भैरहवा विमानस्थल निर्माण अध्ययन उपसमिति संयोजकमा मञ्जु खाँण

राजनीति

- न्यूज नेपाल

काठमाडौं । भैरहवा अन्तर्राष्ट्रिय विमानस्थल निर्माणका क्रममा भएका त्रुटि, अनियमितता र भ्रष्टाचारसम्बन्धी छानबिन उपसमिति संयोजकमा नेपाली कांग्रेसकी प्रतिनिधि सभा सांसद मन्जु खाण चयन भएकी छन्।

यसअघि उपसमिति संयोजकमा नेकपा (एमाले)का सांसद योगेश भट्टराई थिए । भट्टराईले वैशाख २१ गते आफू पूर्व नागरिक उड्ययन तथा पर्यटनमन्त्री रहेकाले स्वार्थ बाझिने भन्दै समितिबाट राजिनामा दिएका थिए ।

उपसमितिको आइतबार बसेको बैठकले कांग्रेस सांसद खाँणलाई संयोजक चयन गर्ने निर्णय गरेको हो । तर आजको बैठकमा एमाले सांसद तथा पूर्व मन्त्री भट्टराई र मनिष झा भने उपस्थित नभएको बुभिएको छ ।

त्यस्तै, उपसमितिको आइतबारकै बैठकले भैरहवा विमानस्थलको अध्ययन भ्रमण गर्ने निर्णय पनि गरेको छ।

भैरहवा अन्तर्राष्ट्रिय विमानस्थलसम्बन्धी अध्ययन उपसमिति संयोजकमा पूर्वसंस्कृति पर्यटन तथा नागरिक उड्डयन मन्त्री योगेश भट्टराई रहेपछि रास्वपा सांसद मनीष झाले प्रश्न उठाएका थिए।

Comments

प्रकाशित मिति : 2025-05-18

भैरहवा विमानस्थल निर्माण अध्ययन उपसमिति संयोजकमा मञ्जु खाँण

Comments

अरु समाचार