ताजा समाचार

एमाले स्थायी कमिटी बैठक बस्ने समय सारेको सार्‍यै, अब भोलि

राजनीति
- न्युज नेपाल
       

काठमाडाै । नेकपा एमालेको स्थायी कमिटी बैठक दोस्रोपटक स्थगन गरिएको छ।

हिजै (आइतबार) बस्ने भनिएको एमाले स्थायी कमिटी बैठक अन्तिममा तयारी नपुगेको भन्दै आज बिहान १० बजेका लागि सारिएको थियो।

तर आज पनि बैठक नबस्ने भएको र अब भोलि ११ बजेका लागि समय सारिएको एमाले कार्यालय सचिव शेरबहादुर तामाङले  जानकारी दिए। तर उनले कारण बताइसकेका छैनन्।

अध्यक्ष ओलीले स्पष्टीकरण माग गर्दै पत्र पठाए पनि कुनै जवाफ नफर्काएका घनश्याम भुसालसहित थप १२ नेतालाई कारबाही गर्ने चर्चाबीच एमालेको स्थायी कमिटीको बैठक बस्ने मिति तोक्दै सार्दै गरिएको हो।

यसअघि ओलीले माधव नेपाल, झलनाथ खनाल, भीम रावलसहित ११ नेतालाई साधारण सदस्यसमेत नरहने गरी एमालेबाट निष्कासन गरिसकेका छन्।

Comments

प्रकाशित मिति : 2021-05-31

अरु समाचार

© NewsNepal 2018 - All Right Reserved.
newsnepal.com 2017.hlon.org