ताजा समाचार

कांग्रेस नेता डा. शेखर कोइराला समूहको बैठक बस्दै

राजनीति
-
       

काठमाडौं । नेपाली कांग्रेसका नेता डा. शेखर कोइराला समूहको बैठक बस्दैछ । कोइरालाले आफ्नो समूहको बागमती प्रदेशस्तरी भेला बोलाएका हुन् । बैठकमा निवर्तमान केन्द्रीय सदस्य, बहालवाला केन्द्रीय सदस्य (विशेष महाधिवेशनबाट निर्वाचित केन्द्रीय कार्यसमिति), सांसद र पूर्वसांसदहरु, जिल्ला सभापति, पूर्वजिल्ला सभापतिहरु, क्षेत्रीय सभापतिहरुलाई बोलाइएको छ ।

बैठक बिहान ८ बजेदेखि बालुवाटारस्थित ओपेरा होटलमा सुरु हुने कोइरालाको सचिवालयले जनाएको छ । यसअघि बुधबार निवर्तमान कार्यवाहक सभापति पूर्णबहादुर खड्काले पनि आफ्नो समूहको बैठक बोलाएर छलफल गरेका थिए । विशेष महाधिवेशनपछि कांग्रेस एकतावद्ध हुनसकेको छैन । एक समूहले अर्को समूहलाई स्वीकार्न नसक्दा पार्टीमा समानान्तर गतिविधि सञ्चालन भइरहेका छन् ।

Comments

प्रकाशित मिति : 2026-04-30

अरु समाचार

© NewsNepal 2018 - All Right Reserved.
newsnepal.com 2017.hlon.org