काठमाडाैं,२१ वैशाख । साउदी अरबकाे जेलमा २ वर्षदेखि बन्दी जीवन विताइरहेका प्रेमबहादुर राईको रिहाइको लागि सहयोगार्थ संकलन गरिएको रकम प्रधानमन्त्री केपी शर्मा ओलीले राईको परिवारका सदस्यहरुलाई हस्तान्तरण गरेका छन् ।
गैर जिम्मेवारी काम गरेको आरोपमा इलाम माइ गाउँपालिका, दानाबारीका ३० बर्सिय राई जेल जीवन बिताइ रहेका छन् । साउदीकाे सरकारी अदालतले तोकिएको ९५ लाख जरिवाना तिर्न नसक्दा प्रेमबहादुर रिहा हुन सकेका छैनन् ।
एबीसी टेलिभिजनबाट सञ्चालित हुँदै आएको इन्द्रेणी कार्यक्रम मार्फत संकलन भएकाे ३० लाख ९ हजार ४७ रुपैयाँ नगद प्रधानमन्त्री ओलीले प्रेमबहादुर राईकी पत्नी सरिता राईलाई दिएका हुन् ।
