एमालेमा वार्ताको ढोका उघ्रियो
संवाद थालनी कि विवाद सुरु?
काठमाडौं । सत्तारूढ नेपाल कम्युनिस्ट पार्टी (एमाले) का शीर्ष नेताहरू पार्टीभित्र देखिएको विवाद र समस्यालाई वार्ता र संवादमार्फत समाधान गर्न सहमत भएका छन् ।
प्रधानमन्त्रीसमेत रहेका एमाले अध्यक्ष केपी शर्मा ओली र वरिष्ठ नेता माधवकुमार नेपालबीच लामो समयपछि सोमबार प्रत्यक्ष छलफल भएको छ । उनीहरूको छलफलले वार्ता र संवादको ढोका खुलेकाले छिट्टै सहमति हुने विश्वास नेताले गरेका छन् । यद्यपि सोमबारको छलफलमा दुवै पक्ष आ–आफ्नो अडानमा अडिग रहँदा सहमति भने जुट्न सकेन । अध्यक्ष र वरिष्ठ नेताका साथ वार्तामा खटिएका नेताले भने वार्ता सकारात्मक भएको बताएका छन् ।
संस्थापन पक्षको आग्रह
– बिगत बिर्सिएर मिलेर अघि बढांै
– पार्टीका निर्णयलाई प्रतिष्ठाको विषय नबनाआंै
– पार्टी एकताका लागि राष्ट्रिय भेला रोकौं
– विगतका निर्णयलाई परिमार्जन गर्न सकिने
– ७ चैतको बैठकमा सहभागी बनौं
एमाले केन्द्रीय कार्यालय धुम्बाराहीमा भएको करिब २ घण्टा लामो छलफलमा एमालेको एकता जोगाउने विषयमा छलफल भएको थियो । एकता जोगाएर अघि बढ्न सबै पक्ष सहमत भएका हुन् । छलफलमा प्रधानमन्त्री ओलीले मिलेर अघि बढ्न नेपाल समूहका नेतासँग आग्रह गरे पनि नेपाल समूहले गत २८ फागुनमा अध्यक्ष ओलीले गरेको एकपक्षीय निर्णय खारेज हुनुपर्ने सर्त अघि सारेपछि सहमति जुट्न नसकेको हो ।
परराष्ट्रमन्त्रीसमेत रहेका एमालेका प्रवक्ता प्रदीप ज्ञवालीले नेपाल समूहलाई ४ र ५ चैतमा बोलाएको राष्ट्रिय भेला स्थगित गरेर ७ चैतको केन्द्रीय कमिटी बैठकमा सहभागी हुन आग्रह गरिएको बताए । छलफलमा सहभागी ज्ञवालीले राष्ट्रिय भेला गर्दा झन् दूरी बढ्ने भएकाले त्यस्ता भेला नगर्न आग्रह गरिएको बताउँदै दुवै समूहबीच खुलमखुला छलफल भएको बताए ।
‘छलफलमा एमालेलाई सुदृढ बनाएर कसरी लैजानेबारे साझा अवधारणा बनेको छ । खुलमखुला छलफल भएको छ । अन्तरविरोध छलफलबाटै समाधान गर्दै जानुपर्छ भन्नेमा हामी सहमत छौं,’ प्रवक्ता ज्ञवालीले भने, ‘२८ गतेको बैठकका निर्णय स्थगित गर्न उहाँहरूले आग्रह गर्नुभएको छ । तर, त्यो निर्णय पुनरावलोकन र समीक्षा गर्नुपर्ने भए छलफल गर्दै जाऔं भन्ने हाम्रो भनाइ रह्यो ।’
नेपाल समूहको अडान
– २८ फागुनको निर्णय खारेज गरांै
– खारेज नगरिए राष्ट्रिय भेला जारी रहन्छ
– पार्टीका सबै कमिटी पूर्ववत् अवस्थामा फर्काआंै
– एकताबद्ध भएर अघि बढांै
छलफलमा सहभागी एमाले स्थायी कमिटी सदस्य तथा नेपाल समूहका नेता सुरेन्द्र पाण्डेले सर्वोच्च अदालतले एमाले ब्युँताइदिएकाले त्यहीँबाट पार्टी एकताको प्रस्थानबिन्दु सुरु गर्नुपर्ने बताए ।
‘पार्टी एकताको प्रस्थानबिन्दु सर्वोच्चको फैसलापछिको अवस्थालाई बनाउनुपर्छ । सर्वोच्चले एमाले ब्युँताइदियो । त्यहीँबाट पार्टी एकताको प्रस्थानबिन्दु बनाऔं भनेर हामीले भन्यौं,’ पाण्डेले भने, ‘त्यसमा खासगरी अध्यक्षको सहमति भएन । छलफल सौहार्दपूर्ण वातावरणमा भयो । मीठो ढंगले कुराकानी भयो । रमाइलो ढंगले कुराकानी भयो तर कुरा मिलेन ।’
नेपाल समूहका नेताहरूले अध्यक्ष ओलीलाई २८ फागुनको निर्णय एकलौटी ढंगबाट गरेकाले फिर्ता लिनुपर्ने बताए । तर, ओली समूहले यो निर्णयबाट पछि हट्ने संकेत दिएको छैन । २८ फागुनमा ओली समूहको केन्द्रीय कमिटी बैठकले तत्कालीन नेकपा माओवादी केन्द्रका २३ जनालाई केन्द्रीय सदस्य मनोनित गर्ने, महाधिवेशन मिति तोक्ने, जिम्मेवारी हेरफेर गर्ने निर्णय गरेको थियो ।
