लेखा समितिले माग्यो वाइडबडीको कागजात
काठमाडाैँ २८,भदाै । नेपाल वायुसेवा निगमले पहिलोपटक खरिद गरेको दुई थान वाइडवडी जहाजमा अनियमितताको चर्चा भएपछि संसदको सार्वजनिक लेखा समितिले यसमा छानबिन गर्ने भएको छ । समितिले संस्कृति, पर्यटन तथा नागरिक उड्डयन मन्त्रालयलाई पत्र लेख्दै बिहीबारसम्ममा यससँग सम्बन्धित सबै कागजात उपलब्ध गराउन निर्देशन दिएको छ ।
निमगले एयरवस ३३०–२०० सिरिजका २ वटा वाइडबडी जहाज खरिद गरेको छ । यी जहाज खरिद प्रक्रियामा अनियमितताको आशंका गर्दै विभिन्न सञ्चारमाध्यममा समाचार आएपछि समितिले खरिदसँग सम्बन्धित कागजात उपलब्ध गराउन पत्र काटेको हो ।
“हामीले वाइडबडी जहाज खरिद प्रक्रियाको विषयमा छानबिनका लागि सबै कागजपत्र मगाएका छौं,” लेखा समितिका सचिव रोजनाथ पाण्डेले भने । मन्त्रालयलाई तीन दिनको समय दिएर सोमवार पत्र काटिएको र बिहीबार साँझ पाँच बजेसम्म समितिको सचिवालयमा सवै काजगपत्र बुझाउन समय दिइएको समेत सचिब पान्डेले जानकारी दिए ।
निगमको पहिलो एयरबस ३३०–२०० सिरिजको अन्नपूर्ण नाम दिइएको जहाज जेठमा त्रिभुवन अन्तर्राष्ट्रिय विमानस्थलमा अवतरण गरेको थियो भने सोही सिरिजको मकालु नाम दिइएको दोस्रो जहाज पनि गत असारमा आइपुगेको थियो ।
जहाज खरिद तथा इन्जिनका वारेन्टीका विषयमा धेरै विषयहरू बाहिर आएपछि समितिका सदस्यको मागबमोजिम सबै डकुमेन्ट मगाइएको सचिव पान्डेले जानकारी दिए । समितिले विस्तृत अध्ययन र छानबिनपछि जवाफका लागि सम्बन्धित निकायका प्रतिनिधिहरूलाई बोलाउने उनले जानकारी दिए ।
निगमले दुई थान वाइडबडी जहाज २० करोड ८० लाख १६ हजार डलर अर्थात २२ अर्व ६३ करोड रुपैयाँमा खरिद गरेको हो । दुई थान वाइडबडी जहाज खरिदपछि निगमसँग अन्तर्राष्ट्रिय उडानका लागि ५ वटा जहाज छन् ।
जहाज खरिद सम्झौतामा नयाँ जहाजको इन्जिन तथा स्पेयर्स पार्ट्सको वारेन्टी र ग्यारेन्टी कति समय हुने विषय नै उल्लेख नगरेका विषयदेखि खरिदमा अनियमितता भएका विषयसमेत सार्वजनिक भएपछि सार्वजनिक लेखा समितिले चासो दिएको हो । निगमले दुई थान एयरवस ३३०–२०० सिरिजको वाइडबडी जहाज मार्फत नेपाल चीन विभिन्न शहर सहित दक्षिण कोरिया, जापान, साउदी अरबलगायत लामो दूरीमा उडान गर्ने लक्ष्य राख्दै जहाज खरिद गरेको हो ।
अर्थले ५ अर्ब नदिने
निगमले ६ वटा ट्वीनअटर विमान खरिदका लागि सरकारसँग ५ अर्ब रुपैयाँ मागे पनि अर्थ मन्त्रालयले भने तत्काल दिन नसकिने जनाएको छ । निगमले चुक्ता पुँजीमा रहने गरी ५ अर्ब रुपैयाँ उपलब्ध गराउन संस्कृति पर्यटन तथा नागरिक उड्डयन मन्त्रालयमार्फत अर्थमा माग गरेको थियो ।
