बिहेको एक सातामै बेहुली बेपत्ता

समाचार

धनकुटा ३० फागुन। विवाह गरेर अघिल्लो साता उदयपुरको गाईघाट पुगेकी धनकुटाकी एक युवती बेपत्ता भएकी छिन् । हराएको एक सातासम्म खोजी गर्दा पनि उनी नभेटिएको आफन्तहरुको भनाइ छ ।

धनकुटाको चौबीसे घर भएकी रीता पाण्डे हराएकी हुन् । अघिल्लो सातामात्रै उनको विवाह भएको थियो । बिहेपछि गाईघाटमा रहेकी उनी एक्कासी घरबाट हराएको आफंन्त दूर्गा कार्कीले जानकारी दिनु भयो ।

युवती हराउनुअघि को व्यक्तिसँग उनको टेलिफोन सम्पर्क भएको थियो भन्ने पत्ता लगाएर खोजी गरिदिन आग्रह गर्दा स्थानीय प्रहरीले अदालतमा गएपछिमात्रै त्यसरी फोन ट्यापिङ गर्न मिल्ने भन्दै सहयोग नगरेको परिवारका सदस्यहरुको गुनासो छ ।

सीता अर्की एकजना महिलासँग झापा पुगेका थिए । त्यहाँ होटलमा काम खोज्दै रीता र अर्की एउटी युवती आइपुगेको भन्दै सुर्खेत घर बताउने लव नेपालीले पारिवारका सदस्यलाई फोन गरेका थिए । उनले रीतालाई धरानमा ल्याएर परिवारलाई जिम्मा लगाउने बताएका थिए ।

तर, भोलिपल्ट रीता काठमाडौं भागेको ती व्यक्तिले परिवारलाई जानकारी गराएका छन् । परिवारका सदस्यहरुले भने रीतालाई कसैले बिक्री गर्न भारततिर लगेको हो कि भन्ने आशंकामा माइती नेपाल र सीमा प्रहरीको ध्यानाकर्षण गराउन लागेको बताउनु भयो ।

उता रीतालाई आफूले झापामा भेटेको दाबी गर्ने लव नेपालीले भने ‘मेरो पर्ससमेत लिएर दुबैजना काठमाडौंतिर भागेछन्, मैले कलंकीमा केटाहरु खडा गरेको छु, र म पछि झापाबाट काठमाडौं जाने बस चढिसकेको छु, तिनीहरु पक्कै पनि काठमाडौंमा भेटिन्छन् ।’

Comments

प्रकाशित मिति : 2018-03-14

बिहेको एक सातामै बेहुली बेपत्ता

Comments

अरु समाचार