देउवाले प्रचण्डलाई भने- ‘फेरि कच्चा खेलमा फसिन्छ, त्यसो नगराैँ’
काठमाडाैँ । नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले मंगलबार प्रमुख प्रतिपक्षी दल नेपाली कांग्रेसका सभापति शेरबहादुर देउवालाई उनकै निवासमा भेटे।
तत्कालीन नेपाल कम्युनिष्ट पार्टीमा विवाद उत्कर्षमा पुगेपछि र सर्वोच्चको फैसलाले एमाले र माओवादी केन्द्र ब्युँतिएपछि प्रचण्डले देउवालाई सत्ता साझेदारीका लागि बेला-बेलामा भेटिरहेका छन्।
मंगलबार भएको बुढानिकलकण्ठमा देउवासँग झन्डै २० मिनेट भएको कुराकानीमा प्रचण्डले आफूहरूले प्रधानमन्त्री केपी शर्मा ओलीलाई दिएको समर्थन फिर्ता लिन लागेको उल्लेख गर्दै देउवालाई सरकारको नेतृत्व लिन प्रस्ताव गरेका थिए।
देउवानिकट एक नेताका अनुसार प्रचण्डले प्रधानमन्त्री ओलीलाई अब धेरै समय समर्थन दिन नसकिने बताए।
‘ओलीलाई धेरै समय समर्थन दिन सकिँदैन, सरकारको नेतृत्व लिन अब तपाईं तयार हुनुपर्यो भन्ने प्रचण्डको भनाइ रह्यो,’ ती नेताले भने, ‘हाम्रो गठबन्धनमा नयाँ सरकार बनाएर जानुपर्छ।’
देउवाले समय अझै परिपक्व भइनसकेको पुरानै कुरा दोहोर्याएका थिए। रेशम चौधरीबारे थारू कल्याणकारी सभासँग सरकारले वार्ता गरिरहेको र यो माग जसपाले पनि प्रधानमन्त्री ओलीसँग राखेकोले अहिले नै केही गरिहाल्ने समय नभएको देउवाको भनाइ थियो।
‘जसपाका मागमा प्रधानमन्त्री ओलीले चासो दिइरहेका छन्। वार्ता भइरहेको छ। कुरा मिल्यो भने जसपाले नै ओलीलाई साथ दिन सक्छ भन्नेमा सभापतिजी हुनुहुन्छ,’ ती नेता भन्छन्, ‘हामीले हतार गर्ने तर जसपा एमालेतिर मिल्यो भने फेरि कच्चा खेलमा फसिन्छ। त्यसो नगरौं। ’
प्रचण्डले कर्णाली र सुदुरपश्चिमका मुख्यमन्त्रीहरू हटाउने खेल चलेको उल्लेख गर्दै प्रधानमन्त्री ओलीलाई धेरै समय समर्थन दिन नसक्ने बताएको स्रोतको दाबी छ।
यसबारे प्रचण्डनिकट एक शीर्ष नेताले ओलीलाई दिइएको समर्थन फिर्ता लिइने बताए।
‘ओलीलाई दिएको समर्थन छिट्टै फिर्ता लिनुपर्छ भन्नेमा हामी छौं,’ उनले भने, ‘तर विकल्पविना फिर्ता लिँदा राजनीति थप अस्थिर बाटोमा जान्छ कि भनेर केही समय पर्खेका छौं।’
उनले कांग्रेस नयाँ सरकारको नेतृत्व लिनेमा सकरात्मक देखिएको बताए। ‘कांग्रेसले सरकारलाई नेतृत्व दिन्छ। यसबारे ऊ सकरात्मक नै देखिएको छ,’ ती नेता भन्छन्, ‘सधैँ ओलीलाई यसैगरी समर्थन गर्न सकिँदैन भन्नेमा हामी प्रष्ट छौं।’
