युवा विदेशिने क्रम अस्वभाविक रुपमा वृद्धीः १९ महिनामै बाहिरिए झण्डै १३ लाख
काठमाडौं । विदेशिने युवाको संङ्ख्या अस्वभाविक रुपमा दिनप्रतिदिन बढ्दै गएको छ ।
स्वदेशमा अवसरको कमी भएको भन्दै विदेश पलायन हुने नेपाली युवाहरुको सङ्ख्या बढ्दो छ । मुलत शिक्षा र रोजगारीका लागि युवा बाहिरिने गरेका छन् ।
त्रिभुवन अन्तर्राष्ट्रिय विमानस्थलमा हरेक दिन विदेश जाने हजारौ युवाहरूको लर्को हुन्छ । अध्ययन, रोजगारी होस् वा भिजिट भिसाको नाममा उतै हराउने होस्, जसरी भएपनि विदेश जाने मनोविज्ञान बढिरहेको छ ।
सन् २०२२ जनवरी यता अर्थात् १९ महिनामा कुल विदेश जाने नेपालीहरूको सङ्ख्या २३ लाख ६७ हजार ५७८ रहेको अध्यागमन विभागको तथ्याङ्कमा देखिएको छ । यो क्रम कोभिड महामारीपछि झनै बढ्ने क्रममा रहेको अध्यागमन विभागका प्रवक्ता खिमराज भुषाल बताएका छन् ।
अधिकांश विद्यार्थीहरु प्लस–टु सकेपछि जसरी पनि विदेश जाने भन्ने मनोविज्ञान पालेर हुर्किरहेका छन् । कक्षा १२ को परीक्षा सकिदा नसकिँदै ‘कन्सल्टेन्सी’ धाउने विद्यार्थीको चाङ बढ्दो छ । साथै, स्नातक तहको अध्ययन नेपालमै गरे पनि पुनः विद्यार्थी भिसामा विदेशकै यात्रा तय गर्ने धेरैको लक्ष्य रहेको देखिन्छ ।
अर्कोतर्फ रोजगारीका लागि पनि युवाहरूको लक्ष्य विदेश नै रहेको देखिन्छ भने विभिन्न पेशा, व्यवसाय र जागिरमा लागेकाहरू पनि नेपालमा भविष्य नभएको भन्दै विदेश जाने क्रम बढ्दो छ । अध्यागमन विभागका प्रवक्ता भुषालका अनुसार यहाँबाट सबैभन्दा बढी रोजगारीका लागि विदेश जाने गरेका छन् । जनवरी २०२२ यता मात्रै रोजगारीका लागि विदेश जानेको सङ्ख्या १३ लाख १ सय २४ रहेको छ ।
अध्ययन तथा भ्रमणका लागि जानेको सङ्ख्या पनि उत्तिकै छ । तथ्याङ्कअनुसार अध्ययनका लागि विदेश जानेको सङ्ख्या जनवरी २०२२ यता १ लाख ५८ हजार ८ सय ५५ रहेको छ । यस्तै, भ्रमणका लागि विदेश जानेको सङ्ख्या २ लाख ९३ हजार ९ सय ४८ रहेको छ । यस्तै अन्य प्रायोजनमा जानेको सङ्ख्या पनि पछिल्लो समय बढ्दो क्रममा देखिन्छ ।
विभागका प्रवक्ताका अनुसार वैदेशिक रोजगारीको लागि नेपालीहरू धेरैजसो खाडी मुलुक जाने गरेको छन् भने अध्ययन प्रयोजनमा जानेहरू युरोप, अमेरिका, अस्ट्रेलिया, क्यानडा जस्ता देशहरुमा जाने गरेका छन् ।अध्यागमन विभागको तथ्याङ्कअनुसार गन्तव्यका आधारमा सबैभन्दा बढी नेपाली यूएई गएका छन् । २०२२ जनवरी यताको तथ्याङ्कअनुसार यूएई मात्र जानेको सङ्ख्या ३ लाख ९४ हजार ३ सय २० रहेको छ ।
दोस्रो गन्तव्यका रूपमा मलेसिया रहेको छ । सोही अवधिमा मलेसिया जानेको सङ्ख्या ३ लाख ९ हजार ६४ रहेको छ । यसैगरी, तेस्रो गन्तव्यमा कतार रहेका छ, जहाँ २ लाख ९२ हजार ६१ जना नेपाली २०२२ यता गएका छन् ।
यसैगरी, साउदी अरेविया, भारत, अष्ट्रेलिया, जापान, अमेरिका, कुवेत, बेलायत, दक्षिण कोरिया, थाइल्याण्ड, क्यानडा, हङकङ, रोमानिया, बहराइन, पोर्चुगल, ओमान लगायतका देश पनि नेपालीहरूका लागि प्रमुख गन्तव्य मुलुक रहेका छन् । यसरि दिनप्रतिदिन भइरहेको युवा पलायन रोक्न नसके राज्यले ठुलो लगानी गुमाउनुका साथै हरेक क्षेत्रमा दक्ष जनशक्तिको अभाव झेल्नु पर्ने हुन्छ ।
Comments
अरु समाचार
-
सहमतिमा करणी ठहर, तिनै बाबाको निवासमा महिला डेपुटी गभर्नर
काठमाडौं । राष्ट्र बैंककी डेपुटी गभर्नर निलम ढुंगाना तिम्सिना दुई साताअघि ‘एक पन्थ दो काज’ को शैलीमा सुनसरीको चतराधाम पुगिन्...
