‘एक व्यक्ति, एक मुख्य जिम्मेवारी’ प्रचण्ड–नेपाल पक्षको ‘बटमलाइन’
पार्टीभित्र चलेको बहस पद प्रतिष्ठाको नभई विधि, पद्दति र सिद्धान्त हो
काठमाडौं । दल नेपाल कम्युनिष्ट पार्टीका कार्यकारी अध्यक्ष पुष्पकमल दाहाल ‘प्रचण्ड’ले नफुट्ने र सहि दिशा लिने भन्दै खुसी व्यक्त गरेका छन् ।
पार्टीभित्र पछिल्लो समय चर्कंदै गएको विवादमा कुन पक्ष सहि र कुन पक्ष गलत भएको कुरा सार्वजनिक रुपमा प्रष्ट भएको भन्दै उनले खुसी व्यक्त गरेका हुन् । शुक्रबार बिहान खुमलटार पुगेका आफू निकटका केही नेताहरुसँग प्रचण्डले पूर्वमाओवादी भित्रका सबै तहका नेता कार्यकता आफ्नै वरिपरि रहेको जानकारी समेत गराएका छन् । एकताका बाँकी काम टुंग्याउने र अहिले उठेको बहसलाई पनि एक महिनाभित्र टुंगो लगाएर अघि बढ्ने दिशामा बढ्ने उनले बताए ।
नेकपा स्थायी कमिटीमा रहेका पूर्व माओवादीका दर्जन बढी नेता कार्यकर्ताले प्रचण्डलाई छाडेकोे चर्चा चलिरहँदा अध्यक्ष दाहालले कोहीपनि आफूबाट टाढा नभएको बताएका हुन् । पार्टीभित्र अहिले चलेको बहस पद प्रतिष्ठाको नभई विधि, पद्दति र सिद्धान्तको भएको उनले बताए । साथै, लोकतान्त्रीक गणतन्त्रलाई संस्थागत गर्ने कि नगर्ने ?, संघीयता जोगाउने कि नजोगाउने ?, समावेशीताको सिद्धान्त पालना गर्ने वा नगर्ने ?, राष्ट्रियता कसरी मजबुद गर्ने ? र जनजिविकाका सवाल कसरी हल गर्ने भन्ने नै अहिलेको बहसको केन्द्रीय विषय रहेको उनले बताए ।
अघिल्लो निर्वाचनबाट झण्डै दुई तिहाईको मत ल्याएपनि वर्तमान सरकारले सो अनुकुल काम गर्न नसकेको, पार्टीले सरकार चलाउने कम्युनिष्ट सिद्धान्त त्यागेकाले नै अहिले पार्टीभित्र यो बहस सिर्जना भएको बताउँदै प्रचण्डले यसको समाधान प्रधानमन्त्री ओलीले कम्तिमा एउटा पद (पार्टी अध्यक्ष या प्रधानमन्त्री) छोडेपछिमात्र समाधान निस्कने उनले आफूनिकट नेताहरुलाई बताएका छन् ।
पार्टीले गरेको निर्णय, सिद्धान्त मान्दिँन भन्दै अधिकार कसैलाई नहुने बताउँदै प्रचण्डले अन्ततः प्रधानमन्त्री ओलीपनि पार्टीको विधि र अधिकारभित्र बस्न तयार हुनपर्ने बताएका छन् । उनले स्थायी कमिटीको बैठक छिट्टै बस्ने र त्यहाँभित्र उठेका विषयमा चाँडै सकारात्मक निर्णय हुने उनले नेताहरुलाई बताएका छन् । नेकपाको गत १० असारदेखि सुरु भएको स्थायी कमिटी बैठकबाटै प्रधानमन्त्री केपी शर्मा ओलीको राजीनामा माग भइरहेको छ । पछिल्ला केही राजनीतिक घटनाक्रमले नयाँ मोड लिएसँगै प्रचण्ड केही संशकित भएका थिए ।
विशेषगरी नेकपाका उपाध्यक्ष समेत रहेका नेता बामदेव गौतम ओलीसँग नजिकिँदै गएको र कित्ता परिवर्तनको संकेत मिलेको जस्ता खबर आएसाग प्रचण्ड–नेपाल पक्ष आत्तिएको थियो । तर, गौतमले प्रचण्ड निकट केही नेताहरुलाई घरमै भेटघाट गरेर आफू ओलीविरुद्ध नलागेको प्रष्ट पारेका थिए । अधयक्ष दाहालसहितका नेताहरु पार्टी विधि चल्नपर्ने भन्दै व्यक्तिभन्दा पार्टी ठूलो हो भनिरहेका छन् ।
Comments
अरु समाचार
-
‘‘संविधानको पूर्ण कार्यान्वयन भए जनताको निराशा हटनेछ’’: मन्त्री गुरुङ
काठमाडौं । संविधान कार्यान्वयनका नौ वर्षलाई हेर्दा निराश हुनुपर्ने अवस्था छैन । विश्वका अन्य देशमा नयाँ संविधान बनिसकेपछिको अभ्याससँग तुलना...
