कम्यून भिलेजको बारेमा पूर्वमन्त्री पुनद्धारा छलफल
रुकुम –पूर्व । को सिस्ने गाउँपलिका वडा नम्बर २ स्थित छिपखोलामा नमुना बस्ति विकास (कम्यून भिलेज) को बारेमा छलफल गरिएको छ । पूर्व मन्त्रिसमेत रहनुभएका नेकपा माओवादी केन्द्रका नेता गनेशमान पुनले छिपखोलाका नागरिकसँग कम्यून भिलेजको बारेमा छलफल तथा अन्तरक्रिया गर्नुभएको हो ।
नेता पुनकै कन्सेप्टमा छिपखोलामा कम्यून भिलेजको अवधारणालाई अगाडि बढाउन लागिएको छ । यसको मास्टर पलान यसअघि नै निर्माण गरिसकिएको छ । सो पलानलाई पूर्णता दिनको लागि जयबहादुर पुनको अध्यक्षतामा १७ सदस्यीय समिति पनि निर्माण गरिएको छ । जसको सचिवमा नरहरी पुन रहनुभएको छ । मास्टर पलानमा कम्यून भिलेजका विभिन्न पक्षहरुलाई समेटीएको छ । ती पक्षहरुलाई गहिरो रुपमा अध्यन गर्ने र त्यसलाई पूर्णता दिने काम समितिले गर्ने गाउँपालिकाका प्रवक्ता एवम् वडा नम्बर २ का वडाध्यक्ष जिवन केसीले जानकारी दिनुभयो ।
उहाँकाअनुसार कम्यून भिलेजमा युद्ध पर्यटनसँग जोडिएको जनकम्यून चलेको, जनवादी विद्यालय सञ्चालन भएको र जनसत्ताले निर्माण गरेको विद्युत आयोजना भएको र एउटै गाउँबाट ६ जना सहिद भएको लगाएतका कुराहरुलाई समेटेर मीनी संग्राहलय बनाउने योजना रहेको छ । यस्तै शैक्षिक क्षेत्र र स्वास्थ्य क्षेत्रको सुधार, उत्पादनलाई अभियानको रुपमा अगाडि बढाउने, संस्कार, सस्कृतिको संरक्षण, सामाजिक मुल्य मान्यता, स्थानीय स्रोत साधनको व्यवस्थापन तथा प्रयोगलगाएतका पक्ष तथा विषयहरु प्याकेजमा रहेको वडाध्यक्ष केसीले बताउनुभयो ।
यी सबै विषयहरुमा नयाँ गठित समितिले अध्यन गरेर अन्तिम रुप दिने छ । नमुना बस्ति विकास (कम्यून भिलेज) को लागि सिस्ने गाउँपालिकाले चालु आर्थिक वर्षमै डिपिआर गर्न लागेको छ । आवश्यक संरचना निर्माणको लागि भने तीन तहकै सरकारसँग बजेटको पहल गर्ने बताइएको छ । छिपखोलामा कम्यून भिलेजको काम योजनाअनुसार भएमा सो क्षेत्र सबैको लागि पर्यटकिय गन्तव्य बन्नुका साथै जनयुद्धको बेलामा भएका अभ्यासलाई अध्यन गर्ने थलो बन्ने र जनताको जिवनस्तार पनि बदलिने वडाध्यक्ष केसीले बताउनुभयो ।
नेता पुनले छिपखोलामा पार्टी निर्माण सम्बन्धिको छलफल पनि गर्नुभएको छ । पार्टीको सेल, टोल कमिटी निर्माण, सदस्यता नविकरण, जनवर्गिय संगठन निर्माणसँगसँगै विकास निर्माणको विषयमा पनि पार्टीका कार्यकर्ता र आम नागरिकसँग नेता पुनले छलफल तथा अन्तरक्रिया गर्नुभएको छ ।
Comments
अरु समाचार
-
लुम्बिनीको मुख्यमन्त्रीमा महराको दाबी, प्रदेश प्रमुखलाई बुझाए बहुमत सदस्यको हस्ताक्षर
काठमाडौं । लुम्बिनी प्रदेशमा मुख्यमन्त्रीको दाबी गर्दै माओवादी संसदीय दलका नेता जोखबहादुर महराले बहुमत सदस्यको हस्ताक्षर प्रदेश प्रमुखको कार्यलयमा बुझाएका...
-
कोशी, बागमती र गण्डकी प्रदेशको केही पहाडी भूभागमा हल्का वर्षा
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु तथा स्थानीय वायुको प्रभाव रहेको जनाएको...
-
उच्च पहाडी तथा हिमाली भूभागका धेरै स्थानमा हल्का वर्षा र हिमपात
काठमाडौँ । जल तथा मौसम विज्ञान मौसम पूर्वानुमान महाशाखाले ।हाल नेपालमा पश्चिमी वायुको सामान्य प्रभाव रहेको जनाएको छ। महाशाखाका अनुसार...
-
केही प्रदेशका पहाडी भूभागमा आंशिक बदली हुने
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायुको आंशिक प्रभाव रहेको जनाएको छ ।महाशाखाका...
-
केही पहाडी भूभागमा सामान्य बदली, अन्यमा मौसम सफा
काठमाडौँ ,। जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय प्रणालीको आंशिक प्रभाव रहेको जनाएको...
-
भोलिदेखि सुरु हुने दादुरा-रुवेलाविरुद्धको खोप सुरक्षित र प्रभावकारी भएको दाबी
काठमाडौँ । आइतवारदेखि सुरु हुने दादुरा–रुवेलाविरुद्धको खोप प्रभावकारी रहेको बताइएको छ । स्वास्थ्य सेवा विभाग परिवार कल्याण महाशाखाले खोप सुरक्षित...
-
नेपालमा पश्चिमी न्यून चापीय प्रणालीको प्रभाव,आंशिकदेखि साधरणतया बदली
काठमाडौँ । हाल नेपालमा पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ। जसको प्रभावले देशभर मौसममा आंशिकदेखि...
-
दादुरा–रुवेलाविरुद्धको खोप अभियान २५ दिनसम्म सञ्चालन हुने
काठमाडौँ । सरकारले देशभरि दादुरा–रुवेलाको सङ्क्रमणको जोखिमलाई मध्यनजर गर्दै यही फागुन १३ गतेदेखि चैत ७ गतेसम्म खोप अभियान सञ्चालन गर्दैछ...
-
चिराइतो मूल्य बढ्दो, उत्पादन घढ्दो
काठमाडौं । पछिल्लो समयमा चिराइतोको बजार मूल्य क्रमिक रुपमा बढ्दै गएको छ । तर उत्पादन भने घढ्दै गएको छ ।...