ताजा समाचार

खसीको भनेर बाख्राको मासु बेच्ने पक्राउ

समाचार
-
       

काठमाडौं । खसीको भनेर बाख्राको मासु बेच्ने पुरूषलाई प्रहरीले पक्राउ गरेको छ ।

पर्सा जिल्लाको वीरगञ्ज महानगरपालिका–१३ प्रतिमा चोकबाट प्रहरीले आसमिन फ्रेस हाउसका सञ्चालकलाई पक्राउ गरेको जिल्ला प्रहरी कार्यालय पर्साका डिएसपी किशोर लम्सालले जानकारी दिएका छन्। प्रहरीका अनुसार पक्राउ पर्नेमा वीरगञ्ज–१३ बस्ने ४१ वर्षीय हारून मियाँ अन्सारी छन्।

उनले खसीको भनेर बाख्राको मासु बेचिरहेको भन्ने सूचना प्रहरीले पाएको आधारमा मंगलबार पक्राउ गरिएको हो। उक्त सूचनापछि खटिएको प्रहरीको टोली उनको पसलमा पुगेको थियो। त्यहाँ बाख्राको मासुमा खसीको अण्डकोष सिलाएर बेचेको फेला परेको हो।

प्रहरीले १५ किलोको बाख्राको मासु पनि बरामद गरेको छ। प्रहरीले उनीमाथि कालोबजारी सम्बन्धि कसुरमा जिल्ला प्रशासन कार्यालय पर्साबाट पाँच दिन म्याद थपेर अनुसन्धान अघि बढाएको छ।

Comments

प्रकाशित मिति : 2025-02-12

अरु समाचार

© NewsNepal 2018 - All Right Reserved.
newsnepal.com 2017.hlon.org