-
संवैधानिक स्वतन्त्रताको उपभोग गरेर भविष्य सुरक्षित गर्नुपर्नेमा प्रधानमन्त्रीको जोड
काठमाडौं। प्रधानमन्त्री केपी शर्मा ओलीले संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने बताएका छन् । संविधान दिवसका अवसरमा आज...
-
संविधानको मर्मअनुरुप काम गर्नुपर्छः मुख्यमन्त्री कार्की
काठमाडौं । कोशी प्रदेशका मुख्यमन्त्री हिक्मतकुमार कार्कीले संविधानको मर्मअनुरुप कार्यसम्पादन गर्नुपर्नेमा जोड दिएका छन् । साथै उनले मुलुकलाई सामाजिक न्यायसहित...
-
जम्मू–कश्मीर विधानसभा चुनावमा ५९.१९ प्रतिशत मतदान
दिल्ली । जम्मू–कश्मीरमा बुधबार भएको विधानसभा चुनावको पहिलो चरणमा साँझ पाँच बजेसम्म ५९ दशमलव १९ प्रतिशत मतदान भएको छ ।...
-
संविधान दिवस २०८१ आज हर्षोल्लासका साथ मनाइँदै
काठमाडौँ । संविधान दिवस तथा राष्ट्रिय दिवस २०८१ आज स्वदेश तथा विदेशमा विभिन्न कार्यक्रम गरी हर्षोल्लासका साथ मनाइँदैछ । नेपाल...
-
दुर्गा प्रसाईंलाई पक्राउ गर्न प्रहरीलाई अदालतले दियो अनुमति
काठमाडौं । बी एन्ड सी मेडिकल कलेज झापाका सञ्चालक दुर्गा प्रसाईंविरुद्ध पक्राउ पुर्जी जारी भएको छ । बुधबार काठमाडौं जिल्ला...
-
वनमन्त्री शाहीसँग कतारका राजदूतको शिष्टाचार भेट
काठमाडौं । वन तथा वातावरण मन्त्री ऐनबहादुर शाही ठकुरीसँग नेपालका लागि कतारका राजदूत मिशाल मोहमद अल अन्सारीले शिष्टाचार भेट भएको...
-
एसइई नतिजामा उल्लेख्य सुधार ल्याउन नीतिगत पहल सुरु भइसकेको छ: प्रधानमन्त्री ओली
काठमाडौं। प्रधानमन्त्री केपी शर्मा ओलीले आउँदो कक्षा १० को माध्यमिक शिक्षा परीक्षा (एसइई)को नतिजालाई लगभग ७० प्रतिशतसम्म पुर्याउन नीतिगत पहल...
-
कोशीका मुख्यमन्त्री कार्कीले आज विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आज प्रदेशसभामा विश्वासको मत लिने भएका छन् । विश्वासको मत प्रयोजनका लागि दिउँसो...