सांसद अर्याल र पूर्वसांसद माझीमाथि अन्तर्घातको आरोप, कारवाही गर्न देउवालाई दबाब
विराटनगर, १० साउन । नेपाली कांग्रेसका सांसद अमृत अर्याल र पूर्वसांसद वीरेन्द्र माझीमाथि कारवाही गर्न माग गरिएको छ । स्थानीय तह चुनावमा आफ्ना पार्टीका उम्मेदवार हराउन षडयन्त्र गरेको आरोपमा उनीहरुलाई कारबाही गर्न पार्टी सभापति शेरबहादुर देउवामथि दबाव परेको छ । असार १४ मा सम्पन्न स्थानीय तह निर्वाचनमा पार्टीका उम्मेदवारलाई हराउन लागेको प्रमाण भेटिएको भन्दै मोरङका आधा दर्जन युवा कार्यकर्ताले पार्टी सभापति देउवासमक्ष मौखिक उजुरी गरेका छन् ।
विराटनगरबाट गएको युवाहरूको एक टोलीले प्रधानमन्त्रीसमेत रहेका पार्टी सभापति देउवा, महामन्त्री डा. शशांक कोइरालालगायतका नेतालाई भेटेर चुनावमा भएको अन्तर्घात र असहयोगबारे जानकारी गराएका हुन् । उनीहरूले त्यस्ता नेताहरूबारे छानविन गरी कारबाही गर्न माग गरेका छन् ।
अर्यालले विराटनगर महानगरलगायत आफ्नो प्रभाव क्षेत्र मोरङ ५ र माझीले बुढीगंगा गाउँपालिकामा पार्टीका उम्मेदवारलाई असहयोग गरेको आरोप छ । विराटनगरमा नगरप्रमुख र उपप्रमुखसहित आधादर्जन वडा कांग्रेसले जितेको छ । तर अर्यालको चुनावी क्षेत्र अन्तर्गत पर्ने महानगरका धेरै जसो वडामा कांग्रेसले हारेको थियो । ती क्षेत्रका वडामा संघीय समाजवादी फोरमले जितेको थियो । कांग्रेसको पकडक्षेत्र मानिएको मोरङको बुढीगंगा गाउँपालिकामा लोकतान्त्रिक फोरमले जितेको थियो ।
स्थानीय तहको निर्वाचनमा युवालाई उम्मेदवार बनाइनुपर्ने अभियानको नेतृत्व गरेका नेपाल विद्यार्थी संघका पूर्वकेन्द्रीय सदस्य हरि भट्टराईले सांसद अमृत अर्यालले विराटनगर महानगरको चुनावमा पार्टीका उम्मेदवार हराउन लागेको प्रमाण फेला परेको बताए । ‘नगर प्रमुखको उम्मेदवारको मुख्य दावेदारका रूपमा अन्तिम समयसम्म प्रस्तुत भएका अर्यालले टिकट नपाएपछि आफ्नो चुनावी क्षेत्रमा मतदातालाई भड्काउन खोजेको कुरा हामीले पार्टी नेतृत्वलाई जानकारी गराएका छौं’ -भट्टराईले भने । उनले त्यस्ता नेताहरूलाइ कारबाही नगरि पुरस्कृत गरे पार्टीमा अराजकता बढ्नेतर्फ सचेत हुन नेतृत्वलाई सुझाव दिएको बताए । जवाफमा देउवाले त्यसबारे बुझेर अघि बढ्ने बताएका थिए ।
चुनावमा पार्टीका उम्मेदवारलाई नसघाएको आरोप लागेका सांसद अर्याल पार्टीको केन्द्रीय सदस्य र मन्त्री बन्ने दौडमा छन् । सांसद अर्यालको असहयोगका बाबजुद पनि नगरप्रमुखमा भीम पराजुली र उपप्रमुखमा इन्दिरा कार्की अत्यधिक मतान्तरले विजयी भएको कतिपयले नेता तथा कार्यकर्ताको भनाइ छ ।
मत परिणाम सार्वजनिक भएपछिको विजयोत्सवमा सांसद अर्यालको सक्रिय सहभागिता देखिएन । उनी पार्टीका नेता बिमलेन्द्र निधीसँग विराटनगरको ट्राफिकचोक नजिक विजय र्यालीमा सहभागी भए र केही बेरपछि उनीसँगै काठमाडौं फर्किएका थिए । विराटनगरमा केही कांग्रेस कार्यकर्ताले अर्याललाई कालोमोसो दल्ने हल्ला फैल्याएपछि उनी सुरक्षित तवरमा केही समय र्यालीमा सहभागी भएर फर्किएको बताइएको छ ।
मोरङको रंगेली, बेलबारी, पथरी शनिश्चरे नगरपालिकामा लगायतका ठाउँमा भएको पराजयमा कांग्रेसकै अन्तर्घात मुख्य कारण रहेको भन्दै त्यसबारे पनि छानविन गर्नुपर्ने माग पार्टीभित्र उठेको छ ।
Comments
अरु समाचार
-
अध्यागमनको छवि सुधार गर्न आवश्यक छ: गृहमन्त्री लेखक
काठमाडौं । गृहमन्त्री रमेश लेखकले अध्यागमन कार्यालयले आफ्नो छवि सुधार गर्न आवश्यक रहेको बताएका छन् । अध्यागमन कार्यालयका बारेमा नकरात्मक...
