केन्द्रीय सदस्य बन्ने योग्यता थियो ? शेखरको प्रश्न: रिसाए ‘विनोद’

राजनीति

- न्यूज नेपाल

काठमाडौं । नेपाली कांग्रेसका नेता शेखर कोइरालाले विनोद चौधरीको केन्द्रीय सदस्य बन्ने योग्यता थियो कि थिएन भनेर सभापती शेरबहादुर देउवालाई प्रश्न गरे पछि विनोद चौधरीले प्रतिवाद गरेका छन् ।

हिजो बैठकमा आफ्नो धारणा राख्ने क्रममा शेखरले पार्टी सभापति शेरबहादुर देउवामाथि एमालेलाई प्रधानमन्त्री किन दिएको ? मलाई कारबाही गर्न खोजेको हो ? जस्ता प्रश्न गरेका थिए ।

पार्टीभित्र अनुशासनको कुरा उठाउँदै कोइरालाले, ‘विनोद चौधरीको केन्द्रीय सदस्य बन्ने योग्यता थियो कि थिएन ? त्यो हेरियो ? क्रियाशीलको १० वर्षे अवधि पुग्थ्यो ? सभापतिज्यूलाई स्मरण होला, पहिलो पटक गिरिजाप्रसाद कोइरालासँग उहाँ सभापतिमा प्रतिस्पर्धा गर्दै हुनुहुन्थ्यो। उक्त महाधिवेशनमा सुजाता कोइरालाले केन्द्रिय सदस्य लड्ने इच्छा व्यक्त गर्नुभयो। १० वर्ष नपुगेकोले गिरिजाबाबुले सुजातालाई उम्मेदवार बन्न दिनुभएन।’

शेखरले गुटको राजनीतिका नाममा निजी क्षेत्रका आफूजस्ता मान्छेलाई छेक्ने र कांग्रेस उम्मेदवारलाई हटाउन खुलेआम घर घरमा गएर विपक्षीलाई भोट माग्ने लुम्बिनी कांग्रेसका महामन्त्री विक्रम खनाललाई बोक्ने काम गरेका चौधरीले आरोप लगाए।

Comments

प्रकाशित मिति : 2025-07-01

केन्द्रीय सदस्य बन्ने योग्यता थियो ? शेखरको प्रश्न: रिसाए ‘विनोद’

Comments

अरु समाचार