एसिया कपः ऐतिहासिक खेलमा सुखद नतिजा निकाल्न कडा अभ्यासमा नेपाली टाेली (फाेटाे फिचर)

समाचार

- न्युज नेपाल

काठमाडाैँ । श्रीलङ्कामा जारी एसिया कप क्रिकेट प्रतियोगितामा नेपालले आफ्नो क्रिकेट इतिहासमा पहिलोपटक आज भारतसँग प्रतिस्पर्धा गर्दैछ ।

भारतसँगकाे ऐतिहासिक खेलमा सुखद नतिजा हात पार्न खेलाडीहरू आज बिहानैदेखि अभ्यास गरिरहका हुन् ।
श्रीलङ्काको पालेकेले इन्टरनेशल क्रिकेट रङ्गशालामा हुने समूह ए अन्तर्गतको खेलमा नेपाल र भारतबीच खेल दिउँसो नेपाली समयअनुसार ३ः१५ बजे हुनेछ । नेपाली टोलीका कप्तान रोहित पौडेल र भारती टोलीका कप्तान रोहित शर्माबीच दिउँसो २ः४५ बजे टस हुनेछ । जुन नेपाल र नेपालीको लागि महत्वपूर्ण ऐतिहासिक क्षण बन्नेछ ।

नेपाल र भारतबीचको खेलको हरेक क्षण नेपालका लागि महत्वपूर्ण रहनेछ । प्रतियाेगितामा अगाडि बढ्न नेपाललाई आजकाे खेल जित्नै पर्ने दबाब छ । यदि वर्षा बाधक बनेर खेल रद्द भएमा भने नेपाल प्रतियाेगिताबाट बाहिरिने छ । भारत सुपर फाेरमा प्रवेश गर्नेछ । समूह एबाट पाकिस्तान सुपर फाेरमा प्रवेश गरिसकेकाे छ ।

भारतसँगको ऐतिहासिक खेलअघि नेपाली क्रिकेट टोलीका प्रशिक्षक मोन्टी देसाईले आफ्नो टोलीको सपना साकार हुन गइरहेको बताएका छन् । ‘नेपाली क्रिकेटको हरेक पुस्ताको सपना थियो कि एक दिन ठूला देशसँग खेल्ने…। आज यो सपना साकार हुँदैछ’, देसाईले भनेका छन् ।