प्रचण्डले पार्टी फुटाएर वामपन्थी इतिहासमा सबैभन्दा ठूलो भूल गरेः मन्त्री थापा
काठमाडाैँ । नेकपा ओलीसमूह निकट पेशागत महासंघ नेपालको हिजो सम्पन्न राष्ट्रिय भेलामा पूर्व माओवादीबाट कित्ताकाट गरी खानेपानी मन्त्री बनेका मणि थापाले नेकपा बिभाजनको दोष आफ्ना पूर्व सुप्रिम कमाण्डर प्रचण्डमाथि लगाएका छन ।
कार्यक्रमलाई अर्थमन्त्री तथा उक्त समूहका महासचिव विष्णु पौडेलले सम्बोधन गर्दै पार्टी विभाजनको दुस्साहस निरर्थक हुने र मूल पार्टी छाडेर गएका साथीहरू बिस्तारै फर्कने धारणा राख्नुभएको थियो । संगठनलाई एकताबद्ध राख्न सहभागी पेशाकर्मी संघ संगठनलाई निर्देशन दिँदै मन्त्री पौडेलले भने ‘पदीय महत्वाकांक्षाले पार्टीभित्र विचलन आएको हो,यसमा सैद्धान्तिक कुरै छैन ।’
उनले प्रतिनिधिसभा विघटनको प्रस्तावलाई सर्वोच्च अदालतले सदर गर्ने विश्वाससमेत व्यक्त गर्दै पेशागत महासंघको हकहित र उचित मांग पूरा गर्न सरकार तयार रहेको बताए । लुम्बिनी प्रदेशका मुख्यमन्त्री शंकर पोखरेलले पार्टीबाट केही महत्वपूर्ण व्यक्ति अलग भएकाले त्यसको असर पार्टी र शुभेच्छुक संघ,संस्थामा परेको स्वीकारे । पार्टी एकता सम्पन्न गर्नेतर्फ पुष्पकमल दाहाल प्रचण्डले कुनै चासो नदेखाएकाले एकताले पूर्णता नपाएको उनको आरोप थियो । पोखरेलले भने ‘प्रचण्ड एकताको बाटो छाडेर समिकरणको बाटोमा लागेकाले आजको राजनीतिक संकट उत्पन्न भएको हो । प्रथम अध्यक्ष र महासचिव आफूहरूसँगै रहेकाले आधिकारिक नेकपा ओली समूह नै हो ।’
कार्यक्रममा खानेपानी मन्त्री मणि थापाले आन्दोलनको नाममा सडकमा पुगेको नेकपाले मुलुकलाई द्वन्द्वतर्फ लैजाने कुचेष्टा गरिरहेको प्रचण्डले बेला बेलामा व्यक्त गरेका धारणाबाट स्पष्ट भएको बताए ।
उनको तर्क थियो ‘पूर्वमाओवादीभित्र मौलाएको प्रवृत्तिलाई प्रचण्डले नेकपाभित्र ल्याउन खोजेपछि अहिलेको अवस्था आएको हो,तत्कालीन माओवादी पार्टीलाई फुटाएर सँधै सत्तामा रमाउँदै आएका प्रचण्डले नेकपालाई पनि टुक्राएका छन् । यो वामपन्थी इतिहासमा सबैभन्दा ठूलो भूल हो ।’ थापाले पार्टी छोडेर बाहिर गएकालाई आफूले गरेको गल्ती स्वीकार गरी मूल नेतृत्वमा आए क्षमा गर्न सकिने धारणा राख्दै भने ‘बाटो बिराएकाहरू मूल पार्टी ओली समूहले नेतृत्व गरेको नेकपामा आउनुहोला ।’
Comments
अरु समाचार
-
प्रतिनिधिसभा बैठक दोस्रोपटक सर्यो
काठमाडौं । प्रतिनिधिसभाको बैठक दोस्रोपटक सरेको छ । आज बिहान ११ बजे बस्नेगरी तय भएको बैठक २ बजेका लागि सारिएकामा...
-
राष्ट्रियसभाको बैठक पनि सर्यो
काठमाडौं । दिउँसो १ बजेर १५ मिनेटका लागि तय गरिएको राष्ट्रियसभाको बैठक दुई घण्टाका लागि सारिएको छ । संसद् सचिवालयका...
-
विदेशी हस्तक्षेपको अन्त्य हुनुपर्छ: महासचिव पोख्रेल
काठमाडौं । नेकपा (एमाले)का महासचिव शङ्कर पोख्रेलले विदेशी हस्तक्षेपको अन्त्य हुनुपर्ने बताएका छन् । प्रेस चौतारी दाङले आज तुलसीपुरमा आयोजना...
-
सहकारी ठगी प्रकरणः छानबिन समितिको कार्यादेश टुंगो लगाउन कार्यदलको बैठक बस्दै
काठमाडौं । सहकारी ठगी प्रकरणमा संसदीय छानबिन समितिको कार्यादेश टुंगो लगाउन चार सदस्यीय कार्यदलको बैठक बसिरहेको छ । कानुनमन्त्री पदम...
-
सदन सञ्चालनबारे दलका प्रमुख सचेतकहरुसँग छलफल गर्दै सभामुख
काठमाडौं । सभामुख देवराज घिमिरेले प्रतिनिधिसभाको ११ बजे निर्धारण गरिएको बैठक सञ्चालन गर्न दलका प्रमुख सचेतकहरुसँग छलफल गर्दै छन् ।...
-
सर्वोच्च अदालतले आज वरिष्ठ अधिवक्ताको उपाधि दिँदै
काठमाडौं । सर्वोच्च अदालतले आज वरिष्ठ अधिवक्ताको उपाधि दिँदैछ । बरिष्ठ अधिवक्ता सिफारिस समितिका संयोजक सर्वोच्चका न्यायाधीश प्रकाश राउतको सिफारिसका...
-
सहकारी ठगी प्रकरणको अनुसन्धान गर्न गठित समितिको बैठक बस्दै
६ जेठ, काठमाडौं । सहकारी संस्था ठगीको विषय छानबिन गर्ने संसदीय समितिको कार्यादेश टुंगो लगाउन दलहरु प्रयासमा छन् । त्यसका...
-
राष्ट्रियसभा बैठक बस्दै, प्रतिवेदन तथा अध्यादेश पेस गर्ने कार्यसूची
काठमाडौँ । राष्ट्रियसभा बैठक आज बस्दै छ । बैठक दिउँसो १ बजेर १५ मिनेटमा संसद् भवन नयाँ बानेश्वरमा बस्नेछ ।बैठकमा...
-
प्रतिनिधिसभाको बैठक: राष्ट्रपतिले गरेको सम्बोधनको प्रति टेबल गरिने
काठमाडौं । संघीय संसद अन्तर्गत प्रतिनिधिसभाको बैठक आज बस्दैछ । बैठक बिहान ११ बजे संसद भवन नयाँबानेश्वरमा बस्ने छ ।...