रेडपाण्डाको आकर्षण लाङ्टाङको पर्यटक आगमनमा वृद्वि
रसुवा, २९ जेष्ठ । स्याफ्रुबेँसी, लाङ्टाङ र स्याङजेन क्षेत्रलाई रेडपाण्डा पदमार्ग नामकरण भएपश्चात् आन्तरिक पर्यटकको आगमनमा वृद्धि हुन थालेको छ ।
लाङ्टाङ पुनःनिर्माण एवं व्यवस्थापन समितिका अध्यक्ष तेम्बा लामाका अनुसार लाङ्टाङ गोसाइँकुण्ड पर्यटकीय एवं धार्मिक मार्गको वन जंगल क्षेत्रमा विश्वकै दुर्लभ रेडपाण्डा सन् १९८७ मा भेटिएको थियो ।
प्रदेश नं ३ को सरकारले स्याफ्रुबेँसी–लाङ्टाङलाई रेडापाण्डा पदमार्ग घोषणा गरेलगत्तै आन्तरिक पर्यटकको आगमनमा वृद्धि भएको हो ।
रेडपाण्डाको संरक्षणमा कार्ययोजना बनाई अगाडि बढे पनि प्रचारप्रसारको कमी छ । रेडपाण्डा पर्यटक मार्ग नामकरण भएपछि यसको प्रभाव विश्वमै फैलिन गई हिमाली प्रकृतिको छटा, स्थानीय कला संस्कृतिका साथै रेडपाण्डा अवलोकनका लागि पर्यटकको आगमनमा वृद्धि हुने अपेक्षा गरिएको लाङ्टाङ राष्ट्रिय निकुञ्जका प्रमुख संरक्षण अधिकृत युवराज रेग्मीले बताए ।
पर्यटक आगमनमा वृद्धि हुनासाथ पर्यटकको प्रवेश शुल्कबाट राजश्व वृद्धि हुने, पथ प्रदर्शक र होटल व्यवसायबाट स्थानीय बासिन्दाले रोजगारीको अवसर पाउने रेग्मी बताउछन् । ।
सहभागितामूलक तवरले रेडपाण्डा संरक्षण गराँै भन्ने भावना जगाउन फोहरजन्य वस्तु सुरक्षित ठाउँमा व्यवस्थापन गरी सबै पर्यटकीय क्षेत्र वातावरणमैत्री बनाउनु जरुरी भएको उनको भनाइ छ ।
सन् १९८७ मा ६ महिनाको अध्ययनपश्चात चन्दनबारी, ठूलो स्याँफ्रु, लाङ्टाङ मार्गको लामा होेटल आसपास क्षेत्रमा रेडपाण्डा भएको पुष्टि भएको थियो । सो कार्यमा स्व. प्रह्लाद योञ्जनको महत्वपूर्ण योगदान रहेको छ ।
रेडपाण्डा (रातो हाब्रे) संंरक्षणका लागि विश्व वन्यजन्तु सप्ताहको अवसर पारेर वर्षेनी साताव्यापी रुपमा रेडपाण्डा भलिबल प्रतियोगिता समेत सञ्चालन गरिँदै आएको छ । रेडपाण्डा संरक्षणका लागि नियमित गस्ती गरिँदै आएको छ । चोरी शिकारीलाई निरुत्साहित गर्न नेपाली सेनाले गस्ती तीव्र पारेको निकुञ्जका रेञ्जर रमेश बस्नेतले बताए।
रसुवा, नुवाकोट र सिन्धुपाल्चोकको उच्च भाग एक हजार ७१० वर्ग किलोमिटर संरक्षित क्षेत्र तथा ४२० वर्ग किमी मध्यवर्ती क्षेत्रमा रहेको लाङ्टाङ राष्ट्रिय निकुञ्जको सुरक्षाका लागि नेपाली सेनाको कालीजंग गण तैनाथ रहेको छ ।
Comments
अरु समाचार
-
आज कांग्रेस संसदीय दल कार्यसमिति र संसदीय दलको बैठक
काठमाडौं । कांग्रेस संसदीय दलका प्रमुख सचेतक रमेश लेखकले कांग्रेस संसदीय दल कार्यसमिति र संसदीय दलको बैठक आज बिहान बस्ने...
-
केही पहाडी भूभागमा हुरिबताससहित सामान्य वर्षा हुँदै
काठमाडौं । अहिले कोशी प्रदेशको केही ठाउँ र बागमती प्रदेशको पहाडी भूभागको केही ठाउँमा मेघगर्जन, हुरीबतास एवम् चट्याङसहित समान्य पानी...
-
‘प्रधानमन्त्री छोरी आत्मनिर्भरता’ भन्ने सुनेपछि संसदमा हाँसोको फोहरा
काठमाडौ । राष्ट्रपति रामचन्द्र पौडेलले झण्डै २ घण्टा लगाएर सरकारको नीति तथा कार्यक्रम प्रस्तुत गरे । मंगलबार संसदको दुवै सदनमा...
-
केही पहाडी उच्च स्थानमा हिमपात र केही ठाउँमा वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा स्थानीय र पश्चिमी वायुका साथै भारतको बिहार आसपास...
-
सर्वोच्च अदालतले वर्ल्डलिंकले हालेका सबै रिट खारेज गरिदियो, २ अर्ब कर तिर्नुपर्ने
काठमाडौं । इन्टरनेट सेवाप्रदायक वर्ल्डलिंकले सरकारलाई तिर्नुपर्ने अर्बौं कर छल्न गरेको कानूनी प्रयास असफल भएको छ । वर्ल्डलिंकले हालेका ८...
-
देशका विभिन्न भागमा वर्षा, दिनभरी नै हल्कादेखि मध्यम वर्षा हुने
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु, स्थानीय वायुका साथै भारतको बिहार आसपास...
-
एक सातासम्म मेघगर्जनसहित पानी पर्ने,चट्याङबाट जोगिन विज्ञको आग्रह
काठमाडौं । अहिले नेपालमा सक्रिय मौसमी प्रणाली आगामी केही दिनसम्म रहने भएकाले यो साताभरि नै देशका विभिन्न भागमा मेघगर्जनसहित पानी...
-
वर्षाका कारण धेरै ठाउँको डढेलो निभ्यो, केही ठाउँकाे भने कायमै
काठमाण्डौ । लामो समयपछि परेको पानीले देशका केही ठाउँमा डढेलो निभाएको छ । हिजो परेको पानीसँगै कोशी, गण्डकी र बाग्मती...
-
सहमतिमा करणी ठहर, तिनै बाबाको निवासमा महिला डेपुटी गभर्नर
काठमाडौं । राष्ट्र बैंककी डेपुटी गभर्नर निलम ढुंगाना तिम्सिना दुई साताअघि ‘एक पन्थ दो काज’ को शैलीमा सुनसरीको चतराधाम पुगिन्...