प्रचण्डका ज्वाइँले फेरि मन्त्री दाबी गरेपछि मुख्यमन्त्रीको शपथै सर्यो
काठमाडाैँ । कोशी प्रदेशमा नेकपा माओवादी केन्द्रका कारण मंगलबार मुख्यमन्त्रीमा नियुक्त उद्धव थापाको शपथ सरेको छ।
बुधबार बिहान साढे १० बजे शपथ खुवाउने गरी प्रदेश प्रमुखको कार्यालयले तयारी गरिरहँदा गठबन्धन दलहरुले समय सार्न आग्रह गरेका हुन्।
नवनियुक्त मुख्यमन्त्री उद्धव थापाका अनुसार शपथ समय सारेर साँझ ५ बजेका लागि नयाँ समय तोकिएको छ।
गठबन्धनलाई बहुमत (४७) पुर्याउन मंगलबार सभामुख पदबाट राजीनामा दिएका बाबुराम गौतमलाई मन्त्री बनाउने तयारी माओवादीले गरेको थियो।
माओवादी केन्द्रका अध्यक्ष एवम् प्रधानमन्त्री पुष्पकमल दाहाल प्रचण्डले पनि गौतमलाई मंगलबार बालुवाटारमा बोलाएर मन्त्री बनाइदिने आश्वासनसहित सभामुखबाट राजीनामा दिन भनेका थिए।
पार्टी नेतृत्व र प्रदेश १ संसदीय दलका नेता इन्द्र आङ्बोले समेत मन्त्री बनाउने आश्वासन दिएपछि गौतमले सभामुखबाट राजीनामा दिएर उद्धव थापालाई मुख्यमन्त्रीका लागि बहुमत जुटाइदिएका थिए।
सभामुख त्यागेका गौतमलाई मन्त्री बनाउने सहमति भइसकेको अवस्थमा माओवादीभित्र विवाद देखिएको छ।
माओवादी प्रदेश १ का एकजना सांसदका अनुसार सभामुख त्यागेलगत्तै मन्त्री बनाउँदा नराम्रो सन्देश जाने भएकाले केही समय होल्ड गर्न गौतमलाई भनिएको छ।
तर गौतम भने तत्कालै मन्त्री बन्न तयार भइसकेका छन्। ‘मंगलबार मात्रै सभामुखबाट राजीनामा दिएकाले तत्कालै मन्त्री बनाउँदा पदलोलुपको आरोप लाग्न सक्छ’, ती माओवादी सांसदले भने, ‘त्यसैले अहिले गौतमलाई साता दश दिनसम्म होल्ड गराउने रणनीतिअनुसार संसदीय दलमा छलफल भइरहेको छ।’
यसअघि असार २१ मा थापा मुख्यमन्त्री बन्दा क्याबिनेटमा अटाएका जीवन आचार्यले पनि यस पटक आफू मन्त्री हुनुपर्ने अडान लिएका छन्।
माओवादी अध्यक्ष प्रचण्डका ज्वाइँसमेत रहेका आचार्य यसअघि एमाले नेता हिक्मत कार्कीको ६ महिने कार्यकालमा पनि मन्त्री भएका थिए।
माओवादीमा तत्कालै मन्त्री हुने इच्छा देखाइरहेका सांसदहरुको संख्या झन्डै आधा दर्जन छ। माओवादीमा प्रदेश सभा सदस्यहरु गीता तिम्सिना, नारायण बुर्जा मगर, जीवन आचार्य, दुर्गा चाापाईं, राजेन्द्र कार्की र गणेश उप्रेती सुशील पनि मन्त्रीको दौडमा छन्।
आचार्य र कार्की यसअघि खारेजीमा परेको थापा मन्त्रीमण्डलका सदस्य पनि हुन्। प्रचण्डका कान्छा ज्वाइँसमेत रहेका आचार्यको दाबेदारी अझै बलियो छ।
उनले दाबी गरेपछि माओवादीभित्र नेता व्यवस्थापनबारे कुरा भइरहेको छ। जसअनुसार पछिल्लो पटक गौतमलाई नै बुधबार मन्त्रीको शपथ दिलाउने तयारी छ। तर उनी विनाविभागीय मन्त्री हुनेछन्।
उता आचार्यले भने बुधबार नै मन्त्रीको शपथ लिने छैनन्। उनलाई केही सातापछि मन्त्री बनाएर आर्थिक मामिला मन्त्रालय जिम्मा दिने गरी छलफल भइरहेको छ।
Comments
अरु समाचार
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...