आजै विचार गर्नुहोस्, कतै याैन रोग त लागेको छैन ? थाहै नपाई सताउँछ यौन रोगले
के हो यौन रोग ?
यौन सम्पर्कबाट सर्ने रोगलाई यौन रोग भनिन्छ । यदि यौन रोग भएको व्यक्तिसँग असुरक्षित यौन सम्पर्क राख्यो भने यौन रोग लाग्छ । यौन सम्पर्क गर्नेबित्तिकै यो रोग सर्छ भन्नेचाहिँ होइन । तर, कुनै एक जनामा केही इन्फेक्सन छ भने सर्न सक्छ । भाइरस, ब्याक्टेरिया र अरु कारणबाट पनि यौन रोग सर्छ ।
यौन रोग पनि धेरै प्रकारको हुन्छ । कुनै उपचार गर्न सजिलो पनि हुन्छ तर कुनै धेरै गाह्रो हुन्छ । कुनै रोगले जलनमात्र गर्छ भने कुनै यौन रोगले ज्यान समेत लिन्छ ।
यौन रोग शारीरिक, मानसिक दुवै कारणले हुन्छ । एसटीआई (सेक्सुअल्ली ट्रान्समिटेड इन्फेक्सन) मात्र सरुवा हुन्छन् । ब्याक्टेरिया तथा फंगसबाट हुने एसटीआईको उपचार हुन सक्छ । भाइरसबाट हुने प्रायः रोगको उपचार सम्भव हुँदैन ।
अहिलेको कमन एसटीआई भनेको यौनांगमा मुसा आउने हो । हातमा देखिने मुसाभन्दा अलि फरक हुन्छ हो । यो सरुवा हुन्छ । यसको खतरनाक असर भनेको इन्फेक्सन क्यान्सरमा परिणत हुने सम्भावना करिब १० प्रतिशत रहन्छ ।
यौनांगमा मसिना पानीका थोपाजस्ता दाना आउने समस्या पनि छ । भाइरल इन्फेक्सन भएकाले वर्षमा चार–पाँच पटक आउँछ यो । यस्तै, ब्याक्टेरियाबाट हुने सिफिलिस पनि केहीमा हुन्छ ।
यौनांगमा काई परेजस्तो ढुसी जम्मा हुने, पिसाब पोल्ने, पिप आउने समस्याले पनि धेरैलाई सताउँछ । यौनांगमा सानो होस् वा ठूलो, घाउखटिरा आउँछ भने लुकाउनु हुँदैन, जचाइहाल्नुपर्छ । समयमै उपचार पाए निको हुन सक्छ । धेरैजसो मुसा, गोनोरिया र क्यानडिडा (सेतो पानी बग्ने) समस्या हुन्छ ।
लक्षण
यौन रोग डरलाग्दो रोग हो । यसले भविष्यमा गएर नराम्रो असर गर्छ । आपसी सम्बन्धमा पनि असर पार्छ । रोग हुनु भन्दा नहुनु राम्रो हो । त्यसैले सबैले एकचोटी यौनसम्बन्ध राख्नुभन्दा अगाडि चेक गर्नुपर्छ ।
यौन रोगले बच्चा नहुने पनि हुन्छ । रोग लागिसकेपछि पिसाब फेर्दा पोलिरहने, पिसाबबाट केही धातु चिजहरु अथवा पिप बग्ने हुन्छ । यस्तो हुँदा युरिथ्राइटिस (पिसाबको नलीमा इन्फेक्सन हुने) हुन्छ । गोनोरिया रोग लाग्दा यस्तो लक्षण देखा पर्छ । अर्को घाउमात्रै हुने रोग पनि हुन्छ ।
पुरुषको लिंग तथा महिलाको योनिमा घाउ, खटिरा हुने सिफिलिस रोगमा हुन्छ । सबै रोग उपचार, टेस्ट गरेर मात्रै थाहा हुन्छ । कुनै यौनरोगले पूरै शरीरलाई असर गर्छ भने कुनै यौनांगमा मात्रै सीमित हुन्छ ।
उपचार
असुरक्षित यौनसम्पर्क गरेको छ र त्यसको केही समयपछि (केही दिनदेखि केही महिनासम्म) कुनै प्रकारको घाउ खटिरा भयो भने वा पिसाब पोल्यो भने यौन रोग लागेको हुन सक्छ । त्यसैले तुरुन्त डाक्टरसँग सम्पर्क गर्नुपर्छ ।
यौनरोगबाट बच्नलाई मुख्य त यौनसम्पर्कबाट नै बच्नुपर्छ, अर्थात् जथाभावी यौन सम्पर्क गर्नुहुँदैन । सम्भव छैन भने ‘पिकसन’ लिनुपर्छ । प्रिकसन भनेको खासगरी पुरुषहरुले कण्डम प्रयोग गर्ने हो ।
