ताजा समाचार

‘राष्ट्रपतिले दिएको समयभित्रै गठबन्धनको सरकार बन्छ’

राजनीति
- न्यूज नेपाल
       

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले सरकार गठनको विषयमा गठबन्धनमा छलफल सकारात्मकरूपमा अगाडि बढेको जनाएका छन् । उनले आज (शुक्रबार) बेलुकासम्म निर्णायक सहमति हुनसक्ने पनि जनाए । राष्ट्रपतिले दिएको समयभित्र गठबन्धनको सरकार बन्ने उनको भनाइ छ ।

शुक्रबार बिहान खुमलटार पुगेका पार्टी सांसदहरूलाई बिहीबारको छलफलबारे उनले जानकारी पनि गराए । गठबन्धनभित्र वार्ता सकारात्मकरूपमा अगाडि बढेको प्रचण्डको भनाई थियो ।

प्रचण्डले बिहीबार कांग्रेस सभापति देउवालाई भेटेर आफूलाई प्रधानमन्त्री बन्न सहयोग गर्न आग्रह गरेका जनाइएको छ । प्रचण्डको प्रस्तावमा एकीकृत समाजवादीका अध्यक्ष माधव नेपालले पनि सहमति जनाएका थिए । तर, देउवाले पार्टीभित्र छलफल गर्ने भन्दै ठोस जवाफ नदिएको बुझिएको छ ।

Comments

प्रकाशित मिति : 2022-12-23

अरु समाचार

© NewsNepal 2018 - All Right Reserved.
newsnepal.com 2017.hlon.org