महान्यायाधिवक्ता खरेललाई प्रधानन्यायाधीश राणाकाे प्रश्न : मुद्दा बृहत् पूर्ण इजलास लैजान किन मिल्दैन ?

राजनीति

- न्युज-नेपाल

काठमाडाैँ । सर्वोच्च अदालतको संवैधानिक इजलासमा प्रतिनिधिसभा विघटनसम्बन्धी मुद्दामा सुनुवाइ जारी छ ।

सुनुवाइमा महान्यायाधिवक्ता अग्नि खरेलले बहस गरेका छन् । उनले प्रतिनिधिसभा विघटनसम्बन्धी मुद्दाकाे सुनुवाइ बृहत् पूर्ण इजलासमा लैजानुनपर्ने तर्क गरेका छन् ।

बहसका क्रममा महान्यायाधीवक्ता खरेललाई प्रधानन्यायाधीश चाेलेन्द्रशमशेर राणाले प्रश्न गरे, ‘कानुनी जटिलताको विषय उठाएर यसलाई बृहत् पूर्ण इजलासमा लैजान किन मिल्दैन ? विगता ११ जनाकाे बृहत् पूर्ण इजलास थियाे । त्याेभन्दा कम राखेर ११ जनाले गरेकाे व्याख्यालाई ओभर रुल गर्ने हैसियत राख्छ ? कम संख्यामा न्यायाधीश राखेर ओभर रुल गरियो भने भोलि न्याय प्रणालीले के भन्ला ?’

यसअघि बहस गरेका निवेदकतर्फका कानुन व्यवसायीले संवैधानिक इजलासकाे क्षेत्राधिकारमा प्रश्न उठाउँदै मुद्दाकाे सुनुवाइ बृहत् पूर्ण इजलासमा हुनुपर्ने तर्क गरेका थिए ।