ताजा समाचार

महावीर पुन आन्दोलनमा, आविष्कारका क्षेत्रमा सरकार गम्भीर नभएको आरोप

काठमाडौ‌ । अनुसन्धान, नवप्रवर्तन र आविष्कारका क्षेत्रमा सरकार गम्भीर नभएको भन्दै महावीर पुनले आन्दोलन सुरु गर्नु भएको छ । शुक्रबारदेखि काठमाडौंको माइतीघर मण्डलामा विभिन्न माग राख्दै अनिश्चितकालका लागि उनले आन्दोलन सुरु गर्नु भएको हो । सरकारले प्रतिभा भएका र अनुसन्धान तथा आविष्कार गर्न सक्नेहरूको लागि केही नगरेकाले दबाब स्वरुप आन्दोलन गर्नु परेको पुनले बताउनु भयाृे ।

पुनले नेपाल आविष्कारका क्षेत्रमा धेरै पछाडि परेको भन्दै यसबारे जनस्तरमा सचेतना जगाउन लागि आन्दोलन गर्नुपरेको उल्लेख गर्नुभयो । अर्थतन्त्र सधार हुन नसक्दा नेपाली युवाहरू विदेश जान बाध्य भएको पुनले बताउनु भयो । ‘अर्थतन्त्र सुधारको लागि सरकारको प्रमुख प्राथमिकताकासाथ अनुसन्धान,आविष्कार र नवप्रवर्तन क्षेत्रमा लगानीगर्नुपर्छ। नेपालमा सरकारले त्यो विषयमा प्राथमिकता न नदिएकाले अर्थतन्त्र सुधार भएन,’उहाँले भन्नुभयो ।

यो क्षेत्रको विकासको लागि १० वर्षसम्म सरकारका सबै मन्त्रालयहरूमा पुन पुग्नु भएको थियो । सबै मन्त्री र नेताहरूसँग भेट्दा समेत केही गर्न नसकिएको गुनासो उहाँको छ। उहाँले पछिल्लो पाँच वर्ष राष्ट्रिय आविष्कार केन्द्र खोलेर काम गर्दा समेत सरकारले नदेखेको आरोप समेत लगाउनु भयो । ‘प्रतिभा भएका विद्यार्थी तथा भावी सन्ततिहरुका लागि आन्दोलन गर्नुपरेको हो। नेपाल अनुसन्धान, नवप्रवर्तन र आविष्कारका क्षेत्रमा धेरै पछाडि परेका छौं। यो विषयमा जनस्तरमा सचेतना जगाउनको लागि आन्दोलन गर्नुपरेको हो,’ पुनले भन्नुभयो ।

Comments

अरु समाचार

© NewsNepal 2018 - All Right Reserved.
newsnepal.com 2017.hlon.org