गुटबन्दी गर्दिन भन्ने शेखरले किन बोलाए गुटको बैठक ?
काठमाडौं । नेपाली कांग्रेसको १४ औं महाधिवेशनमा सभापतिमा पराजित भएपछि डा. शेखर कोइरालाले आफूले गुटबन्दी पनि नगर्ने र भागबण्डा पनि नखोज्ने बताएका थिए ।
यद्यपि महाधिवेशन सम्पन्न भएको ३ साता नबित्दै शेखरले आफ्नो समूहको छलफल र भेला प्रारम्भ गरेका छन् ।
मंगलबार आफ्नो समूहका सिनियर नेताहरुसँग परामर्श गरेका कोइरालाले आज समूहको विस्तारित बैठक बोलाएका छन् । बैठकमा उपस्थित हुन १४ औं महाधिवेशनमा कोइराला नेतृत्वको प्यानलबाट प्रतिस्पर्धा गरेका सबै उम्मेदवारहरुलाई बोलाइएको छ ।
त्यस्तै प्रदेश समितिको सभापतिमा जितेका र उम्मेदवार बनेका नेताहरुलाई पनि बैठकमा बोलाइएको छ । हनुमानस्थानमा रहेको होटल बसेरमा दिउँसो २ बजे बोलाइएको बैठकलाई कोइराला समूहले समीक्षा बैठकको संज्ञा दिएको छ ।
किन बोलाइयो बैठक ?
गुटबन्दी नगर्ने घोषणा गरे पनि पार्टीभित्र आफ्नो समूहलाई पाखा लगाउन खोजिएको महशुस कोइरालाले गरेका छन् । मंगलबार सिनियर नेताहरुसँगको बैठकमा उनले गुटबन्दी नगर्ने र भागबण्डा नखोज्ने नीतिलाई सभापति शेरबहादुर देउवाले गलत अर्थमा बुझेको बताएका थिए ।
‘गुटबन्दी नगर्ने भनेको अन्याय सहने भनेको होइन । हामीलाई वेवास्ता गर्न खोजिएको छ । यसबारे समूहका साथीहरुको धारणा के छ भनेर बुझ्नका लागि आन्तरिक समीक्षा गर्नुपर्छ’, अनुपम फुडल्याण्डको बैठकमा कोइरालाले भनेका थिए ।
केन्द्रीय समितिको वरियता, राष्ट्रियसभाको टिकट वितरण तथा केन्द्रीय सदस्यहरुको मनोनयनबाट सभापति देउवाले आफ्नो समूहलाई अस्वीकार गर्न खोजेको ठहर कोइराला पक्षको छ ।
‘हाम्रो सदाशयतालाई कमजोरी ठान्ने र प्रतिशोधपूर्ण व्यवहार गर्ने संकेत सभापतिले देखाउनुभएको छ । १४ औं महाधिवेशनमा हामीले समूह बनाएर प्रतिस्पर्धा गरेकै हो । सभापतिले आफ्नो गुटको मात्रै कुरा गरेपनि हामीले पनि हाम्रो समूहको साझा धारणा बनाउन जरुरी छ’, कोइराला पक्षका नेता अर्जुननरसिंह केसीले भने ।
खुट्टा दह्रो गर्न नेतृत्वलाई दवाव
कोइराला समूहले १४ औं महाधिवेशनमा प्रतिस्पर्धा गरेकै आधारमा देशभरीका नेता कार्यकर्ताले ‘विभेद’ खेप्नुपर्ने अवस्था आउनसक्ने आँकलन गरिएको छ ।
डा. चन्द्र भण्डारी र डा. मिनेन्द्र रिजाललाई केन्द्रीय सदस्य मनोनित नगरेर सभापति देउवाले कोइरला समूहलाई मनोवैज्ञानिक रुपमै चुनौती दिन खोजेको छ । ‘कतिपय विषयहरुलाई सामान्य मान्न सकिएला तर सिनियर नेताहरुलाई ह्युमिलेट गर्ने प्रयास सभापतिले गर्नुभएको छ । यसले गर्दा समर्पण होइन संघर्ष गर्नुपर्छ भन्ने सुझाव देशैभरीबाट आइरहेको छ’, कोइराला समूहका एक नेताले भने ।
सभापतिको निकटतम प्रतिस्पर्धी भएका कारण कोइराला तथा उपसभापति धनराज गुरुङ र महामन्त्री गगन थापा लगायतलाई सशक्त प्रतिवादका लागि दह्रो खुट्टा बनाउन नेता कार्यकर्ताहरुले दवाव दिदैं आएका छन् ।
Comments
अरु समाचार
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...
-
‘‘संविधानको पूर्ण कार्यान्वयन भए जनताको निराशा हटनेछ’’: मन्त्री गुरुङ
काठमाडौं । संविधान कार्यान्वयनका नौ वर्षलाई हेर्दा निराश हुनुपर्ने अवस्था छैन । विश्वका अन्य देशमा नयाँ संविधान बनिसकेपछिको अभ्याससँग तुलना...