शान्तिको कामना गर्दागर्दै…
हामी भन्छौँ १२ बूँदे शान्ति सम्झौतापछि नेपालमा शान्ति आयो तर नेपालमा शान्ति आयो भनेको एक दशक बितिसक्दा पनि शान्ति आएकै छैन । १२ बूँदेपछि शसस्त्र युद्ध रोकियो, एकैचोटी ठूला आक्रमण हुन छोडे, दोहोरो भिडन्त हुन छोड्यो, सेनाका व्यारेक र पुलिसका चौकीहरूमा आक्रमण हुन छोड्यो तर कुनै न कुनै प्रकृयाबाट मानिस मर्ने क्रम निरन्तर चलिनै रहेछ । देशमा लोकतन्त्र आयो गणतन्त्र आयो तर त्यो नाम मात्रको भएर बसेको छ । राजाको ठाउँमा राष्ट्रपतिलाई राखियो उनले श्रीपेच लगाएनन् फरक त्यत्ति हो अहिलेको परिस्थितिलाई हेर्दा बरु राजतन्त्र नै ठीक लाग्छ । विगतलाई हेर्दा सबै राजा उस्तै नभए पनि कसैको पालामा त राम्रै विकास भएको पनि इतिहास छ । त्यतिबेला राजनीतिक दलहरू स्वतन्त्र थिएनन् उनीहरूलाई कतै न कतै त्रास हुने गरेको पाइन्छ । गणतन्त्र आएपछि राजनीतिक दलका नेताहरू पिँजराबाट उम्किएको सुगा जस्तै स्वतन्त्र भए र अहिलेसम्म पनि दलहरू बेलगामको घोडा जस्ता भएका छन् एकले अर्कोलाई नटेर्ने । उनीहरूमाथि खबरदारी गर्ने कुनै निकाय नै भएन । स्थिर सरकार हुने व्यवस्था भएन । लामो प्रयासपछि बल्ल बल्ल संविधान जारी भयो तर त्यो सर्व स्वीकार्य भएन । संविधान नबनुन्जेल त्यसैका लागि झगडा भयो संविधान बनेपछि पनि त्यसैका लागि झगडा हुनु दुर्भाग्य हो ।
संक्रमणकालिन अवस्थामा राष्ट्रिय सहमतिका साथ चल्नुपर्ने हो तर हाम्रा राजनीतिक दलहरूमा त्यो दुरदर्शीता पटक्कै पाइएन र पाइदैन पनि । दुबो जसरी मौलाउँदै गएको भ्रष्टाचारको जरा खोतलिन लागेको बेला अख्तियारका प्रमुख माथि नै महाअभियोग लगाइएको अवस्था त अनि फेरी त्यसलाई वार पार लगानउन नसक्ने पनि यिनै राजनीतिक दलहरू हुन् । संविधान बनेपछि शान्ति आउने आशामा बसेका नेपालीहरूको त्यो आसा पनि हावामै विलायो ।
बलत्कार, अपहरण, डकैति जस्ता हिंसात्मक घटना द्वन्दकालमा भन्दा बढी फैलाएका छन् । मानिसलाई नै बली दिने जस्ता क्रुरतापूर्ण कार्य हुन थालेका छन् । राजनीतिक दलको बलमा जस्तै अपराध गर्नेले उन्मुक्ति पाउने गरेका छन् जसले गर्दा असुरक्षा बढ्दो छ । राजनीतिक दलको खोल ओडेर गरिने आतंकवादले पनि उत्तिकै प्रश्रय पाएको छ । देशको स्वार्थमा भन्दा पार्टीको स्वार्थमा र पार्टीको स्वार्थमा भन्दा पनि व्यक्तिगत स्वार्थमा नेताहरू लागेका छन् जसले गर्दा राष्ट्रको स्तरोन्नती हुनै सकेको छैन । राज्यको विकास हुनको लागि पहिले राजनीतिक स्थितरताको आवश्यकता पर्दछ अनि मात्रै आर्थिक अवस्थाले सुधारिने अवसर पाउँछ तर नेपालको राजनीतिमा सुधार आउने छाँटकाट कहिल्यै देखिँदैन । सरकार बनाउने र लडाउने खेल निरन्तर चलिहरेछ । यसलाई निर्मूल पार्नको लागि अब संविधान कार्यान्वयनमा लाग्नु अनिवार्य छ । संघीयताले अहिले देशमा आगो बलिरहेको अबस्था छ । यसको छिनोफानो नलागेसम्म निर्वाचनमा मुलक जान सक्ने अवस्था देखिँदैन र निर्वाचनमा गएर नयाँ व्यवस्था नभएसम्म देशमा शान्ति आउने आशा गर्नु व्यर्थ हुने छ ।
Comments
अरु समाचार
-
भङ्गहा–जनकपुर–जयनगर रेल सेवा पुनः सञ्चालन
काठमाडौं । भङ्गहा–जनकपुर–जयनगर रेल्वे सेवा आज बिहानदेखि पुनः सञ्चालन भएको छ । भारतमा जारी लोकसभा निर्वाचनका सन्दर्भमा उक्त सेवा बन्द...
