अनावश्यक धाराबारे बहस जरुरी छैन, वैशाखमा चुनाव हुनुपर्छ: अधिवक्ता भट्टराई

राजनीति

- न्युज नेपाल

काठमाडौं । वरिष्ठ अधिवक्ता टीकाराम भट्टराईले कुनै पनि बहानामा स्थानीय तहको निर्वाचन पर धकेल्नु गैरसंवैधानिक र अलोकतान्त्रिक कदम हुने बताएका छन् ।

संविधानको कुनै पनि अनावश्यक धारा टेकेर चुनाव सार्न वा स्थानीय तह रिक्त राख्न खोज्नु गलत हुने उनको तर्क छ ।

संविधानको धारा २२५ को दोस्रो हरफ नै अनावश्यक भएको तर्क गर्दै उनले भने– स्थानीय तहको निर्वाचन जेठभन्दा पर धकेल्नेबारे संविधानले कल्पना नै गरेको छैन, कुनै दल वा गठबन्धनले संविधान संशोधन गरेर भए पनि चुनाव धकेल्न खोज्नु असंवैधानिक काम हुनेछ ।

प्रेस चौतारी नेपालले काठमाडौंमा आयोजना गरेको एक अन्तरक्रिया कार्यक्रममा बोल्दै अभिवक्ता भट्टराईले तीनैतहको निर्वाचन एकैचोटि गर्ने कुरा पनि व्यवहारिक नहुने बताए । दलीय स्वार्थका लागि संविधान प्रयोग गर्न नहुनेमा उनले जोड दिए ।

‘संविधान स्पष्ट छ, निर्वाचन सार्नुपर्ने कुनै कारण छैन’, उनले भने ।