बोल्दा रहेछन् पू्र्वराजा ज्ञानेन्द्र शाह पनि !

काठमाडाैं । पूर्वराजा ज्ञानेन्द्र शाहले भारतको पहलगममा भएको हत्या प्रकरणमा धारणा सार्वजनिक गरेका छन् । भारतको कास्मिरको पहलगम क्षेत्रमा भएको वर्वर हत्याको विरोधमा पूर्वराजा ज्ञानेन्द्रले हिन्दु धर्मावलम्बीमाथिको आक्रमण भनेका छन् ।

पहलगममा एक नेपालीको समेत हत्या भएको थियो । यो विषयमा अहिले भारत पाकिस्तान तनाव चुलिएको छ । यो घटनाको संसारभरबाट विरोध भइरहेको छ । तर, उनै ज्ञानेन्द्रलाई गद्दीमा बसाउने भन्दै काठमाडाैंको तीनकुनेमा चलेको आन्दोलनमा दुई जनाको ज्यान जानुका साथै लुटपाट र आतंक फैलाइएको थियो । यो विषयमा भने पूर्वराजा ज्ञानेन्द्र धेरै विवाद चलेपछि ढिला गरि नयाँ वर्षको अवसरमा शुभकामना दिने नाममा बोलेका थिए ।

लामो समय माैनता साँधेका पूर्वराजा भारतमा भएको आक्रमणमा किन छिटो बोले ? यो विषयमा समेत अनेक अड्कलबाजी चलिरहेका छन् । कतिपयले त भारतको घटनामा छिटो बोल्दा आफूलाई भारतीय पक्षले साथ दिने ठानेको समेत भनिरहेका छन् ।

राजगद्दीमा फर्किने रहर पालेका पूर्वराजा ज्ञानेन्द्र भारतमा भएको घटनामा हिन्दु धर्मलाई जोडेर बोल्ने विषय र तीनकुने प्रकरणमा लामो समय माैनता साँध्नुमा गम्भीर रहस्य लुकेको बताइन्छ । भारतीय संस्थापन पक्ष कट्टर हिन्दुवादी रहेको र यसलाई जोड्न सकिए, सत्तामा फर्किन सहज हुने ठानेका ज्ञानेन्द्रले भएभरको शक्ति प्रयोग गर्न थालेका छन् ।

‘पूर्वराजा सत्ता फर्काउन सहयोग गर्ने प्रभु सत्ताका अघि घुडा टेक्ने रहेछन् । मानवियताको हिसावले भन्दा पनि सत्तामोहमा चुर्लुम्म पूर्वराजा तीनकुने प्रकरणमा बोल्दै बोलेनन् । धेरै विरोध र आलोचना भएपछि बल्ल नयाँ वर्षको शुभकामना सन्देशको नाममा जनआन्दोलनको नाम दिएर केहि वचाउ गरे । यसले के देखाउँछ भने, ज्ञानेन्द्र स्वार्थ पुरा हुने देखिए बोल्दा रहेछन् ।’ एक विशिष्ट सरकारी अधिकारीले भने ।

पूर्वराजाले सक्रियता देखाइरहेको बेला राजनीतिक दलहरुले भने उनको प्रयास असफल भइसकेको भन्ने गरेका छन् ।

Comments