दलीय हैसियतमा चुनाव लडेका बाबुराम, राजेन्द्र, दुर्गा र प्रेम सुवाल बने स्वतन्त्र सांसद
काठमाडौं, ३ पुस । निर्वाचन यस्तो अस्त्र हो शक्तिमा पुगेकालाई भूईमा र भईमा रहेकालाई शक्तिमा पुर्याईदिन्छ । निर्वाचनमा जनमतका साथ विजयी भएका उम्मेदवारले आफुलाई शक्तिशाली ठान्दछन्, भने पराजितले कमजोर ठान्दछन् । यो सबै कुरा जनताको हातमा हो ।
मंसिर १० र २१ गते सम्पन्न प्रदेश र प्रतिनिधिसभा सदस्य निर्वाचनमा पनि केही नेताहरुलाई यस्तै भएको छ । अाफुलाई शक्तिशाली मान्नेहरुलाई जनताले उनीहरुको हैसियत देखाईदिएका छन् । आफ्नाे पार्टीलाई एकदमै ‘पावरफुल’ मान्ने नेताहरु यतिबेला स्वतन्त्र सांसद्को रुपमा परिचित हुनुपरेको छ ।
यस पटकको प्रतिनिधिसभा सदस्य निर्वाचनमा पाँचजना स्वतन्त्र सांसद् भएका छन् । दलीय हैसियतमा निर्वाचन लडेका चार पार्टीका सांसदको हैसियत अब ‘स्वतन्त्र’ भएको हो । नयाँ शक्ति नेपालका संयोजक बाबुराम भट्टराई, राष्ट्रिय प्रजातन्त्र पार्टी (राप्रपा) का राजेन्द्र लिङ्देन, नेपाल मजदुर किसान पार्टीका प्रेम सुवाल र राष्ट्रिय जनमोर्चाकी दुर्गा पौडेल स्वतन्त्र हैसियतका सांसद हुने भएका छन् । हुम्लाबाट जितेका छक्कबहादुर लामा स्वतन्त्र सांसद हुन् ।
पूर्वप्रधानमन्त्री भट्टराई नै स्वतन्त्र हैसियतमाः
आँखा चुनाव चिन्ह आँखा लिएर गोरखा २ बाट निर्वाचन लडेका भट्टराई माओवादी केन्द्रका नारायणकाजी श्रेष्ठलाई हराउँदै निर्वाचित भएका थिए । तर भट्टराईको दल नयाँ शक्तिले समानुपातिकतर्फ थ्रेस होल्ड समेत कटाउन सकेन । नयाँ शक्तिले ८१ हजार ८३७ मत अर्थात ०.८५ प्रतिशत मत ल्यायो ।
जनताले राप्रपाको पनि हैसियत देखाएः
यस्तै, झापा ३ मा नेपाली कांग्रेसका कृष्णप्रसाद सिटौलालाई हराउँदै सांसद बनेका राजेन्द्र लिङ्देनको दल राप्रपाले पनि ३ प्रतिशत थ्रेस होल्ड कटाउन सकेन । जसका कारण लिङ्देनको हैसियत स्वतन्त्र भएको छ । उनको दलले समानुपातिकतर्फ एक लाख ९६ हजार ७८२ मत अर्थात २.०६ प्रतिशत मात्र ल्याएको छ ।
जनमोर्चाको पनि यस्तैः
प्युठान १ बाट निर्वाचित भएकी दुर्गा पौडेलको दल जनमोर्चाले पनि थ्रेसहोल्ड कटाउन सकेन । जनमोर्चाले ६२ हजार १३३ मत अर्थात ०.६५ प्रतिशत ल्याएको छ । उनले कांग्रेसका डा. गोविन्दराज पोखरेललाई पराजित गरेकी हुन् । जनमोर्चा महासचिव मोहनविक्रम सिंहकी पत्नी समेत रहेकी दुर्गा संसदमा अब स्वतन्त्र सांसद्को हैसियतले जानेछिन् ।
नेमकिपाः
भक्तपुर १ बाट निर्वाचित भएका प्रेम सुवालको दल नेमकिपाले थ्रेस होल्ड कटाउन नसक्दा उनको हैसियत पनि स्वतन्त्र भएको छ । निर्वाचन आयोगले नेमकिपाको समानुपातिकतर्फको मत अन्यमा राखेको छ । खसेको एक करोड पाँच लाख ८७ हजार ५२१ मतमध्ये ९५ लाख ४४ हजार ७४१ मत सदर भएको छ । जसको ३ प्रतिशत दुई लाख ८६ हजार ३४३ मत ल्याउन आवश्यक हुन्छ ।
स्वतन्त्र सांसद्ले संसद् सचिवालबाट केही पनि सुविधा पाउँदैनन्ः
स्वतन्त्र हैसियत बनेका सांसदले संसद् सचिवालयबाट कुनै सेवा सुविधा पाउँदैन । न त छुट्टै कार्यालय नै पाउँछ । उनीहरूका लागि प्रतिनिधिसभाको अन्तिमतिर सिट छुट्याइएको छ । अन्य दलका सांसदले बोलिसकेपछि मात्र स्वतन्त्र सांसदले बोल्ने मौका पाउँछन् ।
प्रतिनिधिसभा सदस्य निर्वाचनमा पहिलो हुने निर्वाचन प्रणाली (प्रत्यक्ष) तर्फ १ सिट जितेको र समानुपातिक तर्फ कुल खसेको मत मध्ये कुल सदर मतको तीन प्रतिशत प्राप्त गर्ने दलले राष्ट्रिय दलको मान्यता पाउने राजनीतिक दलसम्बन्धी ऐनमा उल्लेख छ ।
Comments
अरु समाचार
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...