अनुगमन टोलिको विरोधमा उदयपुर कटारी बजार बन्द गरेर व्यापारी आन्दोलित
कटारी २२, असोज । चाडबाड नजिकिएसँगै उपभोक्ताहरुको हितका लागि प्रशासनले थालेको अनुगमनको विरोध गर्दै उदयपुरको कटारी बजारका व्यापारीहरुले बजार बन्द गराएका छन् । आईतबारदेखि ईलाका प्रशासन कार्यालय कटारीका प्रमुख सुनिल पौडेलको नेतृत्वमा अनुगमन जारी रहेको थियो ।
सोमबार विहानै देखि फेरी अनुगमन सुरु भएपछि व्यापारीहरुले बजार बन्द गराएका हुन् । ईलाका प्रहरी कार्यालय कटारीका प्रमुख डिएसपी धु्रबकुमार श्रेष्ठ , शसस्त्र प्रहरी वेस क्याम्प लगायतका सरोकारवालाहरुले अनुगमन सुरु गरेका थिए ।
अनुगमन टोलीका प्रमुख पौडेलले व्यापारीहरुले बजार बन्द गर्नुको कारण टोलीलाई थाहा नभएको बताउँदै प्रशासनले पाउने अधिकार बमोजिम म्याद गुजे्रका सामाग्री बरामद गर्ने , मूल्य सूचि हेर्ने ,प्यान भ्याटमा दर्ता भए नभएको बारे जानकारी लिने गरी अनुगमन गरिरहेको बताए । ‘माथिल्लो निर्देशनले के के अधिकार दिएको छ त्यहि हेर्दै छौं हामी हाम्रो काममा छ उहाँहरुले किन पसल बन्द गर्नुभयो थाहा भएन् ।’पौडेलले भने ‘अनुगमनका क्रममा एउटा पसलमा प्यान भ्याट केहि भेटिएन कुनै कागजात विना संञ्चालनमा रहेको पसललाई कागजात बनाएर संञ्चालन गर्नुहोस भनेर बन्द गर्न निर्देशन दिएका थियौं त्यहि आक्रोस हुन सक्छ ,हामी हाम्रो काममा छौं ।’
उदयपुर उद्योग वाणिज्य संघ कटारीका अध्यक्ष पुष्कर खड्काले अनुगमनका क्रममा टोलीले आफ्नो अधिकार भन्दा बाहिर रहेर व्यापारीलाई दुःख दिएको विरोधमा बजार बन्द गरेको बताए ।‘कपडा , पसल ,जुत्ताचप्पल पसलमा जाने मुल्य सोध्ने ,बील खोज्ने गर्न खोजियो, त्यो अधिकार उहाँहरुको टोलीलाई छैन् ।’खड्काले भने –‘अधिकारभन्दा बाहिर गएर व्यापारीलाई दुःख दिएपछि बजार बन्द गराएका हौं ।’
उदयपुरको दोस्रो ठूलो व्यापारिक केन्द्र कटारीबाट पहाडी जिल्ला ओखढुंगा ,खोटाङ्ग,सोलुखुम्बुमा व्यापक रुपमा म्याद गुजे्रका अखाद्य वस्तु निर्यात भएको त्यहाँको प्रशासनले गरेको अनुगमनमा पाईएकोले अनुगमन गरिएको प्रशासन कार्यालयका प्रमुख पौडेलले बताएका छन् । कटारीबाट भ्याट छलि गरेको ,म्याद गुज्रेको , अखाद्य वस्तुहरु पहाडी जिल्लाहरुमा निर्यात हुने गरेको त्यहाँको अनुगमनहरुमा पाईएको गुनासो आएपछि अनुगमन सुरु गरिएको थियो ।
अनुगमनका क्रममा आईतबार पनि पसलहरुमा मूल्यसूचि नराखिएको , म्याद गुज्रिएको पेय पदार्थ , म्याद नै नराखिएको चिउरा , म्याद गुज्रेका हुलासका चामल ,लगायतका अखाद्य वस्तुहरु बरामत गरिएको थियो । चाडबाड नजिकिएपछि देशका प्राय शहरबजारहरुमा प्रशासनले अनुगमन गरिरहेको छ । बजारका अधिकांस पसलहरुमा अनुगमन नै नगरी आईतबार दिउँसोबाट सुरु गरिएको अनुगनम सोमबार विहान सुरु हुनु वित्तिकै व्यापारीले बजार बन्द गराएका हुन् ।
कटारी नगरपालिकाले यस अघि अनुगमन समिति गठन गरेपनि समिति चाडबाड मुखैमा आईपुग्दा समेत निष्कृय रहेको छ ।बजार बन्द भएपछि चाडबाडका लागि किनमेल गर्न आएका गाउँगाउँका उपभोक्ताहरु भने समस्यामा परेकाछन् ।
भिडियो हेर्नुहोस
Comments
अरु समाचार
-
अग्निपीडितलाई आर्थिक सहयोग
काठमाडौं । जिल्लाको रोशी गाउँपालिका–४ सानोपोटा गाउँका अग्निपीडितलाई आर्थिक एवं भौतिक सहयोग गरिएको छ । उक्त गाउँका १५ परिवारलाई जिल्ला...
