सासंद ओलीद्धारा कोरोना नियन्त्रणका लागी एक महिनाको तलव सहयोग
रुकुम- पुर्व । रुकुम –पूर्व) क्षेत्र नम्बर (क) बाट निर्वाचित लुम्बिनी प्रदेश सभाका सदस्य तेजबहादुर ओलीले कोरोना रोकथाम तथा नियन्त्रणको लागि एक महिनाको पारिश्रमिक वापतको रकम सहयोग गर्नुहुने भएको छ । उहाँले कोरोना रोेकथामको लागि एक महिनाको पारिश्रमिक वापतको रकम रु ५० हजार जिल्ला विपद कोषमा जम्मा गर्ने घोषणा गर्नुभएको हो । शनिबार जिल्ला समन्वय समितिको कार्यालयमा दोस्रो भेरियन्टसहितको कोभिड १९ सम्बन्धि जिल्ला स्तरीय समन्वय बैठकमा उहाँले यस्तो घोषणा गर्नुभएको हो ।
यस्तै कोभिड नियन्त्रणको लागि जिल्लाका तीनवटै गाउँपालिकाले तत्काललाई पाँचपाँच लाख रुपैया जम्मा गरी विपद व्यवस्थाप न कोषमार्फत खर्च गर्ने निर्णय गरेको जिल्ला समन्वय समितिकी सुचना अधिकारी विमला रोका श्रेष्ठले जानकारी दिनुभयो । उक्त बजेट खर्चको लागि तीनवटै गाउँपालिकाका अध्यक्ष रहने गरी जिल्लास्तरीय बजेट खर्च व्यवस्थापन तथा समन्वय समिति गठन गरिने छ । यस्तै जिल्लास्थित कर्मचारी, जनप्रतिनीध, निर्माण व्यवसायी, व्यक्ति र संघसंस्थालाई स्वइच्छाले सहयोग गर्न आहन गरिने सुचना अधिकारी रोकाले बताउनुभयो ।
जिल्लामा अहिले कोरोना संक्रमितको उपचारको लागि बेड संख्या पर्याप्त छैन । यस्तै पछिल्लो समयमा अक्सिजन दिएर उपचार गर्ने बिरामीहरुको पनि संख्या बढ्दै छ । यस्तो अवस्थामा अक्सिजन, औषधी उपकरण र जनशक्तिसहितको १०० बेड क्षमताको कोभिड विशेष अस्पताल सञ्चालनको लागि प्रदेश सरकारसमक्ष अनुरोध गरि पठाउने र यसमा स्थानीय सरकारले आवश्यक सहयोग गर्ने निर्णय गरिएको छ । जिल्लामा अक्सिजन सिलिन्डर खरिद व्यवस्थापन गर्नुका साथै प्रयोगपछि खाली भएका सिलिन्डर रिफील तथा नियमित ढुवानीको लागि जिल्लामा रहेका सवारी साधनको परिचालन गरिने छ । सो कार्यको लागि एक जना कर्मचारी नियमित खटाइने छ ।
जिल्ला समन्वय समितिकी सुचना अधिकारी रोकाका अनुसार भूमे गाउँपालिकामा स्थापना गरि सञ्चालनमा ल्याईएको कोभिड अस्थाई अस्पतालका जनशक्तिको लागि २०७७ चैत्र १९ पछि ६ महिनालाई तलब भत्तासहितको कार्यक्रमलाई निरन्तरताको लागि नेपाल सरकार स्वास्थ्य तथा जनसंख्या मन्त्रालयलाई अनुरोध गरि पठाउने निर्णय गरिएको छ । बैठकबाटै जिल्लामा कोभिड संक्रमणबाट मृत्यु हुनेहरुको दाहासंस्कार गर्नको लागि सिस्ने गाउँपालिका ६ को धाउने, वडा नम्बर ५ र भूमे ४ को धौलापहिरा क्षेत्रलाई तोेकीएको छ ।
प्रभाकरको निर्देशन
यस्तै पूर्व गृहमन्त्री तथा प्रतिनिधि सभा सदस्य जनार्दन शर्मा प्रभाकरले रुकुम –पूर्व) का सरोकारवाला निकायहरुलाई कोरोना भाइरस रोकथाम तथा नियन्त्रणका लागी एकताबद्ध भएर लाग्न निर्देशन दिनुभएको छ । शनिबार जिल्लाको सिस्ने गाउँपालिका वडा नम्बर ६ रुकुमकोटमा स्थानिय तहका जनप्रतिनिधि, प्रमुख जिल्ला अधिकारी, स्वास्थ्य कर्मीहरु लगायतका सरोकारवालाहरुसँग छलफल गरी कोरोना भाइरस नियन्त्रणका लागि एकजुट भएर लाग्न निर्देशन दिनुभएको हो ।