-
प्रधानमन्त्रीविरुद्ध सामाजिक सञ्जालमा भइरहेका गतिविधि देशहित विपरीत छन्ः महासचिव पोखरेल
काठमाडौं । नेपाल कम्युनिष्ट पार्टी (एमाले)का महासचिव शङ्कर पोखरेलले प्रधानमन्त्री केपी शर्मा ओली विदेशमा रहेका बेला प्रधानमन्त्री विरुद्ध सामाजिक सञ्जालमार्फत...
-
मन्त्री राणा र अमेरिकी उपमन्त्री वासबीच भेटवार्ता
काठमाडौं । संयुक्त राष्ट्रसङ्घको ७९औँ महासभामा भाग लिन आएकी परराष्ट्रमन्त्री डा.आरजु राणा देउवासँग अमेरिकाका राजनीतिक मामिलासम्बन्धी कार्यवाहक उपविदेश मन्त्री जोन...
-
निर्वाचन आयोगद्वारा स्थानीय तह उपनिर्वाचनका लागि दल दर्ता गर्न आह्वान
काठमाडौं । निर्वाचन आयोगले स्थानीय तह सदस्य उपनिर्वाचनका लागि दल दर्ताका लागि आह्वान गरेको छ । आयोगले आज एक सूचना...
-
प्रधानमन्त्रीओली र विश्व बैंकका अध्यक्ष बंगाबिच भेटवार्ता
काठमाडौं । संयुक्त राष्ट्र संघको ७९ औं महासभामा प्रधानमन्त्री केपी शर्मा ओली र विश्व बैंक समूहका अध्यक्ष अजय बंगाबिच भेटवार्ता...
-
उपप्रधानमन्त्री विष्णु पौडेल र चीनका उपप्रधानमन्त्री हि लिफेङबिच भेटवार्ता
काठमाडौं । उपप्रधानमन्त्री एवम् अर्थमन्त्री विष्णुप्रसाद पौडेल र चीनका उपप्रधानमन्त्री हि लिफेङबिच बेइजिङमा भेटवार्ता भएको छ । भेटवार्ताका अवसरमा दुई...
-
प्रधानमन्त्री ओली र सामोआका समकक्षीबीच भेटवार्ता
काठमाडौं । संयुक्त राष्ट्रसङ्घको ७९औँ महासभामा भाग लिने क्रममा अमेरिकाको न्युयोर्कमा रहनुभएका प्रधानमन्त्री केपी शर्मा ओली र सामोआका प्रधानमन्त्री फैमे...
-
राष्ट्रपति भने-चाडपर्वको गरिमालाई सम्मानजनक बनाऔँ
काठमाडौँ, ९ असोजः राष्ट्रपति रामचन्द्र पौडेलले जितिया पर्वजस्ता मौलिक चाडपर्वले समाजमा आपसी सम्मान, सद्भाव र सहिष्णुताको भावना जागृत गर्दै मुलुकको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...