-
जङ्गली जनावरको आक्रमणबाट सातजनाको मृत्यु
काठमाडौं । जङ्गली जनावरको आक्रमणबाट साउनयता सातजनाको मृत्यु भएको छ । गैँडा, बाघ र मगर गोहीको आक्रमणबाट उनीहरूको मृत्यु भएको...
-
सर्वोच्च अदालतमा अनलाइनबाटै मुद्दा दर्ता गर्न सकिने
काठमाडौँ, १ जेठः सर्वोच्च अदालतमा आजदेखि अनलाइनमार्फत मुद्दा दर्ता र पेसीको सूचना स्वचालितरुपमा पठाउने प्रणालीको शुभारम्भ भएको छ । प्रधानन्यायाधीश...
-
सहमतिमा करणी ठहर, तिनै बाबाको निवासमा महिला डेपुटी गभर्नर
काठमाडौं । राष्ट्र बैंककी डेपुटी गभर्नर निलम ढुंगाना तिम्सिना दुई साताअघि ‘एक पन्थ दो काज’ को शैलीमा सुनसरीको चतराधाम पुगिन्...
-
काठमाडौँमा आजदेखि ‘ट्राफिक सचेतना विशेष अभियान’ सुरु
काठमाडौं । सभ्य सडक संस्कारका माध्यमबाट सवारी दुर्घटना न्यूनीकरण गर्ने उद्देश्यले काठमाडौं उपत्यका ट्राफिक प्रहरी कार्यालयले आजदेखि ‘ट्राफिक सचेतना विशेष...
-
जात, समुदाय लक्षित सामग्री सामाजिक सञ्जालमा नराख्न प्रहरीको आग्रह
काठमाडौं । सम्प्रदायबीचको सम्बन्धमा असर पार्ने किसिमका सामग्रीहरू सामाजिक सञ्जालमा नराख्न नेपाल प्रहरीको साइबर व्यूरोले अनुरोध गरेको छ । शुक्रबार...
-
डोल्पामा डढेलो निभाउने क्रममा घाइते भएका तीन सैनिकको मृत्यु
काठमाडौं । डोल्पाको ठूलीभेरी नगरपालिका–४ मष्टा सामुदायिक वनमा आगो निभाउने क्रममा घाइते भएका चार जना सैनिकमध्ये तीन जनाको ज्यान गएको...
-
कोशी, गण्डकी, कर्णाली र सुदूरपश्चिम प्रदेशका पहाडी भागमा वर्षा
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायु र स्थानीय वायुको आंशिक प्रभाव रहेको...
-
सशस्त्र प्रहरीको गोदाममा भएको आगलागीको घटना छानबिन गर्न समिति गठन
काठमाडौं । सशस्त्र प्रहरीको बलम्बुस्थित केन्द्रीय गोदामघरमा सोमबार आगलागी भएको छ । सशस्त्र प्रहरी प्रधान कार्यालय र सशस्त्र प्रहरी अस्पतालको...