नेयमारमाथि ब्राजिलको फुटबल सपना
जेठ २९, काठमाडाैं । ब्राजिलको महान खेलाडी बन्ने उत्साह नेयमारको सन्दर्भमा गोप्य छैन । लन्डन ओलम्पिक खेलकुदमार्फत पहिलो ओलम्पिक फुटबल स्वर्णपदक आशा गरिरहेको ब्राजिल यतिबेला नेयमारमाथि नै भरोसा गरिरहेको छ ।
नेयमार सदैव सबैले सुन्ने गरी भन्ने गर्छन्, ‘यो प्रेम सम्बन्ध हो, फुटबलसँगको प्रेम सम्बन्ध, बलसँगको प्रेम सम्बन्ध ।’ यो प्रेम सम्बन्ध सानैदेखि परिवारबाट प्रेरित हँदै सुरु भएको उनी बताउँछन् । ‘मेरो बुबाले जहिले पनि बलसँग तिम्रो विशेष सम्बन्ध हुनुपर्छ भन्नुभयो । उहाँ बल इष्र्यालु महिलाजस्तै हो जुन पहिलोपटक अस्तित्वमा हुन्छ भन्नुहुन्थ्यो ।’ बुवाको भनाइ उद्धृत गर्दै २० वर्षीय नेयमारले भने, ‘यदि तिमीले ती महिलालाई राम्रो व्यवहार र माया गरेनौ भने उनले तिमीलाई चोट दिन्छिन् । तिमीले उनीबाट साथ पाउन उनलाई पनि राम्रो व्यवहार गर्नुपर्छ । त्यसैले म मेरी उनलाई (बललाई) धेरै माया गर्छु ।’
उनले फुटबल मैदानलाई भन्दा बढी समय खर्चिएको कुनै क्षेत्र नभएको भन्दै आफ्नो फुटबलमोह दर्साए । ‘जब म खेलिरहेको हुन्छु, शब्दमा व्यक्त गर्न नसकिने आनन्द पाइरहेको हुन्छु । वास्तवमै यो मेरो प्रेम हो जुन म गरिराखेको छु,’ उनले थपे ।रोनाल्डिन्हो र काकाको ‘प्राइम’ समय सकिएकोले यतिबेला लन्डन ओलम्पिक र घरेलु मैदानमा हुने विश्वकपमा ब्राजिल फुटबलको आशा नेयमारमाथि बढी छ । नेयमार ब्राजिल फुटबलको भविष्यका रूपमा हेरिएका छन् । आसन्न लन्डन ओलम्पिकले आफू कति क्षमतावान खेलाडी हो भनेर पुष्टि गर्न नेयमारलाई अवसर छ । ‘मैले पहिला नै ब्राजिल फुटबल महासंघका अध्यक्ष जोसे मारिआ मारिनलाई भनेको छु, लन्डनमा हाम्रो टोलीले स्वर्णपदक जित्नेछ,’ उनले भने । ब्राजिल फुटबल अहिलेसम्म ओलम्पिक खेलकुदमा मात्र पहिलो स्थानमा रहन सकेको छैन । पाँचपटकको विश्वकप विजेता ब्राजिलले सन् १९८४ र १९८८ मा रजतपदक जितेको थियो भने १९९६ र २००८ मा कांस्यपदक ।
‘तिमीलाई इतिहास रच्ने अवसर छ,’ गत महिना भएको ओलम्पिक ड्रपछि अन्तर्राष्ट्रिय फुटबल महासंघ (फिफा) अध्यक्ष सेप ब्लाटरले नेयमारलाई ट्विटरमा लेखेका थिए । लगत्तै ब्लाटरलाई प्रतिक्रिया दिंदै नेयमारले ट्विटरमा लेखेका थिए, ‘मैले बुझें, अध्यक्षज्यू ।’ लन्डन ओलम्पिक फुटबलमा समूह ‘सी’ मा रहेको ब्राजिलले पहिलो खेलमा २६ जुलाईमा इजिप्टविरुद्ध खेल्नेछ भने अन्य खेलमा बेलारुस र न्युजिल्यान्डको सामना गर्नेछ । ‘मलाई प्रतिद्वन्द्वीबारे धेरै थाहा छैन ।’ लन्डन ओलम्पिक भिडन्तबारे नेयमारले भने, ‘तर सबै टोलीलाई सम्मान गर्छांै । किनभने ओलम्पिकमा छनोट हुन त्यति सजिलो छैन । हामी राम्रो खेल्छां र अगाडि बढ्न प्रयास गर्नेछौं ।’ दक्षिण अमेरिकामा नेयमार यतिबेला मेसीकै बराबरीमा छन् । ब्राजिलमा उनलाई पेलेपछि महान खेलाडी बन्न सक्नेका रूपमा हेरिएको छ । ‘म पेलेजस्ता महान व्यक्तिद्वारा प्रशंसित हुँदा निकै खुसी हुन्छु,’ उनले भने, ‘तर मेरा लागि मेसी विश्वका सर्वोत्कृष्ट खेलाडी हुन्, क्रिस्टियानो रोनाल्डो र केही खेलाडी पनि मभन्दा अगाडि छन् ।’
फिफा वर्षखेलाडी अवार्डको पछिल्लो संस्करणमा नेयमार अन्तिम २३ खेलाडीको सूचीमा थिए भने वर्षकै सबैभन्दा उत्कृष्ट गोलका लागि उनी पुरस्कृत भएका थिए । ‘कुनै शंका छैन नेयमार ब्राजिल फुटबलमा सबैभन्दा श्रेष्ठमध्ये एउटा नाम हो,’ ब्राजिल राष्ट्रिय टिमका पूर्वसदस्य रोमारियोले भने, ‘उनी लन्डन ओलम्पिकका एक उत्कृष्ट खेलाडी हुनेछन् ।’ सन् २००९ मा व्यावसायिक फुटबलमा प्रवेश गरेका नेयमारले सन् १९७० को दशकमा पेलेले खेल्न छाडेपछि कमजोर भएको घरेलु क्लब सान्तोषलाई नयाँ उचाइ दिएका छन्
सन् २०१० मा सान्तोषलाई ब्राजिलियन कप, सन् २०११ को कोपा लिबरेटेडोरेस र लगातार तीनपटक साओ पाउलो स्टेट च्याम्पियनसिप जिताउन महत्त्वपूर्ण भूमिका निर्वाह गरेका थिए । सन् १९६९ पछि लगातार तीनपटक साओ पाउलो च्याम्पियनसिप जित्ने सान्तोष पहिलो टोली भएको थियो । सान्तोषका लागि नेयमार हालसम्म १ सय ८ गोल गरी सो क्लबका लागि सर्वाधिक गोलकर्ताको सूचीमा १६औं स्थानमा छन् । पेलेको युगपछि सान्तोषका लागि यति धेरै गोल गर्ने उनी पहिलो खेलाडी भए । ‘पेलेजस्तो महान खेलाडीको विशेषता दोहोर्याउनु ठूलो अनुभव हो,’ नेयमारले भने । यस वर्ष मात्र उनले २५ खेलमा चार हयाट्रिकसहित २७ गोल गरेका छन् । ‘यो मेरो खेल जीवनकै सबैभन्दा ठूलो वर्ष हो,’ गत मेमा कोपा लिबरेसनको अन्तिम १६ को खेलमा बोलिभारलाई ८–० ले पराजित गरेपछि नेयमारले भनेका थिए, ‘यस्तो टिममा रहेर खेल्दै इतिहास बनाउँदा म निकै सुखद् अनुभूति गरिराखेको छु ।’
ब्राजिलका फुटबल फ्यान तथा स्थानीय मिडियाले सन् २०१० को विश्वकपमै नेयमारलाई राष्ट्रिय टोलीमा राख्न दबाब दिए पनि उनले ठाउँ पाएनन् । तर सोही वर्षको अन्त्यतिर अमेरिकाविरुद्ध भएको मैत्रीपूर्ण फुटबल खेलबाट अन्तर्राष्ट्रिय फुटबलमा डेब्यु गर्दै नेयमारले राष्ट्रिय टोलीका लागि पहिलो खेलमा गोल गरेका थिए । राष्ट्रिय टिमबाट अहिलेसम्म १६ म्याच खेल्ने क्रममा नेयमारले आठ गोल गरिसकेका छन् । एपी
Comments
अरु समाचार
-
भिसा नआएपछि नेपाली राष्ट्रिय टोलीको ‘फ्लाइट क्यान्सिल’
काठमाडौँ। इङ्ल्यान्ड ‘सी’ सँग मैत्रीपूर्ण खेल खेल्न बेलायत प्रस्थान गर्न लागेको नेपाली राष्ट्रिय टोलीको ‘फ्लाइट क्यान्सिल’ भएको छ। टोली मंगलबार बिहान...
