ताजा समाचार

साँढेको आक्रमणबाट १३ बर्षीया एक किशोरीको मृत्यु

प्रदेश
-
       

कपिलवस्तु, १६ पुस । साँढेको आक्रमणबाट एक किशोरीको ज्यान गएको छ । कपिलवस्तुको महाराजगञ्ज नगरपालिका चमरसठमा साँढेको आक्रमणबाट वडा नम्बर ३ का द्वारिका गुप्ताकी १३ वर्षीया छोरी जानकीको ज्यान गएको प्रहरीले जनाएको छ ।

साँढेको आक्रमणबाट दुई महिला घाइते भएका छन् भने बगाहियाका सुसु भनिनेको ढाड भाँच्चिएकोमा भारतको लखनौमा उपचार भइरहेको रामबलि यादवले जानकारी दिए । आक्रमणबाट गौडहवामा पनि चार जना घाइते भएको इलाका प्रहरी कार्यालय महाराजगञ्जले जनाएको छ । स्थानीयवासी बृजेश यादवले एक हप्तादेखि साँढेले महाराजगञ्ज आसपासमा आतंक मच्चाएको जानकारी दिए ।

साँढेले बाटामा हिँडडुल गरेका जो कोहीलाई पनि आक्रमण गर्ने गरेको छ । अहिलेसम्म १० भन्दा बढी स्थानीयवासी घाइते भएका छन् । नगरपालिकाले साँढे नियन्त्रण गर्न प्रहरी, पशुसेवा कार्यालयका कर्मचारीलगायतलाई परिचालन गरेको छ । रासस

Comments

प्रकाशित मिति : 2017-12-31

अरु समाचार

© NewsNepal 2018 - All Right Reserved.
newsnepal.com 2017.hlon.org