छलफल गरेको भए दाङ नै राजधानी स्वीकार्न सकिन्थ्यो, सत्तापक्षले दम्भ देखायो: कांग्रेस
प्रदेश नम्बर ५ का विपक्षी दल नेपाली कांग्रेसका नेता वीरेन्द्रकुमार कनौडियाले विस्तृत छलफल गरेर प्रदेशको राजधानी तोकेको भए दाङ पनि स्वीकार्य हुन सक्ने बताएका छन्।
तर सत्तापक्ष नेपाल कम्युनिष्ट पार्टी नेकपाले छलफलबिना ‘छापामार शैली’मा प्रदेशको स्थायी राजधानी दाङ र नाम लुम्बिनी प्रस्ताव दर्ता गरेको उनले बताए।
‘बहुमतको दम्भमा पेलेर देखाउँछु भनेर सत्तापक्ष लाग्यो। प्रतिपक्षको हैसियत छैन भन्ने देखाउन खोज्नुभयो। हामी १९ जना छौं। प्रतिपक्षको सधैं सम्मान गर्नुपर्छ,’ मंगलबार प्रदेशसभामा बोल्दै उनले भने।
निषेधाज्ञा, आन्दोलन र मानिसहरू पक्राउ परेका बेला छिटो प्रक्रियाबाट राजधानी र नाम तोक्न सरकारले खोजेकोले आफूहरूले विरोध गरेको उनले बताए।
संसदमा कुर्सी तोडफोड र सभामुखलाई लक्षित गरी माइक प्रहार हुने घटना सिर्जना हुनुको कारण नै सरकार एकलौटी ढंगले अघि बढ्नु रहेको उनको भनाइ छ।
सोमबार प्रदेशसभामा कांग्रेस सांसदले कुर्सी तोडफोड गरेका थिए।
सत्तारूढ नेकपाले आफूसँग बहुमत हुँदाहुँदै पनि राजधानी बारेका विभिन्न प्रस्तावमाथि छलफल गर्न नसकेकाले परिस्थिति सोचेअनुसार अगाडि नबढेको उनले बताए।
राजधानीका विकल्पबारे विस्तृत रूपमा छलफल गरेको भए संसदमा तोडफोड गर्नेजस्ता विरोध पनि नहुने उनको भनाइ छ।
‘१३ जनाको सुझाव समितिले राजधानीबारे तीन विकल्प दिएकोमा त्यो प्रतिवेदन सार्वजनिक नै गरिएन,’ उनले भने, ‘दाङमा पनि कांग्रेस छन्। दाङ कांग्रेसको किल्ला नै हो। दाङ नै राजधानी पनि स्वीकार हुन सक्थ्यो तर छलफल किन गरिएन?’
१३ जनाले राजधानी कहाँ राख्ने भन्नेबारे अध्ययन गरे पनि त्यसबारे कुनै छलफल नगरेकोमा उनले असन्तुष्टि जनाएका हुन्।
दाङ, कपिलवस्तु र रूपन्देही राजधानी हुन सक्ने उक्त समितिको निष्कर्ष रहेको उनले बताए।
‘राजनीतिक संवाद नगर्ने? पेलेर जाने?’ उनले भने, ‘अहिलेसम्म जे भयो सबै बिर्सेर नयाँ ढंगले अगाडि बढौं।’
Comments
अरु समाचार
-
केही पहाडी उच्च स्थानमा हिमपात र केही ठाउँमा वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा स्थानीय र पश्चिमी वायुका साथै भारतको बिहार आसपास...
-
देशका विभिन्न भागमा वर्षा, दिनभरी नै हल्कादेखि मध्यम वर्षा हुने
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु, स्थानीय वायुका साथै भारतको बिहार आसपास...
-
एक सातासम्म मेघगर्जनसहित पानी पर्ने,चट्याङबाट जोगिन विज्ञको आग्रह
काठमाडौं । अहिले नेपालमा सक्रिय मौसमी प्रणाली आगामी केही दिनसम्म रहने भएकाले यो साताभरि नै देशका विभिन्न भागमा मेघगर्जनसहित पानी...
-
अत्याधिक गर्मी बढेपछि बुटवलका विद्यालय दुई दिन बन्द
काठमाडाैँ । अत्यधिक गर्मी बढेपछि बुटवल नगरभित्रका सबै विद्यालयमा आज र भोलि बिदा दिइएको छ । उपमहानगरपालिकाले विद्यालयहरूमा बिदा दिने...
-
लुम्बिनीको मुख्यमन्त्रीमा महराको दाबी, प्रदेश प्रमुखलाई बुझाए बहुमत सदस्यको हस्ताक्षर
काठमाडौं । लुम्बिनी प्रदेशमा मुख्यमन्त्रीको दाबी गर्दै माओवादी संसदीय दलका नेता जोखबहादुर महराले बहुमत सदस्यको हस्ताक्षर प्रदेश प्रमुखको कार्यलयमा बुझाएका...
-
कोशी, बागमती र गण्डकी प्रदेशको केही पहाडी भूभागमा हल्का वर्षा
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु तथा स्थानीय वायुको प्रभाव रहेको जनाएको...
-
उच्च पहाडी तथा हिमाली भूभागका धेरै स्थानमा हल्का वर्षा र हिमपात
काठमाडौँ । जल तथा मौसम विज्ञान मौसम पूर्वानुमान महाशाखाले ।हाल नेपालमा पश्चिमी वायुको सामान्य प्रभाव रहेको जनाएको छ। महाशाखाका अनुसार...
-
केही प्रदेशका पहाडी भूभागमा आंशिक बदली हुने
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायुको आंशिक प्रभाव रहेको जनाएको छ ।महाशाखाका...
-
केही पहाडी भूभागमा सामान्य बदली, अन्यमा मौसम सफा
काठमाडौँ ,। जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय प्रणालीको आंशिक प्रभाव रहेको जनाएको...