राजस्व अनुसन्धान विभागको सकृयता बढ्यो, राजस्व छलीका मालवाहक कन्टेनर र गाडीको विभागमा लाइन
राजस्व अनुसन्धान विभागको पछिल्लो क्रियाकलापले देशभरका राजस्व छल्ने र चुहावट गर्ने उद्योगी व्यवसायी त्रसित
काठमाडौं । राजस्व अनुसन्धान विभाग हरिहर भवन परिसरमा अहिले राजस्व छलि र चुहावट गरेका मालवाहक कन्टेनर र गाडीले भरिभराउ रहेका छन । विभिन्न भन्सार बिन्दुहरूबाट भन्सार क्लियर गरेर ल्याइएका मालवाहक सवारी साधनहरूमा राजस्व कमतिरि,कम सामानको भन्सार तिरी बढी सामान ल्याएको आशंका र सुराकीको आधारमा मालवाहक सवारी साधन र सामान समाति विभागले परीक्षण गरिरहेको छ। विभागको यही सकृयताका कारण अहिले विभाग परिसर मालवाहक कन्टेनर र गाडीहरूले भरिभराउ भएको छ ।
विभिन्न भन्सार बिन्दुहरूबाट भन्सार मूल्यांकन र राजस्व छलीको आशंकामा प्रहरी र राजस्व अनुसन्धान विभागको स्वयम् गस्तीले ल्याएका मालवाहक कन्टेनर तथा गाडीहरू राजस्व अनुसन्धान विभागको परिसरमा मात्रै होइन परिसर बाहिरसमेत गाडीको लाइन देख्न सकिन्छ ।
माँ दुर्गा ट्रान्सपोर्ट कम्पनीले ल्याएका आधा दर्जन मालवाहक गाडीहरू राजस्व अनुसन्धान विभाग परिसरमा रहेका छन् । विशाल ग्रुप अन्तरगतका सिस्टर कम्पनीले राजस्व छलेर ल्याएको आशंका गरिएका आलु, चिप्स र कुरकुरेलगायतका वस्तुहरू लोडगरिएका आधा दर्जन मालवाहक गाडी पनि राजस्व अनुसन्धान विभाग भित्र रहेका छन् । यसैगरी एनएसजी ट्रेडिङ प्रा.लि.ले ल्याएको कन्टेनर विगत केही दिनदेखि राजस्व अनुसन्धान परिसरमा रहेको छ । राजस्व अनुसन्धान विभागले गाडीबाट मालवस्तु झारेर राजस्व चुहावट र छलि नभएको सम्बन्धमा छानवीन अनुसन्धान गरिरहेको छ। यसमा विभागको सकृयता बढेको देख्न सकिन्छ ।
वर्षाको समयमा सडक बिग्रिने र मालवस्तु भनेका बेलामा ल्याउन नसकिने हुँदा व्यापारीहरूले असार,साउन र भदौ महिनालाई पुग्ने सामान जेठ-असारमै मगाउने र गोदाममा स्टक गरि राख्ने गर्छन। यही बेला भन्सारका कर्मचारीले बदमासी गरि राजस्व बिचलन गरि सामान छाडदा अर्बौं राजस्व चुहावट र छलि हुन पुग्दछ। त्यसैले विभागले यो बेला राजस्व चुहावटको आशंका गरिएका मालवाहक गाडीहरू नियन्त्रणमा लिएर विभाग परिसर लगि सामान अनलोड गरि छानवीन र अनुसन्धान गर्दै आएको छ। तर राजस्व छलिमा संम्लग्न व्यापारीहरूले भने यसरी वर्षादको बेलामा सामान अनलोड-लोड गर्दा सामानहरू भिज्ने, टुटफुट हुने , ड्राइभर र सहचालकहरूलाई अतिरिक्त भत्ता र खानपानको व्यवस्था गर्नुपर्ने, मालवाहक गाडीरकन्टेनरको हरेक दिनको डिटेन्सन चार्ज तिर्नुपर्नाले आफूहरू हैरानीमा परेको गुनासो गर्दै आएका छन् । तर यसरी समातिएका सामानमा भन्सार दर,भन्सार मुल्यांकन, परिणाम, उत्पत्तिको देश, मूल्य र सामानको स्वघोषणा फरक पाइएको छ।
राजस्व अनुसन्धान विभागमा ल्याइएका मालवहाक गाडीहरू छिटो छाडिने गरिएका छन् । मालवाहक गाडी रकन्टेनरहरू विभिन्न ट्रान्सपोर्ट कम्पनीहरूले ल्याएपनि ती कन्टेनरमा आएको समानहरूको वास्तविक मालिकलाई राजस्व अनुसन्धान विभागले झिकाउन लगाउने हुनाले समयमा मालवस्तुका धनी आइनपुगे सामानको छानवीन गर्न समय लाग्ने नत्र छिटो नै छानवीन अनुसन्धान हुने विभाग स्रोतले बताएको छ ।
पछिल्लो समय राजस्व अनुसन्धान विभाग, प्रहरी र अन्य संयन्त्रबाट मालवाहक गाडी कन्टेनरहरू अत्यधिक संख्यामा समातिने गरेका छन । समाचार स्रोतका अनुसार राजस्व अनुसन्धान विभागले हरेक मालवाहक गाडी रकन्टेनरहरूबाट राजस्व छलेको र चुहावट गरेको प्रमाण भेटाएको छ । यस्ता फर्म वा कम्पनीलाई विभागले धरौटी रकम लिई मुद्दा चलाएर मालवस्तु र गाडी छाडि दिने गरेको छ।