महामारीको रुपमा फैलिरहेको कोरोनाको दोस्रो भेटिएन्टीले देशलाई नै आक्रान्त पारिरहेको यो अवस्थामा जनताको स्वास्थ्यप्रति राज्य उत्तरदायी हुनु पर्ने भन्दै अग्रपंतीमा रहेर काम गर्न अनुेरोध गर्नुभयो । अहिले जिल्लामा उपलब्ध सबै संयन्त्रहरु कोरोना नियन्त्रणमा परिचालन गर्नु पर्ने उहाँको भनाई छ । उहाँले आफुले रुकुम –पूर्व) र पश्चिम भनेर कहिले पनि नछुटाउने भन्दै जिल्लामा आइपर्ने समस्या हल गर्नका लागी आफ्नो तवरबाट सक्ने सबै प्रयास र पहल गर्ने प्रतिबद्धता पनि जनाउनुभएको छ ।
कोरोना भाइरसबाट जनताहरु त्रसित भएकाले जनप्रतिनिधि, कर्मचारी, स्वास्थ्य कर्मी, सुरक्षा निकाय सबैले जन स्तरमा गएर जनचेतना फैलाउनु पर्नेमा सांसद शर्माले जोड दिनुभयो । प्रत्यक अस्पताल तथा स्वास्थ्य सँस्थामा अक्सिजन सहितको बेडेको व्यवस्थापन गर्न जिल्लाका तिनवटै पालिकाहरुलाई उहाँले अनुरोध समेत गर्नुभएको छ । अहिले जिल्लामा कोरोना रोकथाम तथा न्युनिरकणका लागी भैरहेका प्रयास र समस्या चुनौती बारे गाउँपालिका अध्यक्ष, उपाअध्यक्ष, प्रमुख जिल्ला अधिकारी लगायतको सांसद शर्मा समक्ष रिपोर्टीङ गर्नुभएको थियो ।
Comments
अरु समाचार
-
समाज परिवर्तन गर्ने अभियानमा जुटेका छौँ : पूर्वप्रधानमन्त्री नेपाल
काठमाडौं । नेपाल कम्युनिष्ट पार्टी (एकीकृत समाजवादी)का अध्यक्ष एवं पूर्वप्रधानमन्त्री माधवकुमार नेपालले समाज परिवर्तन गर्ने अभियानमा आफ्नो पार्टी जुटेको बताउनुभएको...
-
अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
काठमाडौं । अर्थमन्त्री वर्षमान पुनको उपस्थितिमा नेपाल र चीनबीच दुई महत्वपूर्ण सम्झौतामा हस्ताक्षर भएको छ । अर्थ मन्त्रालयमा आज आयोजित...
-
गुणस्तरीय स्वास्थ्य–शिक्षा उपलब्ध गराउन सरकार प्रतिबद्ध छ : प्रधानमन्त्री
काठमाडौं । प्रधानमन्त्री पुष्पकमल दाहाल ‘प्रचण्ड’ले गुणस्तरीय स्वास्थ्य र शिक्षामा जनताको पहुँच अभिवृद्धि गर्न सरकारले विशेष चासो दिएको बताउनुभएको छ...
-
प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
काठमाडौंं । प्रधानमन्त्री पुष्पकमल दाहाल ‘प्रचण्ड’ सँग चाइना इन्टरनेसनल डेभलपमेन्ट कोअपरेसन एजेन्सी (सिआइडिसिए)का अध्यक्ष लु झाउहुईले आज शिष्टाचार भेट गर्नुभएको...
-
भारतमा आज दोस्रो चरणको मतदान हुँदै
काठमाडौं । भारतीय लोकसभाका लागि उधुम गर्मीका बाबजुद आज बैशाख १४ गते दोस्रो चरणको मतदान हुँदैछ । पहिलो चरणको मतदान...
-
जसपा नेपाल केन्द्रीय कार्यकारिणी समितिको बैठक बस्दै
काठमाडौँ । जनता समाजवादी पार्टी (जसपा) नेपालले केन्द्रीय कार्यकारिणी समितिको बैठक बस्दै छ ।आज बिहान ११ बजे पार्टी केन्द्रीय कार्यालयमा...
-
आफ्ताब आलमलाई जन्मकैदको फैसला
रौतहट । जिल्ला अदालत रौतहटले कांग्रेस नेता मोहम्मद अफताब आलमलाई जन्मकैदको सजाय सुनाएको छ । बिहीबार न्यायाधीश मातृकाप्रसाद आचार्यको इजलासले...
-
कम्युनिस्ट आन्दोलनमा लागेका विद्यार्थीले मनमोहनको सादगीपूर्ण जीवनीबारे बुझ्नुपर्छ: ईश्वर पोखरेल
काठमाडाैँ । नेकपा एमालेका वरिष्ठ उपाध्यक्ष ईश्वर पोखरेलले मनमोहन अधिकारीलाई कम्युनिस्ट आन्दोलनको निरन्तरताको पर्यायका रूपमा बुझ्न आवश्यक रहेको बताएका छन्...
-
सरकारको स्थायित्वबारे चलाइएका हल्ला निराधार हुन्: विष्णु पौडेल
काठमाडाैँ । नेकपा एमाले उपाध्यक्ष विष्णु पौडेलले वर्तमान पुष्पकमल दाहाल प्रचण्ड नेतृवको सरकारको स्थायित्वबारे बजारमा चलाइएका हल्लाका पछि नलाग्न आग्रह...