पर्यटनले पठाएको उक्त प्रस्ताव अर्थले भने अस्वीकार गरेको हो । अर्थमन्त्री डा. युवराज खतिवडाले चैतसम्म उक्त रकम उपलब्ध गराउन नसकिने जवाफ दिएको पर्यटन स्रोतले जानकारी दिएको छ । अर्थले सहमति नदिएपछि ट्वीनअटर विमान खरिद रोकिने भएको छ । निगमले कम्पनीको चुक्ता पुँजी २० अर्ब पु-याउने भन्दै त्यसैअन्तर्गत पहिलो चरणमा ५ अर्ब माग गरेको थियो । निगमको चुक्तापूँजी हाल ३६ करोड रुपैयाँमात्रै छ ।
Comments
अरु समाचार
-
दश महिनामा करिब एक्काइस अर्ब राजस्व सङ्कलन
काठमाडौं । नवलपरासी (बर्दघाट–सुस्तापूर्व)मा चालु आर्थिक वर्षको १० महिनामा करिब रु २१ अर्ब राजस्व सङ्कलन भएको छ । कोष तथा...
-
नेप्से परिसूचकमा झिनो अङ्कको बृद्धि
काठमाडौं । धितोपत्र बजारमा शेयर कारोबार मापक नेप्से परिसूचक आज झिनो अङ्कले उकालो लागेको छ । नेपाल स्टक एक्सचेञ्जका अनुसार,...
-
वीरगञ्ज सुक्खा बन्दरगाहबाट ४० अर्ब ८३ लाख राजस्व सङ्कलन
काठमाडौं । सुक्खा बन्दरगाह भन्सार कार्यालय वीरगञ्जले चालु आर्थिक वर्षको १० महिनामा रु ४० अर्ब तीन करोड ८३ लाख ३८...
-
‘सरकारमा रहँदा कांग्रेसले टी-स्टेटको जग्गा बेचेर कमिसन खायो, छानबिन हुनुपर्छ’
काठमाडौं । सत्तारुढ प्रमुख घटक नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले तत्कालीन कांग्रेस नेतृत्वको सरकारले गिरीबन्धु टी-स्टेटको...
-
आगामी ५ वर्षमा आर्थिक वृद्धिदर ७.३ प्रतिशत पुर्याउने लक्ष्य
काठमाडौं । आगामी पाँच वर्षमा मुलुकको आर्थिक वृद्धिदर ७.३ प्रतिशत पु¥याउने लक्ष्य राखिएको छ । राष्ट्रिय योजना आयोगले आज यहाँ...
-
सोह्रौँ योजना कार्यान्वयन गर्न अनुमानित लागत रु एक सय ११ खर्ब
काठमाडौं । सोह्रौँ योजना कार्यान्वयनका लागि करिब रु एक सय ११ खर्ब लागत अनुमान गरिएको छ । राष्ट्रिय योजना आयोगले...
-
नेप्से परिसूचक नौ दशमलव ५४ अङ्कले घट्यो
काठमाडौं । नेपाल स्टक एक्सचेञ्ज (नेप्से) परिसूचकमा नौ दशमलव ५४ अङ्कको गिरावट देखिएको छ । आज परिसूचक शून्य दशमलव ४७...
-
प्रतितोला एक हजार रुपैयाँले बढ्यो सुनको मूल्य
काठमाडौं । नेपाली बजारमा बुधबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १...
-
सामान्य घट्यो सुनको मुल्य
काठमाडौं । आज नेपाली बजारमा सुनको मूल्य घटेको छ। अघिल्लो दिन प्रतितोला ३ सय रुपैयाँले घटेको सुनको मूल्य आज पनि...