विभागका महानिर्देशक चक्र बहादुर बुढाले अनुसन्धान शाखाहरूमा कार्यरत निर्देशकहरू, शाखाहरूमा कार्यरत कर्मचारीहरू र विभाग अन्तर्गतका चारवटा कार्यालयमा कार्यरत प्रमुख र कर्मचारीहरूलाई विश्वासमा लिई समानुपातिक ढंगले कामको बाँडफाँट तथा वितरण गर्न नसक्दा विभाग असन्तुलित जस्तो देखिएकाले अहिले विभागका महानिर्देशक विरूद्व नियोजित प्रचारबाजी सुरू भएको छ । बुढाले घरभित्रका परिवारलाई विश्वासमा लिई समानुपातिक ढंगले कामको बाँडफाँट नगरि सेटिङमा बाहिरबाहिरै अदृश्यशक्ति परिचालन गर्दा सन्तुलन झन् बिग्रियो र विभागको साख झनै गिरेको चर्चा पनि छ ।
राजस्व अनुसन्धान विभागको पछिल्लो क्रियाकलापले देशभरका राजस्व छल्ने र चुहावट गर्ने उद्योगी व्यवसायी त्रसित बनेका छन् । राजस्व अनुसन्धान विभागको टोलीले गहिरो र सुक्ष्म अध्ययन अनुसन्धान गरि राजस्व चसहावट र छलि भएको आशंकामा छापा हान्ने, भन्सार बिन्दुबाट जाँचपास भएर छुटेका गाडीहरू राजस्व अनुसन्धान विभागमा समातेर ल्याउने र छिटोछरितो रूपमा अनुसन्धान गर्दा राजस्व चुहावट र छलि गर्नेहरू आतंकित बनेका छन।
Comments
अरु समाचार
-
शे–फोक्सुन्डो राष्ट्रिय निकुञ्जमा भेटियो दुर्लभ जङ्गली याक
काठमाडौँ, : शे–फोक्सुन्डो राष्ट्रिय निकुञ्जमा दुर्लभ जङ्गली याक फेला परेको छ । सो क्षेत्रमा गरिएको अध्ययनका क्रममा निकुञ्जमा भाले जङ्गली...
-
सरकारको सय दिन :‘नीतिगत सुधार र श्रम कूटनीति विस्तारमा श्रम मन्त्रालयको फड्को’
काठमाडौँ,: श्रम, रोजगार तथा सामाजिक सुरक्षा मन्त्रालयले नीतिगत र कानुनी सुधार, आन्तरिक रोजगारी प्रवद्र्धन, वैदेशिक रोजगार व्यवस्थापन तथा सुशासन प्रवद्र्धन...
-
आजको राशिफलः २०८१ साल कार्तिक १० गते शनिवार
मेष: समस्या दर्साउँदा प्रतिष्ठित व्यक्तिहरूको सहयोग जुट्न सक्छ। मध्याह्नदेखि स्वास्थ्यमा कमजोरी देखापर्नाले सुनिश्चित काम समेत अन्योलपूर्ण बन्न सक्छ। नयाँ योजना...
-
अन्तर्राष्ट्रिय गौतमबुद्ध क्रिकेट रङ्गशाला निर्माण नरोकिने
काठमाडौं । बागमती प्रदेशका मुख्यमन्त्री बहादुरसिंह लामा तामाङले अन्तर्राष्ट्रिय गौतमबुद्ध क्रिकेट रङ्गशाला निर्माणका क्रममा बजेट निकासा नरोकिने जानकारी दिएका छन्...
-
परम्परागत पेसाः नाङ्लो बेचेर गुजारा गर्दै सदाय समुदाय
लहान (सिरहा): गरिबी र विपन्नताको जाँतोमा पिल्सिएका यहाँका सदाय समुदायमा यतिबेला उल्लास छाएको छ । छठपर्व नजिकिएसँगै बाँसको नाङ्लो बनाउन...
-
रित्तो थाल बोकेर पोखराका सडकमा सहकारी पीडितको सङ्घर्ष जारी
काठमाडौं । दुःखजिलो गरी आर्जेको रकम सहकारीमा डुबेपछि बचतकर्ता महिनौँदेखि पीडामा छन् । पोखराको सूर्यदर्शन बचत तथा ऋण सहकारी संस्थालगायत...
-
आज सत्तारुढ दलको बैठक बस्दै
काठमाडौं । प्रधानमन्त्री केपी शर्मा ओलीले सत्ता साझेदारी दलसँग बैठक आह्वान गरेका छन् । प्रधानमन्त्री सचिवालयका अनुसार दिउँसो ३ बजे...
-
भारतमा चक्रवाती आँधी, ३०० उडान र ५५० भन्दा बढी रेल सेवा रद्द
काठमाडौं । भारतमा चक्रवाती आँधी ‘दाना’ को असर देखिन थालेको छ । यस अघि बिहीबार पश्चिम बंगाल र ओडिशा राज्यमा...
-
नेपालमा ढुक्क भएर लगानी गर्न अन्तर्राष्ट्रिय लगानीकर्तालाई अर्थमन्त्रीको अनुरोध
वासिङ्टन डिसी (अमेरिका): उपप्रधानमन्त्री तथा अर्थमन्त्री विष्णुप्रसाद पौडेलले सूचना प्रविधिको क्षेत्रमा नेपालमा लगानीका पर्याप्त अवसर रहेका र त्यसको आकर्षक प्रतिफल...