कांग्रेस सभापति देउवाले बहुमत पुग्दैन कि भन्ने चिन्ता गरेकोले नयाँ सरकार गठन गर्न ढिलाइ भइरहेको उनको भनाइ छ। ‘कांग्रेस, जसपा र माओवादी केन्द्र भए सरकार बन्छ,’ उनले भने, ‘ओलीले प्रतिगमन गरेकोले उनलाई जसपाले साथ दिँदैन भन्नेमा हामी छौं।’
संसदमा एमालेका १२१ सांसद छन्। जसपाका ३२ सांसद छन्, दुई जना निलम्बनमा छन्। कांग्रेसका ६३ मध्ये अहिले ६१ सांसद छन्, दुई जना निलम्बनमा छन्। माओवादी केन्द्रले समर्थन फिर्ता लिएमा एक महिनाभित्र प्रधानमन्त्री ओलीले संसदमा बहुमत देखाउनुपर्छ।
Comments
अरु समाचार
-
संसदको गतिरोध हटाउन दलहरु छलफलमा, प्रधानमन्त्रीले विश्वासको मत लिनु अघि नै सहमति जुटाउने
काठमाडौं। संसदको गतिरोध हटाउन दलहरु आज पनि छलफलमा जुट्दैछन् । अस्ति बिहीवारको बैठकमा सत्तापक्ष र प्रतिपक्षका सांसदबीच धकेलाधकेल भएपछि तिक्ततापूर्ण...
-
प्रतिनिधिसभाको बैठक स्थगित
काठमाडौं । प्रतिनिधिसभाको आजका लागि तय भएको बैठक स्थगन भएको छ । सभाको अर्को बैठक यही जेठ ६ गते बिहान...
-
प्रतिनिधिसभाको बैठक स्थगित
काठमाडौं । प्रतिनिधिसभाको आजका लागि तय भएको बैठक स्थगन भएको छ । सभाको अर्को बैठक यही जेठ ६ गते बिहान...
-
प्रतिनिधिसभाको बैठक २ बजेलाई सर्यो
काठमाडौं । प्रतिनिधिसभाको बैठक २ बजेसम्मका लागि स्थगित भएको छ । सभामुखको सचिवालयका अनुसार आज बिहान ११ बजेदेखि बस्ने भनिएको...
-
कांग्रेस संसदीय दलको बैठक बस्दै
काठमाडौं । प्रमुख प्रतिपक्षी दल नेपाली कांग्रेस संसदीय दलको बैठक समसामयिक राजनीतिक विषयमा छलफल गर्न अहिले बिहान ९ बजे बस्दैछ...
-
‘संसदीय छानबिन समिति गठन हुनुपर्छ’
काठमाडौं । नेपाली कांग्रेसकी केन्द्रीय सदस्य डिला सङ्ग्रौलाले सहकारी ठगीसम्बन्धी संसदीय छानबिन समिति गठन नभएसम्म आफ्नो पार्टीले सदन चल्न नदिने...
-
कांग्रेसले बोलाएको विपक्षी दलहरूको संयुक्त बैठक सुरु
काठमाडौं । नेपाली कांग्रेस र विपक्षी दलहरूको संयुक्त बैठक सुरु भएको छ। कांग्रेस सभापति शेर बहादुर देउवाले आह्वान गरेको बैठक...
-
कांग्रेस संसदीय दलको बैठक बस्दै
काठमाडौं । प्रमुख प्रतिपक्षी दल नेपाली कांग्रेस संसदीय दलको बैठक समसामयिक राजनीतिक विषयमा छलफल गर्न अहिले बिहान ९ बजे बस्दैछ...
-
प्रधानमन्त्री दाहालले जेठ ७ गते विश्वासको मत लिने, संसद्लाई पठाए पत्र
काठमाडौं । प्रधानमन्त्री पुष्पकमल दाहाल ‘प्रचण्ड’ ले प्रतिनिधिसभाबाट पुनः विश्वासको मत लिने भएका छन् । प्रधानमन्त्री दाहालले यही जेठ ७...