एमालेको संसद अवरोधका कारण देउवालाई प्रधानमन्त्री बन्न ढिलाई !
काठमाडौं, १८ जेठ । नयाँ सरकार गठनको लागि आजदेखि वहुमतिय प्रक्रिया सुरु हुदैँछ । नयाँ सरकारको लागि राष्ट्रपति विद्या भण्डारीले बहुमतीय सरकार गठनका लागि संसदलाई आह्वान गर्नेछिन् । लगत्तै संसदले आफ्नो प्रक्रिया थाल्नेछ । नयाँ प्रधानमन्त्रीको रोलक्रममा रहेका काँग्रेस सभापति शेरबहादुर देउवा यतिबेला नयाँ सरकार गठनको कसरतमा लागेका छन् ।
राष्ट्रपतिले सहमतिय सरकार गठनको लागि दिएको समयसीमा त्यक्तिकै गुजारेका दलहरुले आजदेखि हुने बहुमतिय प्रक्रियाको भने सदुपयोग गर्ने मनसायमा छन् । काँग्रेस र माओवादी केन्द्रबीचको यसअघिको सहमति अनुसार देउवा वहुमतिय प्रक्रिया अनुसार प्रधानमन्त्री बन्ने पक्का छ । तर त्यसको लागि संसद सुचारु हुनुपर्छ ।
प्रमुख प्रतिपक्षी दल नेकपा एमालेले भने भरतपुर महानगरपालिकाको मतगणना थाल्नुपर्ने माग राखेर संसद अवरुद्ध पारिरहेको छ । जसले गर्दा नयाँ सरकार गठन प्रक्रिया समेत अवरुद्ध हुने देखिएको छ । पुनः मतदान गराउने नियतले मतपत्र च्यातिएको भन्दै एमालेले पुनः मतदान मान्य नहुने बताउँदै आएको छ । निर्वाचन आयोगमा पुगेर आफ्ना धारणा प्रष्ट राखेको एमालेले थप दबाव दिन भन्दै बुधबार संसद अवरुद्ध गरेको थियो । एमालेले आज पनि संसद अबरुद्ध जारी राख्ने एमाले नेताहरुले बताएका छन् ।
एमालेले मतगणना सुचारु गर्न माग गर्दै बिहीबार चितवन बन्दसमेत आहृवान गरेको थियो । तर, पार्टीपंक्ति र सर्वसाधारणबाट चर्को आलोचना भएपछि बुधबार साँझै बन्द फिर्ता गरेको थियो । संसदको अवरोध भने कायमै रहने एमाले संसदीय दलका प्रमुख सचेतक भानुभक्त ढकालले बताए । ‘जुन विषय उठाएर संसदको कारवाही अवरुद्ध भएको हो, त्यो कायमै छ,’ ढकालले भने । सत्तारुढ दलका नेताहरुले भने निर्वाचन आयोगले गर्न सक्ने निर्णयलाई देखाएर संसद अवरुद्ध गर्नु गलत भएको बताएका छन् ।
कांग्रेस र माओवादीले औपचारिक रुपमा भरतपुर घटनाबारे आफ्नो धारणा सार्वजनिक गरेका छैनन् । तर, नेताहरुले जे भयो, गलत भयो र निर्वाचन आयोगले गर्ने निर्णय मान्य हुने बताएका छन् । मतपत्र च्यात्ने प्रतिनिधिको दल माओवादीका अध्यक्षसमेत रहेका प्रधानमन्त्री प्रचण्ड स्वयंले पनि दोषीलाई कारबाही गर्ने र निर्वाचन आयोगले गर्ने निर्णय आफूहरुलाई मान्य हुने बताएका छन् ।
यसका बाबजुद एमालेले संसद अवरोध जारी राख्नु गलत भएको कांग्रेस र माओवादी नेताहरु बताउँछन् । एमाले संसदीय दलका उपनेता सुवास नेम्वाङले भने आफूहरुको संसद अवरोधका कारण सरकार गठनमा असर परे सत्तापक्ष नै जिम्मेवार हुने बताए । भरतपुर प्रकरणलाई सामान्य रुपमा लिइए भविष्यमा निर्वाचन आयोगले कुनै पनि निर्वाचन गराउन नसक्ने परिस्थिति उत्पन्न हुने एमालेको दाबी छ ।
एमालेले संसद अवरुद्ध गर्दै जाने हो भने नयाँ सरकार गठन प्रक्रिया धेरै लम्बिनेछ । एमालेको भित्रि मनसाय पनि यहि नै रहेको नेताहरुको बुझाई छ । अहिले प्रचण्ड नेतृत्वकै सरकारले दोस्रो चरणको निर्वाचन पनि सम्पन्न गराउनुपर्ने माग राख्दै आएको एमालेले देउवालाई भने सरकारमा त्यत्ति सजिलै जान दिने छाँटकाँट देखिएको छैन् ।
Comments
अरु समाचार
-
प्रधानमन्त्री दैवी प्रकोप उद्धार कोषमा एकैदिन साढे तीनकरोड जम्मा
काठमाडौँ। प्रधानमन्त्री दैवी प्रकोप उद्धार कोषमा आज एकैदिन रु तीन करोडभन्दा बढी रकम हस्तान्तरण भएको छ । प्रधानमन्त्री केपी शर्मा...
