गत चैत ९ गतेदेखि अनलाइनमार्फत आवेदन माग गरिएको थियो । गएकाे वर्षकाे तुलनामा याे वर्ष ७ हजार बढी युवाले राेजगारीका लागि कोरियन अावेदन दिएका हुन् । गतवर्ष ७५ हजार ५ सय ८० युवाले कोरिया जान फारम भरेका थिए ।
यो वर्ष कृषितर्फ ३९ हजार ६ सय ४० जनाले आवेदन दिएका छन् । यसवर्ष कृषिमा ३० हजार १७९ पुरुष र ९ हजार ४६१ महिलाले परीक्षाका लागि आवेदन दिएकाे ईपीएस कोरिया शाखाले जनाएकाे छ ।
उत्पादनमुलकतर्फ ४२ हजार ६२४ जनाले दरखास्त दिएका छन् । त्यसमध्ये ३९ हजार २०८ जना पुरुष र ३ हजार ४१६ जना महिला छन् ।
काेरियन भाषाकाे परीक्षा जेठ २६ र २७ गते हुने छ । यसपटक कुल ७ हजार एक सय जना उत्तीर्ण गर्ने योजना रहेकाे छ ।
