ताजा समाचार

निर्मला हत्या प्रकरण– डीएनए रिपोर्ट मिलेन, मुख्य अभियुक्त बनाइएका दिलिप विष्ट रिहा

अपराध
-
       

काठमाडौं २७,भदाै । कञ्चनपुरकी बालिका निर्मला पन्त हत्या प्रकरणमा मुख्य अभियुक्त बनाइएका दिलिपसिंह विष्ट साधारण तारेखमा रिहा भएका छन् ।

जिल्ला प्रहरी कार्यालय कञ्चनपुरका एसपी कुवेरसिंह कडायतका अनुसार डीएनए रिपोर्ट नमिलेपछि उनी साधारण तारेखमा छुटेका हुन् । यस्तै निर्मलाकी साथी भनिएकी रोशनी बम पनि साधारण तारेखमा रिहा भएकी छन् भने उनी दिदी बबिता बम ३० हजार धरौटीमा रिहा भएकी छन्  ।

कञ्चनपुरको तत्कालीन प्रहरी नेतृत्वले मुख्य अभियुक्त भनेर दिलिपसिंह विष्टलाई सार्वजनिक गरेको थियो ।   तत्कालीन प्रहरी प्रमुख एसपी डिल्लीराज विष्टले दिलिपसिंहलाई फसाउन खोजेको भन्दै कञ्चनपुरमा आन्दोलन चर्किएको थियो । आन्दोलनमा गोली चलाउँदा शनि खुनाको ज्यान गएको थियो । तत्कालीन एपपी डिल्लीराज विष्ट नेतृत्वको प्रहरीले अनुसन्धानमा त्रुटि गरेको भन्दै उनी निलम्बनमा परेका थिए ।

Comments

प्रकाशित मिति : 2018-09-12

अरु समाचार

© NewsNepal 2018 - All Right Reserved.
newsnepal.com 2017.hlon.org