जनता उठेपछि सब सेटिङ भत्किन्छन् : प्रचण्ड
काठमाडौँ । नेकपा अध्यक्ष पुष्पकमल दाहाल ‘प्रचण्ड’ ले प्रतिगमनकारीहरूका सबै सेटिङ जनताले भत्काइदिने बताएका छन् ।
प्रतिनिधिसभा विघटनविरुद्ध भइरहेको आन्दोलनबारे जानकारी दिन शुक्रबार ललितपुरमा आयोजित पत्रकार सम्मेलनमा उनले भने, ‘अहिले अदालतमा केस छ, निर्वाचन आयोगमा केस छ । हल्ला पनि छ सेटिङ छ रे भन्ने छ। सबैभन्दा ठूलो सेटिङ जनता हुन् । जनता उठेपछि सव सेटिङ्हरु भत्किन्छन् । कसैलाई लागेको छ सेटिङ् अनुसार फैसला हुने र नेपाली जनताले खुरु खुरु मान्छन् भन्ने त्यो भ्रम हो ।’
प्रचण्डले ढिलो–चाँडो प्रतिगमनविरुद्ध आमजनता सडकमा आउने स्थिति बन्ने दाबी गरे । ‘दुई–चार दिन ढिलो–छिटो हो, जनता आमरूपमा सडकमा आउने स्थिति बन्छ र यो निरंकुशता परास्त हुन्छ । अढाई सय वर्ष पुरानो सामन्ती शासन उल्टाउन सक्ने नेपाली जनता, युद्धलाई शान्तिमा रुपान्तरण गर्न सक्ने जनताले यो तानाशाहीलाई स्वीकार गर्छन् भन्ने लाग्दैन,’ उनले भने ।
प्रचण्डले संविधान मिचेर गरिएको चुनाव पनि असंवैधानिक हुने बताए । ‘संविधान मिचेको मिच्यै गरेर गरिएको चुनाव पनि असंवैधानिक हो । त्यसले समस्याको हल दिँदैन । त्यो भ्रम पनि कसैले नपाले हुन्छ,’ प्रचण्डले भने, ‘प्रतिगमन हुने, असंवैधानिक र अलोकतान्त्रिक हुने अनि त्यसले नै गरेको चुनाव संवैधानिक र लोकतान्त्रिक हुन्छ त ? नेपाली जनताले खुरुखुरु मान्छ त ? मान्दैन ।’
संविधान र लोकतन्त्रको हत्या गर्ने प्रयास ओलीबाट भएको भन्दै त्यसलाई ‘करेक्सन’ नगरेसम्म आन्दोलन जारी रहने प्रचण्डको भनाइ छ । उनले अहिलेको आन्दोलनमा युवा पुस्ता जोडिएको र यो लोकतन्त्र अनि राष्ट्रका लागि सकारात्मक भएको बताए ।
‘कता–कता के–के होलाजस्तो डर लागेको थियो । तर, यो प्रतिगमनपछिको आन्दोलनमा युवा पुस्ता जोडिएको छ । युवाहरू फेरि लोकतन्त्र र राष्ट्रप्रति जागरूक हुने अवस्था बनेको छ । हामी त जीवनको उत्तरार्धतिर छौं,’ दाहालले भने, ‘अहिले हामीले गर्न चाहेको युवाहरूकै लागि हो ।’
अहिलेको आन्दोलन नेकपाभित्र पद पाउनका लागि नभएर लोकतन्त्र र संविधान बचाउन भएको दाबी दाहालले गरे । ‘यो नेकपाभित्र पद पाउने लडाइँ हुन्थ्यो भने यो देशका वेस्ट ब्रेन एक ठाउँ आउने थिएनन् । यो प्रतिगमन नै हो भनेर सबै आन्दोलनमा छन् । यो राम्रो कुरा हो,’ उनले भने ।
अर्को एक प्रसंगमा प्रचण्डले सरकारले नेत्रविक्रम चन्द नेतृत्वको समूहसँग इमानदारीपूर्वक वार्ता गर्न चाहेको भए त्यो सकारात्मक भएको र त्यसको पक्षमा आफूहरू रहेको बताए । तर, वार्ताअघि यही सरकारले लगाएको प्रतिबन्ध हटाउनुपर्ने उनको भनाइ छ ।
Comments
अरु समाचार
-
प्रतिनिधिसभा बैठक दोस्रोपटक सर्यो
काठमाडौं । प्रतिनिधिसभाको बैठक दोस्रोपटक सरेको छ । आज बिहान ११ बजे बस्नेगरी तय भएको बैठक २ बजेका लागि सारिएकामा...
-
राष्ट्रियसभाको बैठक पनि सर्यो
काठमाडौं । दिउँसो १ बजेर १५ मिनेटका लागि तय गरिएको राष्ट्रियसभाको बैठक दुई घण्टाका लागि सारिएको छ । संसद् सचिवालयका...
-
विदेशी हस्तक्षेपको अन्त्य हुनुपर्छ: महासचिव पोख्रेल
काठमाडौं । नेकपा (एमाले)का महासचिव शङ्कर पोख्रेलले विदेशी हस्तक्षेपको अन्त्य हुनुपर्ने बताएका छन् । प्रेस चौतारी दाङले आज तुलसीपुरमा आयोजना...
-
सहकारी ठगी प्रकरणः छानबिन समितिको कार्यादेश टुंगो लगाउन कार्यदलको बैठक बस्दै
काठमाडौं । सहकारी ठगी प्रकरणमा संसदीय छानबिन समितिको कार्यादेश टुंगो लगाउन चार सदस्यीय कार्यदलको बैठक बसिरहेको छ । कानुनमन्त्री पदम...
-
सदन सञ्चालनबारे दलका प्रमुख सचेतकहरुसँग छलफल गर्दै सभामुख
काठमाडौं । सभामुख देवराज घिमिरेले प्रतिनिधिसभाको ११ बजे निर्धारण गरिएको बैठक सञ्चालन गर्न दलका प्रमुख सचेतकहरुसँग छलफल गर्दै छन् ।...
-
सर्वोच्च अदालतले आज वरिष्ठ अधिवक्ताको उपाधि दिँदै
काठमाडौं । सर्वोच्च अदालतले आज वरिष्ठ अधिवक्ताको उपाधि दिँदैछ । बरिष्ठ अधिवक्ता सिफारिस समितिका संयोजक सर्वोच्चका न्यायाधीश प्रकाश राउतको सिफारिसका...
-
सहकारी ठगी प्रकरणको अनुसन्धान गर्न गठित समितिको बैठक बस्दै
६ जेठ, काठमाडौं । सहकारी संस्था ठगीको विषय छानबिन गर्ने संसदीय समितिको कार्यादेश टुंगो लगाउन दलहरु प्रयासमा छन् । त्यसका...
-
राष्ट्रियसभा बैठक बस्दै, प्रतिवेदन तथा अध्यादेश पेस गर्ने कार्यसूची
काठमाडौँ । राष्ट्रियसभा बैठक आज बस्दै छ । बैठक दिउँसो १ बजेर १५ मिनेटमा संसद् भवन नयाँ बानेश्वरमा बस्नेछ ।बैठकमा...
-
प्रतिनिधिसभाको बैठक: राष्ट्रपतिले गरेको सम्बोधनको प्रति टेबल गरिने
काठमाडौं । संघीय संसद अन्तर्गत प्रतिनिधिसभाको बैठक आज बस्दैछ । बैठक बिहान ११ बजे संसद भवन नयाँबानेश्वरमा बस्ने छ ।...