रहेनन् हास्य अभिनेता आरपी
लादालाम उपनामले परिचित हास्य अभिनेता आरपी भट्टराईको ४२ वर्षको उमेरमा हृदयाघातका कारण निधन भएको छ
हास्य कलाकार आरपी (रुद्रप्रसाद) भट्टराईको ४२ वर्षको उमेरमा शुक्रबार निधन भएको छ । टेलिशृंखला, ‘तितो सत्य’मा ‘मेलो नाम लादालाम’ भन्दै लामो समय नेपाली दर्शकलाई हँसाएका आरपीको विराटनगरस्थित फुपूको घरमा निधन भएको हो ।
लामो समयदेखि मधुमेह र उच्च रक्तचापबाट ग्रसित आरपी चार दिनअघि गृहजिल्ला विराटनगर पुगेका थिए । मधुमारास्थित फुपूको घरमा पुगेका आरपी खाना खाएर सुतेका थिए । बिहान उनी मृत अवस्थामा भेटिएका थिए । उनको हृदयाघातका कारण निधन भएको पारिवारिक स्रोतले जनाएको छ ।
आरपीको शुक्रबार राति परोपकार घाटमा अन्तिम संस्कार गरिएको छ । उनको अन्तिम संस्कारमा सहभागी हुन हास्य कलाकार दीपकराज गिरी र दीपाश्री निरौला विराटनगर पुगेका थिए । उनको शुक्रबार साँझ अन्तिम संस्कार गरिएको गिरीले जानकारी दिएका छन् ।
आरपीले ‘६ एकान ६’, ‘छक्कापञ्जा’लगायतका थुप्रै फिल्ममा अभिनय गरेका छन् । उनकी श्रीमती सरू भट्टराई र दुई छोरा छन् । लामो समयदेखि राजधानीमा बस्दै आएका आरपी राष्ट्रिय नाचघरका कर्मचारी हुन् ।
केही समय स्थानीय राजनीतिमा सक्रिय आरपी कलाकार बन्ने धोको पालेर राजधानी छिरेका थिए । उनले ‘५२ घुस्सा ५३ ठक्कर’मा अभिनय गरेर आफूलाई कला क्षेत्रमा होमेका थिए ।
श्रीमतीसँगै काठमाडौं आएका आरपीलाई आर्थिक संकट परेपछि कस्मेटिक पसल र ट्रक किनेर व्यापार पनि गरेका थिए । तर, ट्रक व्यवसाय घाटामा गएपछि उनले श्रीमतीसँग चुच्चेपाटीमा बेकरी पसल चलाए । उनले म्यानपावर व्यावसाय पनि सञ्चालन गरे ।
०६४ सालमा ‘तितो सत्य’मा अभिनय गरेपछि भने उनको चर्चा चुलिएको थियो । त्यसपछि उनले आफ्नो मुख्य कर्म नै अभिनयलाई बनाएका थिए । मोटो शरीरका आरपी गायक पनि हुन् । उनले हास्यरसयुक्त गीत पनि श्रोतामाझ ल्याएका थिए।
Comments
अरु समाचार
-
‘जानकी साहित्यिक पुरस्कार’ भण्डारीलाई
काठमाडौं । विक्रम संवत् २०८० को जानकी साहित्यिक पुरस्कार गुल्मीका साहित्यकार ठाकुर शर्माभण्डारीलाई प्रदान गरिने भएको छ । ‘जानकी प्रतिष्ठान’...
-
नेपथ्यको नयाँ वर्ष स्वागत पूर्वेली सहर बिर्तामोडबाट
काठमाडौं । बिक्रम सम्वत २०८१ को पहिलो सूर्योदयभन्दा अघिल्लो साँझ नेपथ्य पूर्वी नेपालको बिर्तामोडमा प्रस्तुत हुने भएको छ । झापा...
-
डा. अनिलको पुस्तक बिक्रीबाट प्राप्त रकमबाट देशैभर छात्रवृत्ति प्रदान गरिने
काठमाडौं । मुटुरोग विशेषज्ञ डा.ओम मूर्ति अनिलद्वारा लिखित ‘जीवन्त सम्बन्ध’ बिक्रीबाट प्राप्त रकम देशका ७७ जिल्लाका गरिब तथा जेहेन्दार विद्यार्थीलाई...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...
-
राजेशपायल राई रिहा
काठमाडौं । गायक राजेशपायल राई रिहा भएका छन् । गएराति २ बजे काठमाडौंको मदनभण्डारी कलेजनजिकैबाट मदिरा पिएर हो–हल्ला गरेको आरोपमा...
-
कविद्वय ठाकुर बेलबासे र खेमनाथ दाहाललाई ‘व्यथित काव्य सम्मान-२०८०’
काठमाडौं । साहित्यिक पत्रकार सङ्घले कवि ठाकुर बेलबासे र कवि खेमनाथ दाहाललाई ‘व्यथित काव्य सम्मान-२०८०’ प्रदान गर्ने भएको छ।...
-
षड्यन्त्र र घेराबन्दी गरिएको भन्दै ‘काँडेतार’ चलचित्र कुनै पनि हलमा नचलाउने घोषणा
काठमाडौ । शुक्रबारबाट प्रदर्शनमा आएको नेपाली चलचित्र ‘काँडेतार’को निर्माण पक्षले देशैभरिका सिनेमा हलमा आजैदेखि आफ्नो चलचित्र नचलाउने निर्णय लिएको छ।...
-
इलामको रमणीय पाखामा नेपथ्य गुञ्जदै
काठमाडौं । सात दसकअघि मुलुकका मूर्धन्य साहित्यकारहरु भेलाभएर इतिहास रचेको पूर्वी नेपालको एउटा रमणीय मैदानमा आउँदो साता नेपाली लोकरक भाका...
-
मुस्ताङका तीन गाउँले थकालीले ‘त्युङ्ला पर्व’ मनाए (फाेटाेफिचर)
काठमाडौं । काठमाडौंमा मुस्ताङका तीन गाउँले थकालीले त्युङ्ला पर्व मनाएका छन् । काठमाडाैँकाे स्वयम्भु स्थित तीन गाउँले थकाली सेवा समाजकाे...