-
काठमाडौँमा आजदेखि ‘ट्राफिक सचेतना विशेष अभियान’ सुरु
काठमाडौं । सभ्य सडक संस्कारका माध्यमबाट सवारी दुर्घटना न्यूनीकरण गर्ने उद्देश्यले काठमाडौं उपत्यका ट्राफिक प्रहरी कार्यालयले आजदेखि ‘ट्राफिक सचेतना विशेष...
-
जात, समुदाय लक्षित सामग्री सामाजिक सञ्जालमा नराख्न प्रहरीको आग्रह
काठमाडौं । सम्प्रदायबीचको सम्बन्धमा असर पार्ने किसिमका सामग्रीहरू सामाजिक सञ्जालमा नराख्न नेपाल प्रहरीको साइबर व्यूरोले अनुरोध गरेको छ । शुक्रबार...
-
डोल्पामा डढेलो निभाउने क्रममा घाइते भएका तीन सैनिकको मृत्यु
काठमाडौं । डोल्पाको ठूलीभेरी नगरपालिका–४ मष्टा सामुदायिक वनमा आगो निभाउने क्रममा घाइते भएका चार जना सैनिकमध्ये तीन जनाको ज्यान गएको...
-
कोशी, गण्डकी, कर्णाली र सुदूरपश्चिम प्रदेशका पहाडी भागमा वर्षा
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायु र स्थानीय वायुको आंशिक प्रभाव रहेको...
-
सशस्त्र प्रहरीको गोदाममा भएको आगलागीको घटना छानबिन गर्न समिति गठन
काठमाडौं । सशस्त्र प्रहरीको बलम्बुस्थित केन्द्रीय गोदामघरमा सोमबार आगलागी भएको छ । सशस्त्र प्रहरी प्रधान कार्यालय र सशस्त्र प्रहरी अस्पतालको...
-
उपत्यकाबाट आठ महिनामा एक हजार ८४७ मोटरसाइकल चोरी
काठमडौं । चालु आर्थिक वर्षको हालसम्म काठमाडौँ उपत्यकाबाट एक हजार आठ सय ४७ वटा मोटरसाइकल चोरी भएको प्रहरीको तथ्याङ्कले देखाएको...
-
खोटाङका एघार ठाउँमा बृहत् स्वास्थ्य शिविर
काठमाडौं । बेलायतस्थित खोटाङ सेवा समाजले स्वास्थ्य सेवामा पहुँच नभएका जिल्लावासीलाई लक्ष्यित गरेर बृहत् स्वास्थ्य शिविर सञ्चालन गरेको छ ।...
-
दिल्ली जान लागेका दुई तिब्बतीमूलका सहित तीन यात्रुको साथबाट हजारौं डलर बरामद
काठमाडौं । काठमाडौंबाट नयाँ दिल्लीतर्फ जान लागेका तीन जना यात्रुको साथबाट प्रहरीले हजारौं अमेरिकी र क्यानडेली डलरका साथै भारतीय रुपैयाँ...