मोरङमा १,१०० कृषक समूह तरकारी खेतीमा
पथरी (मोरङ), २६ पुस । मोरङको भौडाहा गाविसका कृषक जीतनारायण सरदारले थोरै जग्गामा तरकारी खेती गरेर वार्षिक लाखौँँ रुपैयाँ आयआर्जन गर्दै आउनुभएको छ ।
आफ्नो १० कट्ठा क्षेत्रफलमा उहाँले मौसमअनुसार हिउँदे, वर्षे तथा बेमौसमी तरकारी उत्पादन गरेर वार्षिक रुपमा करिब रु दुई लाखसम्म आयआर्जन गर्ने गरेको बताउनुभयो ।
त्यस्तै, मोरङ कटहरी–९ नयाँबजारका कृषक श्यामकुमार साहले पनि तरकारी खेतीबाट राम्रै आयआर्जन गर्दै आउनुभएको छ । उहाँले करिब एक बिगाहा जमिन भाडामा लिएर १५ वर्षदेखि तरकारी खेती गर्दै आउनुभएको मात्र छैन पाँच जनालाई वार्षिक रोजगारी समेत दिँदै आउनुभएको छ ।
उहाँले मौसमी र बेमौसमी दुवै खालका तरकारी लगाउने गर्नुभएको छ । उहाँ आफूले तरकारी खेतीबाट मात्रै वार्षिक सबै खर्च कटाएर ४÷५ लाख आम्दानी गर्ने गरेको बताउनुहुन्छ । साहले भन्नुभयो, मैले तरकारी खेतीबाहेक अन्य कुनै खेती नगरेको तर यसैबाट कटहरीमा चार कोठाको एउटा पक्की घर बनाउनुका साथै विराटनगरमा एक कट्ठा घडेरी जोडेको र तीनजना छोराछोरी बोर्डिङ पढाएर अहिले छोरालाई इन्जिनियरिङ पढाइरहेको छु ।
यता जिल्ला कृषि विकास कार्यालयका बागवानी विकास अधिकृत काशीकुमार चौधरीले मोरङका कटहरी, शिसवनी, जहदा, इन्द्रपुर, मधुमल्ला, टाँडी, लेटाँङ जाँते, सिजुवा टकुवा मझारे, महादेवा, बाहुनीलगायतका गाविस तरकारी उत्पादनका पकेट क्षेत्र रहेको बताउनुभयो ।
उहाँले सरकारले तरकारी खेती गर्ने कृषकलाई प्रोत्साहित गरेपछि मोरङमा एक हजार १०० भन्दा बढी कृषक समूहले व्यावसायिक तरकारी खेती गर्न थालेको जानकारी समेत दिनुभयो । तरकारीका लागि परनिर्भर बनिरहनपरेकाले र वैदेशिक रोजगारीमा युवालाई जानबाट रोक्न नेपाल सरकारले चालु आर्थिक वर्षमै युवाका लागि लक्षित व्यावसायिक तरकारी उत्पादन कार्यक्रम लागू गरेको छ ।
यसअन्तर्गत वैदेशिक रोजगारीबाट स्वदेश फर्केका, जान लागेका र लक्षित वर्गका युवालाई न्यूनतम एक बिगाह क्षेत्रफलमा तरकारी खेती गर्नका लागि ५० प्रतिशत अनुदान दिने कार्यक्रमलाई कार्यान्वयनमा ल्याइएको छ ।
मोरङमा करिब १९ हजार हेक्टरमा गत आर्थिक वर्षमा तरकारी खेती भएकोमा ९७ हजार मेट्रिक टन तरकारी, मसला बालीमा अलैँची ९१ मेट्रिक टन र अदुवा १३ हजार १२५ मेट्रिक टन उत्पादन भएको जिल्ला कृषि विकास कार्यालय मोरङले जनाएको छ ।
त्यसैले, बजार प्रसस्त रहेकाले कुनै नोक्सानी ब्योहोर्नु नपर्ने कारण मोरङमा तरकारी खेतीले बढ्दो बेरोजगारीका कारण वैदेशिक रोजगारीमा जाने युवालाई केही हदसम्म रोक्न सफल भएको छ । रासस
Comments
अरु समाचार
-
नेप्से परिसूचक २४.३९ अंकले बढ्यो
काठमाडौं। धितोपत्र दोस्रो बजार मापक नेप्से परिसूचक सोमबार २४.३९ अंकले बढेर बन्द भएको छ । नेप्से १.२३ प्रतिशतले वृद्धि भएर...
-
तोलामा रु तीन सयले घट्यो सुनको मूल्य
काठमाडौं । स्थानीय बजारमा पहेँलो धातुको मूल्यमा सामान्य गिरावट आएको छ । नेपाल सुनचाँदी व्यवसायी महासङ्घका अनुसार छापावाला सुन आइतबार...
-
संघीय संसदको बजेट अधिवेशन आजदेखि, शीर्ष नेताले सम्बोधन गर्दै
काठमाडाैँ । संघीय संसद्को बजेट अधिवेशन आजदेखि शुरू हुँदै छ । मन्त्रिपरिषद्को सिफारिसमा राष्ट्रपति रामचन्द्र पौडेलले नेपालको संविधानको धारा ९३...
-
सुन तोलामा रु आठ सयले घट्यो
काठमाडौं । स्थानीय बजारमा पहेँलो धातुको मूल्य आज तोलामा रु आठ सयले ओरालो लागेको छ । नेपाल सुनचाँदी व्यवसायी महासङ्घका...
-
प्रतितोलामा ८०० रुपैयाँले बढ्यो सुनको मूल्य
काठमाडौं । नेपाली बजारमा मंगलबार सुनको मूल्य बढेको रहेको छ । नेपाल सुन–चाँदी व्यवसायी महासंघका अनुसार आज सुन तोलामा ८००...
-
नेप्से परिसूचक ओरालो यात्रामा
काठमाडौं । धितोपत्र बजारमा शेयर कारोबार मापक नेप्से परिसूचक आज पनि ओरालो लागेको छ । नेपाल स्टक एक्सचेञ्जका अनुसार नेप्से...
-
सुनको मूल्य स्थिर
काठमाडौं । नेपाली बजारमा साताको पहिलो कारोबार दिन अर्थात् आइतबार सुनको मूल्य स्थिर रहेको छ । नेपाल सुन–चाँदी व्यवसायी महासंघका...
-
प्लास्टिकविरुद्ध पृथ्वी अभियानमा ग्लोबल आइएमई बैंकको ऐक्यबद्धता, खपत कम गर्ने
काठमाडाैं । प्लास्टिकको खपत कम गरिने ग्लोबल आइएमई बैंकले 'प्ल्यानेट भर्सेस प्लास्टिक' (प्लास्टिक विरुद्ध पृथ्वी) अभियानमा ऐक्यबद्धता जनाउँदै बैंकभित्र प्लाष्टिकको...
-
अग्निपीडितलाई आर्थिक सहयोग
काठमाडौं । जिल्लाको रोशी गाउँपालिका–४ सानोपोटा गाउँका अग्निपीडितलाई आर्थिक एवं भौतिक सहयोग गरिएको छ । उक्त गाउँका १५ परिवारलाई जिल्ला...