सात वर्षपछि वरदान लिएर त्रिलोक
काठमाडौं । एकताका निकै चर्चामा थिए, गायक त्रिलोक राना । उनले गाएका ‘मन पराई तिमीले हत्ते गर्यौ नि, भूपू मायालु’, ‘तिमीजस्ती छैन कोही’लगायतका गीत श्रोताले मन पराएका थिए । विशेषगरी पप आधुनिक शैलीका गीतमा दख्खल राख्ने गायक त्रिलोक एकाएक संगीतकर्मबाट हराए ।
तर कहाँ गए, विदेश ? ‘होइन, म यहीँ थिएँ,’ त्रिलोक बोले, ‘मलाई गम्भीर बिमारीले च्याप्यो । जसकारण चाहेर पनि दर्शकश्रोतामाझ आउन सकिनँ ।’ त्रिलोक बीचमा प्यांक्रियाज र पित्तथैलीपीडित भए । स्वास्थ्योपचारमा लागेकाले नयाँ गीत ल्याउन नपाएको उनी बताउँछन् ।
झन्डै सात वर्षको विश्रामपछि त्रिलोक दर्शक–श्रोतामाझ आएका छन्– वरदान लिएर । वरदान उनको नयाँ गीतिएल्बम हो । वरदानमा आठवटा गीत छन् । उनको यस एल्बमको ‘काँडा छोए फूल बन्छ’ बोलको गीतको भिडियो पनि हालै सार्वजनिक भएको छ । सुनील मास्केको संगीत रहेको सो गीतको भिडियोमा अभिनेत्री बेनीशा हमाल र अनिल थापाले अभिनय गरेका छन् ।
‘श्रोता दर्शकको माया र आशिर्वादले पुनरागमन भएको छ मेरो,’ त्रिलोक भन्छन्, ‘आशा छ, पहिलाझैँ मेरो गीत सुनिदिनुहुनेछ ।’ सात वर्षसम्म श्रोतामाझ आउन नसकेको छटपटी वरदानमा समावेश गरेको बताउँछन् । ‘दर्शक, श्रोताबाट मैले पहिला जति धेरै माया पाएको थिएँ, अब अझ धेरै मायाको आशा गरेको छु,’ उनी भन्छन्, ‘वरदानमा एकसे एक सुमधुर गीत समावेश गरेको छु । सबैलाई मन पर्नेमा विश्वस्त छु ।’
विगत केही वर्षयता एल्बम निकाल्ने चलन नै हराएको छ । पहिलाझैँ एल्बमै किनेर सुुन्ने श्रोता पनि निकै कम छन् । तर, पनि आफूले श्रोताको सम्मानका लागि एल्बम नै प्रस्तुत गरेको त्रिलोक बताउँछन् । ‘अचेल एउटा–दुईटा गीत निकाल्ने चलन छ । तर, मैले त्यसो गर्न चाहिनँ,’ उनी भन्छन्, ‘लामो समयपछि आएकाले मेरा शुभचिन्तकलाई गीतसंगीतको पूर्ण स्वाद दिनका लागि यसो गरेको हुँ ।’ अब भने उनी निरन्तर गायनमा लाग्ने सुरमा छन् । ‘स्वास्थ्य र परिस्थितिले साथ दिएसम्म गीत गाइरहनेछु,’ उनी भन्छन्, ‘श्रोताको माया मार्न सक्दिनँ । त्यसैले फेरि आएको छु ।’
सार्वजनिक भएको छोटो समयमै वरदानका गीत चर्चित हुँदै गइरहेकोमा खुसी मानेका छन् त्रिलोकले । भाइब्स क्रिएसनले बजार व्यवस्थापन गरेको वरदानमा ‘काँडा छोए फूल बन्छ’, ‘तिमीलाई छुने हावा भाग्यमानी’, ‘पहिलो भेटमा तिमीसँग’, जलाऊँझैँ लाग्छ संसार’, ‘मुटुमा धुप जलिरहन्छ’लगायतका बोलका गीत छन् । अन्य गीतका भिडियो केही समयपछि निर्माण गरिने उनी बताउँछन्
Comments
अरु समाचार
-
‘जानकी साहित्यिक पुरस्कार’ भण्डारीलाई
काठमाडौं । विक्रम संवत् २०८० को जानकी साहित्यिक पुरस्कार गुल्मीका साहित्यकार ठाकुर शर्माभण्डारीलाई प्रदान गरिने भएको छ । ‘जानकी प्रतिष्ठान’...
-
नेपथ्यको नयाँ वर्ष स्वागत पूर्वेली सहर बिर्तामोडबाट
काठमाडौं । बिक्रम सम्वत २०८१ को पहिलो सूर्योदयभन्दा अघिल्लो साँझ नेपथ्य पूर्वी नेपालको बिर्तामोडमा प्रस्तुत हुने भएको छ । झापा...
-
डा. अनिलको पुस्तक बिक्रीबाट प्राप्त रकमबाट देशैभर छात्रवृत्ति प्रदान गरिने
काठमाडौं । मुटुरोग विशेषज्ञ डा.ओम मूर्ति अनिलद्वारा लिखित ‘जीवन्त सम्बन्ध’ बिक्रीबाट प्राप्त रकम देशका ७७ जिल्लाका गरिब तथा जेहेन्दार विद्यार्थीलाई...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...
-
राजेशपायल राई रिहा
काठमाडौं । गायक राजेशपायल राई रिहा भएका छन् । गएराति २ बजे काठमाडौंको मदनभण्डारी कलेजनजिकैबाट मदिरा पिएर हो–हल्ला गरेको आरोपमा...
-
कविद्वय ठाकुर बेलबासे र खेमनाथ दाहाललाई ‘व्यथित काव्य सम्मान-२०८०’
काठमाडौं । साहित्यिक पत्रकार सङ्घले कवि ठाकुर बेलबासे र कवि खेमनाथ दाहाललाई ‘व्यथित काव्य सम्मान-२०८०’ प्रदान गर्ने भएको छ।...
-
षड्यन्त्र र घेराबन्दी गरिएको भन्दै ‘काँडेतार’ चलचित्र कुनै पनि हलमा नचलाउने घोषणा
काठमाडौ । शुक्रबारबाट प्रदर्शनमा आएको नेपाली चलचित्र ‘काँडेतार’को निर्माण पक्षले देशैभरिका सिनेमा हलमा आजैदेखि आफ्नो चलचित्र नचलाउने निर्णय लिएको छ।...
-
इलामको रमणीय पाखामा नेपथ्य गुञ्जदै
काठमाडौं । सात दसकअघि मुलुकका मूर्धन्य साहित्यकारहरु भेलाभएर इतिहास रचेको पूर्वी नेपालको एउटा रमणीय मैदानमा आउँदो साता नेपाली लोकरक भाका...
-
मुस्ताङका तीन गाउँले थकालीले ‘त्युङ्ला पर्व’ मनाए (फाेटाेफिचर)
काठमाडौं । काठमाडौंमा मुस्ताङका तीन गाउँले थकालीले त्युङ्ला पर्व मनाएका छन् । काठमाडाैँकाे स्वयम्भु स्थित तीन गाउँले थकाली सेवा समाजकाे...