यातायात व्यवसायीहरुले सार्वजनिक यातायात ठप्प पार्ने चेतावनी दिएपछि सरकारले भने यातायात समितिहरुको कारोबार रोक्का गर्ने तयारी थालेको हाे ।
काराेबार राेक्का गर्ने तयारी गर्नका लागि प्रधानमन्त्री कार्यालय अन्तरगत ल्याएएको सम्पत्ति शुद्धीकरण विभागलाई जिम्मा दिइने स्रोतले बताएको छ ।
विभागले समितिहरुको बैंक खाता र आर्थिक कारोबार रोक्का गरी उनीहरुको सम्पत्तिमाथि छानविन गर्ने प्रधानमन्त्री कार्यालयका एक उच्च अधिकारीले बताएका छन् ।
यातायात व्यवसायी संघ तथा समितिले वैशाख २६ गतेबाट अनिश्चितकालनीन सार्वजनिक यातायात सेवा बन्द गर्ने निर्णय गरेका छन् ।
