अघि बढ्यो स्वदेशी लगानीमा बन्ने दोस्रो ठुलो बेतान कर्णाली जलविद्युत् आयोजनाको डीपीआरको काम
सुर्खेत १२, साउन । कर्मचारी सञ्चय कोषले बेतान कर्णाली जलविद्युत् आयोजना निर्माणको काम अघि बढाएको छ। कोषले ४ सय २५ मेगावाट क्षमताको आयोजनाको सम्भाव्यता अध्ययन र विस्तृत परियोजना प्रतिवेदन (डीपीआर) कार्य अघि बढाएको हो।
तामाकोशीपछिको स्वदेशी लगानीमा निर्माण हुन लागेको दोस्रो ठुलो आयोजनाको डीपीआर तयार भएलगत्तै टेण्डर प्रक्रियामा जाने तयारी गरेको कोषले जनाएको छ। यसका लागि कम्पनीले वित्तीय स्रोत जुटाइसकेको छ। आयोजना निर्माणमा कम्तीमा ८० अर्ब बढी लागत खर्च हुने अनुमान छ। प्रारम्भिक अध्ययनअनुसार सुर्खेतको चौकुने गाउँपालिका र कैलालीको सुगरखालमा रहने गरी कर्णाली नदीमा अर्ध जलाशय प्रकृतिको आयोजना निर्माण हुनेछ।
आयोजनाको निर्माण कार्य शुरु गर्नभन्दा पहिले पहुँचमार्ग र डीपीआरको काम अघि बढाउने भएको छ। आयोजनाको काममा आर्थिक संकटले कुनै प्रभावित नभएर काम अघि बढाउने दावी गरिरहेका छन्। आयोजनाको एक वर्षको सर्वेक्षण करिव ५ वर्षभित्र निर्माण शुरु गर्ने कम्पनीको लक्ष्य रहेको बेतान कर्णाली सञ्चय कोष हाइड्रोपावर लिमिटेडका परामर्शदाता श्रीराम शेखर अधिकारीले जनाए। उनका अनुसार अहिले कम्पनी दर्ता गरी उत्पादन लाइसेन्स पाएको उनले बताए। ‘कम्पनी दर्ता गरेर उत्पादनका लागि लाइसेन्स पाईसकेका छौँ।’ उनले भने,‘अब जति सक्यो छिटो डीपीआरको काम अघि बढाउने तयारीमा छौँ।’
डीपीआर अवको एक वर्ष भित्र सक्ने गरी काम अघि बढाएको उनले बताए। नेपाल विद्युत् प्राधिकरणको मुख्य शेयर भएको इञ्जिनीयरिङ कम्पनीले डीपीआर अध्ययन गरिरहेको छ। २०१७ अक्टोबरदेखि उसले डीपीआरको काम थालेको हो।
सुर्खेत र कैलालीको सिमाना हुँदै बगिरहेको कर्णाली नदीमा यो आयोजना निर्माणका लागि कर्मचारी सञ्चय कोषले बेग्लै कम्पनी दर्ता गरिसकेको छ।
सञ्चय कोषले शेयरका साथै आवश्यक ऋण जुटाइसकेको छ। नविल र एसबीआई बैंकले सहवित्तीयकरणमा ऋण जुटाउने समझदारीपत्रमा हस्ताक्षर भइसकेको छ।
सञ्चय कोषसँग हाल २ खर्ब ५६ अर्ब रुपैयाँको कोष छ, जसबाट उसले वार्षिक डेढ अर्ब कमाउने गरेको छ।
आयोजनाको प्रारम्भिक अध्ययनले सुर्खेतको चाौकुने गाउँपालिकमा पर्ने साबिकका बेता, छाप्रे, गुटु, बिजौरा र पञ्चपुरी नगरपालिकाको विद्यापुर, कैलाली जिल्लाको सुगरखाल तथा अछाम जिल्लाको साविकका गाविस ढुङ्गेचाल्ना, नाराणपुर, तुर्माखाँद क्षेत्र प्रभावित हुने भएको छ।
Comments
अरु समाचार
-
सरकार फेरिए पनि नीतिगत स्थिरता हुनुपर्छः अर्थमन्त्री पुन
काठमाडौं । अर्थमन्त्री वर्षमान पुन अनन्तले सत्ता परिवर्तन भए पनि मुलुकको अर्थ र विकास नीतिमा परिवर्तन गर्न नहुने बताएका छन्।...
-
प्रधानमन्त्री प्रचण्डले असार २८ गते विश्वासको मत लिने
काठमाडौं । प्रधानमन्त्री प्रचण्डले असार २८ गते विश्वासको मत लिने भएका छन् । आज शुक्रबार संसद सचिवालयलाई पत्र पठाएर संसदबाट...
-
राष्ट्रिय जेष्ठ नागरिकको सभापतिद्वारा पदवहाली
काठमाडौं । राष्ट्रिय जेष्ठ नागरिक कोषको सभापतिमा हालै नियुक्त हुनु भएका सभापति देवी प्रसाद सुवेदी,सदस्य सचिव गोपाल मेहताले आज असार...
-
शिक्षा क्षेत्रलाई राजनीतिक हस्तक्षेपमुक्त बनाउनु पर्छः शिक्षा मन्त्री श्रेष्ठ
काठमाडौं । शिक्षा, विज्ञान तथा प्रविधिमन्त्री सुमना श्रेष्ठले शिक्षा क्षेत्रलाई राजनीतिक हस्तक्षेपमुक्त बनाउनका लागि सबैको सहयोग आवश्यक रहेको बताएकी छन्...
-
राष्ट्रियसभाबाट आगामी आर्थिक वर्षको बजेट पारित
काठमाडौं। राष्ट्रियसभाबाट आगामी आर्थिक वर्षको बजेट पारित भएको छ । शुक्रवार बसेको राष्ट्रियसभा बैठकमा अर्थमन्त्री वर्षमान पुनले प्रतिनिधिसभाबाट सन्देशसहित प्राप्त...
-
सशस्त्र प्रहरीले माग्यो ४८ इन्स्पेक्टर (विज्ञापनसहित)
काठमाडौं । सशस्त्र प्रहरी बल नेपालले ४८ निरीक्षक (इन्स्पेक्टर) माग गरेको छ । सशस्त्र प्रहरी बल मानव स्रोत विभाग, मानव...
-
एमालेले बागमती प्रदेश सरकारलाई दिएको समर्थन फिर्ता लिदै
काठमाडौं । नेकपा एमालेले बागमती प्रदेश सरकारलाई दिएको समर्थन फिर्ता लिने भएको छ । केन्द्रीय सत्ता समीकरणमा फेरबदल आएसँगै नेकपा...
-
सुनको मूल्य सुन एक सय रुपैँयाले वृद्धि
काठमाडौं । शुक्रबार स्थानीय बजारमा सुनको मूल्य सुन एक सय रुपैँयाले बढेको छ। नेपाल सुनचाँदी व्यवसायी महासङ्घका अनुसार, छापावाला सुन...
-
बेलायतका प्रधानमन्त्री सुनकद्वारा राजीनामाको घोषणा
काठमाडौं । बेलायतका प्रधानमन्त्री ऋषि सुनकले राजीनामाको घोषणा गरेका छन्। बिहीवार भएको निर्वाचनमा कन्जरभेटिभ पार्टीले नराम्रो पराजय भोग्ने सङ्केत देखिए...