-
सुनको मूल्य तोलामा रु दुई हजारले वृद्धि
काठमाडौं । स्थानीय बजारमा पहेँलो धातुको मूल्य तोलामा रु दुई हजारले वृद्धि भएको छ । नेपाल सुनचाँदी व्यवसायी महासङ्घका अनुसार...
-
आइटी क्षेत्रलाई सरकारले प्राथमिकतामा राख्न जरूरी छ : अध्यक्ष ढकाल
काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले आइटी क्षेत्रलाई सरकारले प्राथमिकतामा राख्न जरुरी रहेको बताएका छन्। बिहीबार काठमाडौंमा...
-
नेतृत्वले जोखिम मोल्नुपर्ने अवस्था आएको छ : अर्थमन्त्री पुन
काठमाडौँ । अर्थमन्त्री वर्षमान पुनले आगामी आर्थिक वर्षको बजेट निर्माण सम्बन्धमा पूर्वप्रशासक र अर्थ क्षेत्रका विज्ञसँग परामर्श गरेका छन् ।...
-
श्रमिकको समस्या समाधान गर्न सरकारले सुरु गर्यो ‘श्रमाधान’ सेवा
काठमाडौं । श्रमिकका विभिन्न समस्या, गुनासो र जिज्ञासालाई समाधान र सुधार गर्ने उद्देश्यसहित सरकारले श्रमाधान सेवाको थालनी गरेको छ ।...
-
आईएमई ग्रुप र पीटी पीएलएन नुसन्तराबीच साझेदारी, ऊर्जा परियोजना सम्झौतामा हस्ताक्षर
काठमाडाैं । आईएमई ग्रुप र इन्डोनेसियाको पीटी पीएलएन नुसन्तरा कम्पनीले नेपालमा ऊर्जा परियोजनाहरूको विकासमा साझेदारी गर्ने भएका छन् । आईएमई...
-
नौ महिनामा एक अर्ब ७८ करोड राजस्व सङ्कलन
काठमाडौं । आन्तरिक राजस्व कार्यालय धनगढीले चालु आवका नौ महिनामा रु एक अर्ब ७८ करोड ९८ लाख राजस्व सङ्कलन गरेको...
-
विकासका उपलब्धि जोगाउन सार्थक सहयोगका लागि उपप्रधानमन्त्री यादवकाे जोड
काठमाडौँ, १८ वैशाखः उपप्रधानमन्त्री एवं स्वास्थ्य जनसङ्ख्यामन्त्री उपेन्द्र यादवले स्वास्थ्य क्षेत्रमा नेपालले हासिल गरेका उपलब्धिलाई जोगाइराख्न संयुक्त राष्ट्रसङ्घलगायत अन्तर्राष्ट्रिय विकास...
-
नेपालमै विद्युतीय गाडी उत्पादन गर्न चिनियाँ कम्पनीसँग सम्झौता (फोटोफिचर)
विराटनगर। कोशी एन के मोटर्स स्वदेशमै बिजुली गाडीहरुको उत्पादनका लागि स्थापना भएको कम्पनी हो । चाइनाको विश्वबिख्यात बस निर्माता कम्पनी...