-
राष्ट्रपति पौडेलसँग राष्ट्रियसभाका अध्यक्ष दाहालको भेट
काठमाडौं । राष्ट्रपति रामचन्द्र पौडेलसँग राष्ट्रियसभाका अध्यक्ष नारायण दाहालले भेट गरेका छन् । आज राष्ट्रपति भवन शीतल निवासमा भएको भेटमा...
-
परराष्ट्रमन्त्री डा.राणा आज स्वदेश फर्कर्दै
काठमाडौं । परराष्ट्रमन्त्री डा.आरजु राणा देउवा कतारको दोहामा आयोजित एसिया कोअपरेसन डायलग (एसिडी)को तेस्रो सम्मेलनमा नेपाली प्रतिनिधिमण्डलको नेतृत्व गर्दै त्यहाँ...
-
प्रधानमन्त्रीसँग बंगलादेशका मन्त्री हसनको शिष्टाचार भेट
काठमाडौं । प्रधानमन्त्री केपी शर्मा ओलीलाई नेपालमा रहेकी बङ्गलादेशको वन, वातावरण, जलवायु परिवर्तन तथा जलस्रोतमन्त्री सैयदा रिजवाना हसनले आज शिष्टाचार...
-
जर्मनी एकीकरण दिवस समारोहमा उपराष्ट्रपति सरिक
काठामाडौं । उपराष्ट्रपति रामसहायप्रसाद यादव जर्मनी एकीकरण दिवसका अवसरमा नेपालका लागि उक्त मुलुकका राजदूत डा.थोमस प्रिन्जले बुधबार साँझ आयोजना गरेको...
-
न्यायलय सुधार गर्ने वरिष्ठ न्यायाधीश राउतको २४ बुँदे कार्ययोजना
-सजिव कालाखेती काठमाडौं । सर्वोच्च अदालतमा कल्याण श्रेष्ठको कार्यकाल यता सबै भन्दा सक्षम,योग्य,इमान्दार,अनुभवी,लोकतान्त्रिक, बौद्विक र कार्यकुशल प्रधानन्यायाधीशमा प्रकाशमान सिंह राउत...
-
सबै संयन्त्रलाई सतर्क रहन गृहमन्त्री लेखकको निर्देशन
काठमाडौं । गृहमन्त्री रमेश लेखकले कोशी र बागमती प्रदेशका केही ठाउँमा भारी वर्षा हुनसक्ने पूर्वानुमान गरिएकाले सोहीअनुसार सतर्क रहन सम्बद्ध...
-
बारका अध्यक्ष घिमिरेविरुद्ध अदालत अवहेलना मुद्दा दर्ता
काठमाडौं । सर्वोच्च अदालत प्रशासनले नेपाल बार एसोसिएसनका अध्यक्ष गोपालकृष्ण घिमिरेविरुद्ध अवहेलनासम्बन्धी मुद्दा दर्ता गरेको छ। न्यायाधीश सिफारिस सम्बन्धमा घिमिरेले...
-
राष्ट्रसङ्घीय महासभामाबारे प्रधानमन्त्रीद्वारा संसदीय दललाई जानकारी
काठमाडौं । प्रधानमन्त्री केपी शर्मा ओलीले संयुक्त राष्ट्रसङ्घको ७९ औँ महासभामा आफूले गरेको सम्बोधन र त्यसक्रममा भएका दुईपक्षीय भेटवार्ता र...