ताजा समाचार

लुम्बिनी एमाले अधिवेशनः नेतृत्व चयनका लागि निर्वाचन प्रक्रिया सुरु

राजनीति
- न्युज नेपाल
       

काठमाडौं । लुम्बिनी प्रदेशमा नेकपा (एमाले)को नयाँ नेतृत्व चयनका लागि निर्वाचन प्रक्रिया सुरु भएको छ ।
आज बिहान निर्वाचनका लागि उमेदवारी मनोनयनको काम भइरहेको छ । १० बजेसम्म उमेदवारी दर्ताको समय छ । “त्यसपछि उमेदवारी फिर्ताको समय दिइनेछ । उमेदवारी फिर्ता नभए निर्वाचन हुन्छ,” निर्वाचन आयोगका सदस्य विष्णु खनालले भने ।
अधिवेशनबाट २०५ सदस्यीय कमिटी चयन हुनेछ । अध्यक्षमा राधाकृष्ण कँडेल र हरि रिजालले उमेदवारी दिएका छन् । कँडेल उपाध्यक्ष विष्णु पौडेल र रिजाल महासचिव शंकर पोखरेल निकट हुन् ।
बुटवलको अन्तर्राष्ट्रिय सम्मेलन केन्द्रमा जारी अधिवेशनमा सहमतिको प्रयास भइरहे पनि उनीहरू एकले अर्कालाई छाड्न मानेका छैनन् ।

Comments

प्रकाशित मिति : 2023-09-04

अरु समाचार

© NewsNepal 2018 - All Right Reserved.
newsnepal.com 2017.hlon.org