थोरै व्यक्तिसँग अथवा एक व्यक्तिसँग यौनसम्पर्क मात्रै गर्नुपर्छ । यौनसम्बन्ध राख्दा कण्डम प्रयोग गरे ९० प्रतिशत सुरक्षित हुन्छ, त्यसैले सबैले कण्डम प्रयोग गर्नुपर्छ ।
अहिलेको मुख्य समस्या भनेको यौनरोगले मनोवैज्ञानिक रोग निम्त्याइरहेको छ । यौन सम्पर्क गर्दैमा यौनरोग हुन्छ भन्ने हुँदैन तर मानिसहरु कुनै गल्ति काम गरेपछि मनमा डर, त्रास हुन्छ र साथीभाइलाई भन्न पनि गाह्रो हुन्छ । आफ्नो पार्टनरलाई पनि भन्न गाह्रो हुन्छ । मनमा नै कुरा खेल्छ, छटपटी हुन्छ ।
त्यसकारण यो रोग छ कि छैन भनेर आफूलाई नै केलाउने भन्दा पनि डाक्टरलाई देखाउन उपयुक्त हुन्छ ।
उपचार गर्दा बाहिरबाटै हेरेर पनि के भएको थाहा हुन्छ तर रगत पनि जाँच गरिन्छ । सिफलिस, एचआईभीको ब्लड टेस्ट हुन्छ तर सबै यौनरोगको ब्लड टेस्ट हुँदैन ।
मले छाला र यौन रोगको उपचार गर्छु । दिनको कहिलेकाहीँ ४–५ वटा त कहिले कहिले ८–१० वटा केस आउँछ ।
महिला र पुरुष दुवैमा यौन रोग लाग्छ ।
पुरुषमा बाहिरी तत्व भएको हुनाले लिंग र अण्डकोषमा प्रष्टसँग देखिन्छ । पिसाबमा समस्या आयो भने जलन हुन्छ, केही पिप देखिन्छ र तुरुन्त उपचारको लागि आउँछन् ।
तर महिलाहरूमा बाहिरी रूपमा केही देखिँदैन । इन्फेक्सन भइसकेको भए पनि उनीहरूलाई थाहा नै हुँदैन । यसलाई एसिटोम्याटिक इन्फेक्सन भनिन्छ । बाहिरी रूपमा केही देखिँदैन, अलिअलि ¥यालजस्तो आउँछ तर भित्रभित्रै रोगले च्यापिसकेको हुन्छ । त्यसैले यस्तो लक्षण देखिनासाथ उपचार गरिहाल्नुपर्छ ।
केही लक्षण देखिएको छैन भने बेलाबेलामा चेक गराइराख्नु राम्रो हुन्छ । धेरैले इन्फेक्सन भए पनि लुकाउँछन्, यो गलत हो ।
Comments
अरु समाचार
-
के तपाई भिजिट र पर्यटक भिसामा विदेश गएर काम गर्न खोज्दै हुनुहुन्छ ? सचेत हुन विभागको आग्रह
काठमाडौं । नेपाल सरकार गृह मन्त्रालय अन्तर्गत रहेको अध्यागमन विभागले भिजिट र पर्यटक भिसामा विदेश गएर कामको खोजी गर्नु गैरकानुनी...
-
युएई दिराम र मलेसियन रिङ्गेटको भाउ घट्यो, अन्य विदेशी मुद्राको कति छ विनिमय दर ?
काठमाडौँ, ९ असोजः नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार मङ्गलबारको...
-
दुई सय ७० मेगावाट विद्युत् राष्ट्रिय ग्रिडमा जोडिँदै
काठमाडौँ, ९ असोजः एक महिनाभित्र सिन्धुपाल्चोक र रसुवामा सञ्चालित विभिन्न जलविद्युत् आयोजनाबाट उत्पादन भएको दुई सय ७० दशमलव तीन मेगावाट...
-
राष्ट्रपति भने-चाडपर्वको गरिमालाई सम्मानजनक बनाऔँ
काठमाडौँ, ९ असोजः राष्ट्रपति रामचन्द्र पौडेलले जितिया पर्वजस्ता मौलिक चाडपर्वले समाजमा आपसी सम्मान, सद्भाव र सहिष्णुताको भावना जागृत गर्दै मुलुकको...
-
नेपाल प्रहरीका ४१ एसपीको सरुवा (सूचीसहित)
काठमाडौं । सरकारले केही प्रहरी उपरीक्षकहरुको सरुवा गरेको छ । नेपाल प्रहरीका ४१ जना प्रहरी उपरीक्षक (एसपी) को सरुवा गरेको...
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...