङको सभालाई सम्बोधन गर्न आइतबार नै विराटनगर पुगेका छन् भने अर्का महामन्त्री पूर्णबहादुर खड्का केन्द्रीय कार्यालयमा बसेर देशभरका कार्यक्रमको जानकारी लिने तथा समन्वय गर्ने भूमिकामा छन् । सहमहामन्त्री डा. प्रकाशशण महत झापाको प्रदर्शनलाई सम्बोधन गर्न आइतबार नै त्यहाँ पुगेका छन् भने राप्रपाबाट आएर सहमहामन्त्री बनेका सुनिलबहादुर थापा आफू निर्वाचन लडेको जिल्ला धनकुटामा सम्बोधन गर्न पुगेका छन् ।
पूर्वमहामन्त्री प्रकाशमान सिंह धनुषाको सभालाई सम्बोधन गर्न आइतबार नै जनकपुर पुगेका छन् भने अर्का पूर्वमहामन्त्री कृष्णप्रसाद सिटौला महोत्तरी जाने कार्यक्रम भए पनि कोरोना संक्रमण पुष्टि भएपछि काठमाडौंमै आराम गरिरहेका छन् । पूर्वउपभापति गोपालमान श्रेष्ठ काभ्रेपलाञ्चोकको सभालाई सम्बोधन गर्न धुलिखेलतर्फ लागेका छन् भने पूर्वसहमामन्त्री अर्जुननरसिंह केसी कास्कीको सभालाई सम्बोधन गर्न पोखरा पुगेका छन् ।
केन्द्रीय सदस्य डाक्टर रामशरण महत चितवनको सभालाई सम्बोधन गर्न भरतपुर पुगेका छन् भने पूर्वकोषाध्यक्ष चित्रलेखा यादवले सप्तरीको सभालाई सम्बोधन गर्दैछन् । यूवा नेता गगन थापा कैलालीको सभालाई सम्बोधन गर्न आइतबार नै धनगढी पुगेका छन् भने अर्का यूवा नेता प्रदीप पौडेलले कञ्चनपुरमा सम्बोधन गर्दैछन् ।
केन्द्रीय सदस्य एनपी साउदले अछाममा सम्बोधन गर्दैछन् भने धनराज गुरुङ गृहजिल्ला स्याङजामै सहभागी हुन लागेका छन् ।
युवा नेता गुरुराज घिमिरेले खोटाङको सभालाई सम्बोधन गर्ने कार्यक्रम छ भने अर्का यूवा नेता कल्याण गुरुङले नवलपरासीमा सम्बोधन गर्दैछन् । केन्द्रका पदाधिकारी र पूर्वपदाधिकारीलाई केन्द्रमार्फत नै जिम्मेवारी तोकिए पनि अधिकांश केन्द्रीय सदस्य जिल्ला कार्यसमितिको निमन्त्रणामा विभिन्न जिल्ला पुगेका छन् ।
Comments
अरु समाचार
-
राष्ट्रिय स्वतन्त्र पार्टीको संसदीय दलको बैठक बस्दै
काठमाडाैँ । राष्ट्रिय स्वतन्त्र पार्टीको संसदीय दलको बैठक बस्दै छ । सिंहदरबारस्थित पार्टीको संसदीय दलको कार्यालयमा बस्ने गरी बैठक बोलाइएको...
-
बर्खे अधिवेशनअघि प्रधानमन्त्रीसहित प्रमुख दलका शीर्ष नेतासित सभामुखको छलफल
काठमाडाैँ । सभामुख देवराज घिमिरले प्रधानमन्त्रीसहित प्रमुख दलका शीर्ष नेताहरूलाई छलफलका लागि बोलाएका छन् । उनले आज बिहान साढे ११...
-
देशलाई अस्थिरताबाट जोगाउन, ठूला दलबीच सहकार्य आवश्यक छ : प्रमुख सचेतक लेखक
कांग्रेस संसदीय दलका प्रमुख सचेतक रमेश लेखकले देश राजनीतिक अस्थिरतामा फसेको बताएका छन्। प्रेस युनियन कञ्चनपुर शाखाले सोमबार बिहान महेन्द्रनगरमा...
-
एमाले भोजपुरको अध्यक्षमा खड्का निर्वाचित
काठमाडाैं। नेकपा एमाले भोजपुरको नयाँ नेतृत्वमा मक्कर खड्काको प्यानलै विजयी भएको छ । भर्खरै सम्पन्न मत परिणाम अनुसार निवर्तमान अध्यक्ष...
-
मुख्यमन्त्री सोडारीलाई विश्वासको मतमा हतार नगर्न ओलीको निर्देशन
काठमाडौं । सुदूरपश्चिम प्रदेशमा नेकपा एकीकृत समाजवादी नेतृत्वको सरकारलाई सत्तारुढ दल नेकपा एमालेले तत्काल विश्वासको मत नदिने भएको छ। एमाले...
-
सन्दीप लामिछानेको मुद्दामा आज सुनुवाइ हुँदै
काठमाडौं : क्रिकेटर सन्दीप लामिछानेको मुद्दामा आइतबार सुनुवाइ हुँदैछ। यसअघि वैशाख १० र १६ गत दुई दिन यो मुद्दा ‘हेर्न नभ्याइने’मा...
-
जनताले ‘पपुलिजम’ स्वीकार्य नभएको सन्देश दिए: महासचिव पोखरेल
काठमाडौं । नेकपा (एमाले)का महासचिव शंकर पोखरेलले विचारधाराको जगमा खडा भएका राजनीतिक दलहरूको विकल्प ‘पपुलिजम’का आधारमा खोज्ने प्रयास इलाममा असफल...
-
उपनिर्वाचनको समीक्षा गर्न रास्वपाको सचिवालय बैठक बस्दै
काठमाडौं । राष्ट्रिय स्वतन्त्र पार्टी (रास्वपा) को सचिवालयको बैठक आज बस्दैछ। उपनिर्वाचनको समीक्षा गर्न मुख्य पार्टी कार्यालयमा साढे ४ बजे...
-
आज विश्व प्रेस स्वतन्त्रता दिवस मनाइँदै, पत्रकार महासंघद्वारा काठमाडौंमा प्रभातफेरी
काठमाडौं । आज ३१ औँ विश्व प्रेस स्वतन्त्रता दिवस, ‘विश्वका लागि प्रेसः वातावरणीय सङ्कटको सामनामा पत्रकारिता’ नाराका साथ प्रेस स्वतन्त्रताको...