तर, नेपाल समूहले सो निर्णय विधानविपरीत रहेको र आफूहरूसँग कुनै सल्लाह नै नगरी एकलौटी भएकाले खारेजको माग गर्दै निर्वाचन आयोगमा पत्रसमेत बुझाइसकेको छ । नेपाल समूहले ४ र ५ चैतमा राष्ट्रिय भेला गर्दै छ भने ओली समूहले ७ चैतमा केन्द्रीय कमिटी बैठक बोलाएको छ ।
एमाले स्रोतका अनुसार ओली र नेपाल समूहबीच छलफलपश्चात् दुवै समूहका केही नेता समझदारी र एकताको खाका कोर्न आन्तरिक गृहकार्यमा जुटेका छन् । सोमबारको छलफलपश्चात् एमाले विवादमा ‘आइसब्रेक’ भएको बताइएको छ ।
प्रधानमन्त्री ओली र नेपालबीच करिब तीन महिनापछि छलफल भएको छ । प्रधानमन्त्री ओलीले ५ पुसमा प्रतिनिधि सभा विघटन गर्ने निर्णय गरेपछि दुवै नेताबीच छलफल भएको थिएन ।
छलफलमा अध्यक्ष ओलीसहित सो समूहका तर्फबाट महासचिव ईश्वर पोखरेल, उपमहासचिव विष्णुप्रसाद पौडेल, सचिव प्रदीपकुमार ज्ञवाली र संसदीय दलका उपनेता सुवास नेम्वाङ सहभागी भएका थिए । यस्तै, नेपाल समूहबाट नेपालसहित उपाध्यक्ष भीम रावल, उपमहासचिव घनश्याम भुषाल, सचिव गोकर्ण विष्ट, स्थायी कमिटीका सदस्य सुरेन्द्र पाण्डे, रघुजी पन्तलगायतको सहभागिता थियो ।
Comments
अरु समाचार
-
पूर्वडीआईजी छविलाई रास्वपाका नेताहरूको जिम्मामा छाडियो
पोखरा । अदालतको आदेशपछि धरौटीमा रिहा भएका गोर्खा मिडियाका पूर्वसञ्चालक, पूर्वडीआईजी छविलाल जोशीलाई पनि राष्ट्रिय स्वतन्त्र पार्टी (रास्वपा)का नेताहरूको जिम्मामा...
-
रिहा भए रवि लामिछाने, काठमाडौं अदालतमा आफैँ उपस्थित हुने
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने कास्की प्रहरी हिरासतबाट ८४ दिनपछि धरौटीमा रिहा भएका छन् ।...
-
शैक्षिक क्षेत्रलाई दलीय प्रभावबाट मुक्त गर्ने प्रयासमा छु : मन्त्री भट्टराई
काठमाडौं । शिक्षा, विज्ञान तथा प्रविधिमन्त्री विद्या भट्टराईले शिक्षा क्षेत्रलाई राजनीतिक दलको प्रभावबाट मुक्त गर्ने प्रयासमा आफू लागेको बताएकी छन्...
-
उत्तरी सिरियामा टर्कीए र कुर्दिश सेनाबीच झडप, ३७ जनाको मृत्यु
काठमाडौं । सिरियाको उत्तरी मानबिज क्षेत्रमा बिहीबार टर्कीए समर्थित समूह र कुर्द नेतृत्वको सेनाबीच भएको भिडन्तमा ३७ जनाको मृत्यु भएको...
-
सहकारी ठगी मुद्दामा थुनछेक बहस सकियो, आजै आदेश आउन सक्ने
काठमाडौं । सूर्यदर्शन सहकारी ठगी मुद्दामा राष्ट्रिय स्वतन्त्र पार्टी (रास्वपा)का सभापति रवि लामिछानेसहितका प्रतिवादीको थुनछेक बहस सकिएको छ । अदालत...
-
आर्थिक कूटनीतिलाई प्राथमिकतामा राखेर काम गर्ने परराष्ट्र सचिवको प्रतिबद्धता
काठमाडौं । कायममुकायम परराष्ट्र सचिव अमृतबहादुर राईले २६ औँ परराष्ट्र सचिवका रूपमा बुधबार अपराह्नदेखि परराष्ट्र मन्त्रालयको जिम्मेवारी सम्हाहेका छन् ।...
-
कोशी प्रदेश सरकारले आगामी वैशाखमा लगानी सम्मेलन गर्ने
काठमाडौं । कोशी प्रदेश सरकारको आज बसेको मन्त्रिपरिषद् बैठकले प्रदेश लगानी सम्मेलन आगामी वैशाखमा गर्ने निर्णय गरेको छ । मुख्यमन्त्री...
-
गैँडाको खाग र लागु औषधसहित भारतीय नागरिक पक्राउ
काठमाडौं । नेपाल भारत सीमास्थित मेचीनगर नगरपालिका काँकडभिट्टाबाट प्रहरीले गैँडाको खाग र लागू औषधसहित एक भारतीय नागरिकलाई पक्राउ गरेको छ...
-
रवि लामिछाने जोडिएको मुद्दामा आज सरकारी वकिलले जवाफी बहस गर्ने
काठमाडौं । पोखराको सूर्यदर्शन सहकारीको बचत रकम अपचलन मुद्दाका आरोपी राष्ट्रिय स्वतन्त्र पार्टी (रास्वपा) सभापति एवं पूर्वउपप्रधान तथा गृहमन्त्री रवि...