ताजा समाचार

सवारी दुर्घटनामा बालकको मृत्यु

समाचार
- न्युज नेपाल
       

काठमाडौं । ताप्लेजुङमा भएको सवारी दुर्घटनामा परी पाँच वर्षीय बालकको मृत्यु भएको छ । आज बिहान भएको मे १ च ७३५३ नं को स्कर्पियो दुर्घटनामा परी फुङलिङ नगरपालिका–६ का सागर गुरुङका पाँच वर्षीय छोरा अंशुमन गुरुङको मृत्यु भएको ताप्लेजुङ प्रहरी प्रमुख तथा प्रहरी नायब उपरीक्षक राजन गुरुङले जानकारी दिनुभयो ।

सवारी चालक फुङलिङ–६ का कृष्णमान गुरुङ भने घाइते हुनुभएको छ । उहाँको अहिले जिल्ला अस्पताल ताप्लेजुङमा उपचार भइरहेको प्रहरी प्रमुख गुरुङले बताउनुभयो । दुर्घटनामा घाइते हुनुभएका अंशुमानलाई जिल्ला अस्पताल पुर्याउनासाथ स्वास्थ्यकर्मीले मृत घोषणा गरेका थिए । गाडी अनियन्त्रित भई पल्टिएको हुनसक्ने अनुमान गरिएको प्रहरीले जनाएको छ ।

Comments

प्रकाशित मिति : 2023-05-25

अरु समाचार

© NewsNepal 2018 - All Right Reserved.
newsnepal.com 2017.hlon.org