-
भलिबल प्रतियोगितामा नेपालले बङ्गलादेशसँग फाइनल खेल्दै
काठमाडौं । नेपाली टोलीले मित्रराष्ट्र बङ्गलादेशको राजधानी ढाकामा जारी अन्तर्राष्ट्रिय यु–१९ भलिबल प्रतियोगिताको आज फाइनल खेल खेल्दै छ । नेपालले...
-
नेपाललाई जितका लागि १६१ रनको लक्ष्य
काठमाडौं । वेस्ट इन्डिज ‘ए’ले नेपाल सामू जितका लाग एक सय ६१ रनको लक्ष्य प्रस्तुत गरेको छ । कीर्तिपुरस्थित त्रिभुवन...
-
वेस्ट इन्डिज ‘ए’ विरुद्ध टस हारेर फिल्डिङमा नेपाल, टिममा पाँच परिवर्तन
काठमाडौं । नेपालले दोस्रो टी-२० खेलमा वेस्टइन्डिज ए सँग टस हारेर पहिला फिल्डिङ गर्ने भएको छ । त्रिवि क्रिकेट मैदान...
-
नेपाल र वेस्ट इन्डिजबीच आजदेखि ऐतिहासिक पाँच खेलको सिरिज
काठमाडौं । नेपाल र वेस्ट इन्डिज ‘ए’ बिच शनिबारदेखि कीर्तिपुरस्थित त्रिवि अन्तर्राष्ट्रिय क्रिकेट मैदानमा पाँच खेलको सिरिज सुरु हुँदैछ। टी-२०...
-
पुलिस क्लब राष्ट्रिय भलिबल प्रतियोगिताको फाइनलमा
काठमाडौं । नेपाल पुलिस क्लब राष्ट्रिय महिला भलिबल प्रतियोगिताको फाइनलमा प्रवेश गरेको छ । आज भएको खेलमा त्रिभुवन आर्मी क्लबलाई...
-
जिल्ला लिग फुटबलको तेस्रो संस्करण वैशाख–१५ गतेदेखि
काठमाडौं । खोटाङमा जिल्ला लिग फुटबल प्रतियोगिताको तेस्रो संस्करण वैशाख–१५ अर्थात् भोलिदेखि सञ्चालन हुँदै छ । खोटाङ जिल्ला फुटबल सङ्घको...
-
धुलिखेलमा भोलिदेखि राष्ट्रिय महिला हक्की प्रतियोगिता
काठमाडौ । धुलिखेलमा भोलिदेखि राष्ट्रिय महिला हक्की प्रतियोगिता हुने भएको छ । धुलिखेलको खेल मैदानमा हुने छैटौँ सहाना प्रधान स्मृति...
-
भलिबल टोली बङ्गलादेश प्रस्थान
काठमाडौं । बङ्गलादेशको राजधानी ढाकामा हुने भलिबल प्रतियोगितामा सहभागी हुन ११ जना खेलाडी तथा प्रशिक्षक टोली त्यसतर्फ प्रस्थान गरेको छ...